ഡ്രൈ ബ്രഷ് ചെയ്ത് നേടാം സൗന്ദര്യമുള്ള ചർമം; എങ്ങനെയെന്നറിയാം

നിങ്ങളുടെ ചർമ്മത്തിൽ അടിഞ്ഞുകൂടുന്ന നിർജ്ജീവ കോശങ്ങളെ കൃത്യസമയത്ത് പുറന്തള്ളിയില്ലെങ്കിൽ അത് ഇടയ്ക്കിടെ പല ചർമപ്രശ്നങ്ങളും വരുത്തിവയ്ക്കാൻ ഇടയാക്കിയേക്കാം. അതുകൊണ്ടുതന്നെ മിക്ക ആളുകളും ഓരോ ഇടവേളകളിലും എക്സ്ഫോളിയേറ്ററുകൾ ഉപയോഗിച്ചുകൊണ്ട് ഇത്തരത്തിൽ നിർജ്ജീവ കോശങ്ങളെ പുറന്തള്ളാറുണ്ട്. ചർമ്മത്തെ എപ്പോഴും വൃത്തിയുള്ളതാക്കി വയ്ക്കാനും പുതുമ നൽകാനുമൊക്കെ ഈയൊരു പ്രവർത്തി സഹായിക്കുന്നതാണ്. പ്രത്യേകിച്ചും മുഖം പോലുള്ള ചർമ്മ ഭാഗങ്ങളിൽ അടിഞ്ഞുകൂടുന്ന നിർജ്ജീവ കോശങ്ങളെ നീക്കം ചെയ്യുന്നതിനാണെങ്കിൽ പലരും പുറത്തുനിന്നും വാങ്ങുന്ന എക്സ്ഫോളിയേറ്റിങ്ങ് ഏജൻ്റുകൾ ഉപയോഗിച്ചു വരുന്നു. അതുകൂടാതെ മുഖത്തെ നിർജീവ കോശങ്ങളെ മികച്ച രീതിയിൽ പുറന്തള്ളുന്നതിന് പ്രകൃതിദത്ത ചേരുവകൾ പോലും നിങ്ങൾക്ക് നല്ല ഗുണങ്ങളെ നൽകും.



എന്നാൽ മുഖത്ത് മാത്രമല്ല നിങ്ങളുടെ ശരീരത്തിൽ ഉടനീളം ഇത്തരത്തിൽ എക്സ്ഫോളിയേഷൻ ചെയ്യണമെന്ന് ആഗ്രഹിച്ചാൽ അതല്പം കടുപ്പമേറിയ കാര്യമായി തോന്നിയേക്കാം. കാരണം നിങ്ങളുടെ ശരീരം മുഴുവൻ ഇതുപോലെ എക്സ്ഫോളിയേറ്റ് ചെയ്യണമെങ്കിൽ അതിന് ആവശ്യമായ ചേരുവകളും കൂടുതലധികമായി വേണ്ടിവന്നേക്കാം. അത് നിങ്ങൾ പ്രതീക്ഷിക്കുന്ന ചിലവിൽ അത് സാധിച്ചെന്ന് വരില്ല. എന്നാൽ ഇത്തരം ചേരുവകളുടെയൊന്നും ആവശ്യമില്ലാതെ വളരെ എളുപ്പത്തിൽ നിങ്ങളുടെ ശരീര ചർമത്തിൽ അടിഞ്ഞുകൂടുന്ന മുഴുവൻ നിർജ്ജീവ കോശങ്ങളെയും പുറന്തള്ളാൻ ഒരു എളുപ്പവഴിയുണ്ട് എന്ന് പറഞ്ഞാൽ വിശ്വസിക്കുമോ. ഇതിന് സഹായിക്കുന്ന ഡ്രെ ബ്രഷിംഗ് രീതിയെ കുറിച്ചാണ് നമ്മളിന്ന് സംസാരിക്കുന്നത്.

ഇന്ന് ഈ ഡ്രൈ ബ്രഷിംഗ് രീതി പല ബ്യൂട്ടി പാർലറുകളിലും സ്പാകളിലുമൊക്കെ തങ്ങളുടെ പാക്കേജുകളുടെ ഭാഗമായി വാഗ്ദാനം ചെയ്യുന്നുണ്ട്. ഒരേ സമയം ചർമ്മത്തിന് സുഖകരമായ അനുഭവം നൽകാനും നിർജ്ജീവ കോശങ്ങളെ പുറന്തള്ളികൊണ്ട് സൗന്ദര്യമുള്ള ചർമ്മസ്ഥിതി വീണ്ടെടുക്കാനും സഹായമരുളുന്ന നല്ല മാർഗമാണ് ഡ്രൈ ബ്രഷിംഗ് രീതി. ഡ്രൈ ബ്രഷിംഗ് രീതി യഥാർത്ഥത്തിൽ എന്താണ് എന്നതിനെക്കുറിച്ചും വളരെയെളുപ്പത്തിൽ ഘട്ടം ഘട്ടമായി ഈയൊരു പ്രക്രിയ നിങ്ങൾക്ക് എങ്ങനെ ചെയ്യാനാകും എന്നതിനെകുറിച്ചും അറിയാം.

വരണ്ട ചർമ്മത്തെ മിനുമിനുത്തതാക്കാൻ ഇനി ഒലിവ് ഓയിൽ

എന്താണ് ഡ്രൈ ബ്രഷിംഗ് ?



നിങ്ങളുടെ ചർമത്തിൽ ഡ്രൈ ബ്രഷ് ചെയ്യുന്നത് വളരെ എളുപ്പമുള്ള കാര്യമാണ്. നീണ്ട കുറ്റി പല്ലുകളുള്ള ഒരു ബ്രഷ് ഉപയോഗിച്ച് നിങ്ങളുടെ തല മുതൽ കാൽ വരെ ചർമ്മത്തിലുടനീളം സ്ക്രബ് ചെയ്യുന്ന വിദ്യയാണിത്. സാധാരണ രീതിയിൽ നിങ്ങൾ കുളിക്കുമ്പോൾ ശരീര ചർമ്മം സ്‌ക്രബ് ചെയ്യുന്ന രീതിയല്ല ഇത്. പകരം ഒട്ടും വെള്ളം ഉപയോഗിക്കാതെ നിങ്ങളുടെ ചർമ്മം വരണ്ടിരിക്കുമ്പോൾ ചർമ്മത്തിൽ ബ്രഷ് ചെയ്യുന്ന രീതിയാണിത്. ചിലയാളുകൾ ഡ്രൈ ബ്രഷിംങ്ങ് ചെയ്യുന്നതിനു മുമ്പ് ഒരു ബോഡി ഓയിൽ പ്രയോഗിക്കാൻ ശുപാർശ ചെയ്യുന്നുണ്ട്. ഈയൊരു പ്രക്രിയ സ്വാഭാവികമായും ചർമ്മത്തെ വളരെ എളുപ്പത്തിൽ പുറംതള്ളാൻ സഹായകമായി മാറുകയും കൂടുതൽ മിനുസമാർന്നതും മൃദുവായതുമായ ചർമ്മസ്ഥിതി നൽകുകയും ചെയ്യും.

ഡ്രൈ ബ്രഷിംഗിന്റെ ഗുണങ്ങൾ

1. നിർജ്ജീവ ചർമ്മത്തെ പുറന്തള്ളാൻ



ചർമ്മത്തിൽ അടിഞ്ഞുകൂടുന്ന നിർജ്ജീവ കോശളെല്ലാം എളുപ്പത്തിൽ നീക്കം ചെയ്യാൻ സഹായിക്കുന്ന മാർഗങ്ങളിലൊന്നാണ് ഡ്രൈ ബ്രഷിംഗ് രീതി. നിർജീവ ചർമ്മത്തെ നീക്കം ചെയ്യുന്നതിന് എക്സ്ഫോളിയേഷനേക്കാൾ നല്ല മറ്റ് രീതികൾ ഒന്നുമില്ല. ബ്രഷിലെ നീണ്ട കുറ്റിരോമങ്ങൾ നിങ്ങളുടെ വരണ്ടതും പരുക്കൻ സ്വഭാവമുള്ളതുമായ പുറംതൊലിയിലെ ചർമ്മകോശങ്ങളെ സ്വമേധയാ നീക്കം ചെയ്തുകൊണ്ട് നിങ്ങൾക്ക് മിനുസമാർന്ന ചർമ്മം നൽകുന്നു.

2. മെച്ചപ്പെട്ട രക്തചംക്രമണത്തിന്



ചർമത്തിൽ ചെയ്യുന്ന മസാജിങ് രീതികളെല്ലാം പൊതുവേ ചർമ്മത്തിലേക്ക് ആവശ്യമായ രക്തചംക്രമണം വർദ്ധിപ്പിക്കുന്നതിന് സഹായം ചെയ്യുന്നതാണ്. ഡ്രെ ബ്രഷിങ്ങ് രീതിയും ഇത്തരത്തിൽ നിങ്ങളുടെ ചർമത്തിന് മസാജിങ്ങ് ഗുണങ്ങളെ നൽകാൻ ശേഷിയുള്ളതാണ്. ചർമ്മത്തെ കൂടുതൽ തിളക്കമുള്ളതാക്കി തീർക്കാൻ ആവശ്യമായ തരത്തിൽ രക്തചംക്രമണം ഉത്തേജിപ്പിക്കാൻ ഇത് നിങ്ങളെ സഹായിക്കും.

3. സുഷിരങ്ങളെ വൃത്തിയാക്കുന്നു



നിങ്ങളുടെ ചർമ്മ സുഷിരങ്ങളിൽ അടിഞ്ഞുകൂടുന്ന എല്ലാ അഴുക്കും അധിക എണ്ണമയവും നീക്കം ചെയ്യാൻ ഈ ഡ്രെ ബ്രഷിങ്ങ് രീതി നല്ലതാണ്. മുഖചർമ്മത്തിൽ ഇത് ചെയ്യുമ്പോൾ, സൗമ്യവും മൃദുവുമായ രീതിയിൽ വേണം ബ്രഷ് ചെയ്യാൻ. ഇതിനായി വേണമെങ്കിൽ നിങ്ങൾക്ക് വലുപ്പം കുറഞ്ഞ ചെറിയ ബ്രഷ് ഉപയോഗിക്കാം.

4. ചർമ്മത്തെ പുതുമയുള്ളതാകുന്നു



ചർമ്മത്തെ പുനരുജ്ജീവന ഗുണങ്ങൾ നൽകികൊണ്ട് എപ്പോഴും പുതുമയുള്ളതാക്കി നിലനിർത്താൻ ഡ്രൈ ബ്രഷിംഗ് രീതി സഹായിക്കും.

മുഖകാന്തി കൂട്ടാൻ ഗ്ലിസറിൻ ഉപയോഗിക്കാം ഇതുപോലെ

ഡ്രൈ ബ്രഷിംഗ് എങ്ങനെ ചെയ്യാം?



1. നിങ്ങളുടെ കാലിൽ നിന്ന് ഈ പ്രക്രിയ ചെയ്യാൻ ആരംഭിക്കുക. വീതിയുള്ള പല്ലുകളുള്ള ബ്രഷ് ഉപയോഗിച്ചുകൊണ്ട് നിങ്ങളുടെ കാൽപാദങ്ങളിൽ നിന്ന് മുകളിലേക്ക് ബ്രഷ് ചെയ്ത് തുടങ്ങുക. ചർമ്മത്തിന്റെ ഓരോ ഭാഗത്തും പല തവണ ബ്രഷ് ചെയ്യുക.

2. ഇത് നിങ്ങളുടെ ശരീരത്തിലൂടനീളം വയറി നെറ് ഭാഗത്തുനിന്ന് ആരംഭിച്ച് കക്ഷങ്ങളും കൈപ്പത്തികൾ, തോളുകൾ എന്നിവയെല്ലാം ഡ്രൈ ബ്രഷ് ചെയ്ത് വൃത്തിയാക്കാം.

3. അടിവയറ്റിലും മുതുകിൻ്റെ ഭാഗത്തും ഈ പ്രക്രിയ ആവർത്തിക്കുക.

4.മുഖത്ത് പ്രയോഗിക്കുമ്പോൾ കൂടുതൽ മിനുസമാർന്ന ബ്രഷ് മാത്രം ഉപയോഗിക്കുക

5. ആവശ്യമെങ്കിൽ ഈ പ്രക്രിയയിൽ ഉടനീളം നിങ്ങൾക്ക് ഒരു ലോഷൻ ഉപയോഗിക്കാനാവും.