കാർ പാർക്കിങ്ങിൽ ‘അന്യഗ്രഹജീവി’, വെടിവെപ്പ്, സാമുവലിന്റ വിചിത്ര വാദം

കെന്റക്കി സ്വദേശിയായ സാമുവൽ റിഡൽ (55) കീൻലാൻഡ് ഡ്രൈവിലെ ഒരു ഹോട്ടലിൽ അടുത്തിടെ താമസിക്കാൻ ചെന്നു. അൽപ സമയത്തിന് ശേഷം ഹോട്ടൽ മുറിയുടെ ജനാലയിലൂടെ സാമുവൽ കാർ പാർക്കിങ്ങിലേക്ക് തുരുതുരാ വെടിയുതിർത്തു. വെടിവെപ്പ് നടന്നതിനെ തുടർന്ന് ഹോട്ടലിൽ നിന്നുള്ളവരെ മുഴുവൻ പോലീസ് ഒഴിപ്പിക്കുകയും വെടിയുതിർത്ത സാമുവലിന്റെ ചോദ്യം ചെയ്യുകയും ചെയ്തു റിച്ച്മണ്ട് പോലീസ് ഡിപ്പാർട്മെന്റ്. പക്ഷെ താൻ വെടിയുതിർക്കാൻ എന്താണ് കാരണം എന്ന സാമുവലിന്റെ വിശദീകരണം കേട്ട് റിച്ച്മണ്ട് പോലീസ് പോലും അന്ധാളിച്ചിരിക്കണം.



12 വർഷമായി ഉറക്കം വെറും 30 മിനിറ്റ് മാത്രം, പൂർണ ആരോഗ്യവാൻ

കാർ പാർക്കിങ്ങിൽ അന്യഗൃഹജീവികളെ കണ്ടു എന്നാണ് സാമുവലിന്റെ വിചിത്ര വാദം. ഉടനെ കൈയിലുണ്ടായ തോക്കുപയോഗിച്ച് അന്യഗൃഹജീവികളെ കൊല്ലാനാണത്രെ താൻ വെടിയുതിർത്തത്. സാമുവൽ വെടിയുതിർത്തയോടെ ഒപ്പം ഹോട്ടൽ മുറിയിലുണ്ടായ യുവതി പേടിച്ച് കുളിമുറിയിൽ കയറി ഒളിച്ചുവത്രെ. പോലീസുകാർ വരുന്നതുവരെ അവൾ കുളിമുറിയിൽ നിന്ന് പുറത്തിറങ്ങിയില്ല.

ഹൊറർ സിനിമകൾ ഇഷ്ടമാണോ? 13 സിനിമ കണ്ടാൽ 1 ലക്ഷം രൂപ പ്രതിഫലം

ഹോട്ടലിന്റെ പാർക്കിംഗ് സ്ഥലത്തെ ഏതാനും കാറുകൾക്ക് നാശനഷ്ടം സംഭവിച്ചതൊഴിച്ചാൽ സാമുവലിന്റെ അന്യഗൃഹജീവി വേട്ടക്കൊണ്ട് ആർക്കും ജീവഹാനി സംഭവിച്ചിട്ടില്ല. അതെ സമയം സാമുവൽ കുറ്റക്കാരനാണെന്നും രണ്ട് കൈത്തോക്കുകളും ഒരു സെമി ഓട്ടോമാറ്റിക് റൈഫിളും കൈവശം വച്ചിരുന്നതായും പോലീസ് വ്യക്തമാക്കി.

പോലീസ് ഉദ്യോഗസ്ഥനെ അപായപ്പെടുത്തൽ, ക്രിമിനൽ കുഴപ്പങ്ങൾ, തോക്കും കൈവശം വയ്ക്കൽ എന്നിങ്ങനെ വിവിധ വകുപ്പുകൾ ചേർത്ത് സാമുവലിനെതിരെ പോലീസ് കേസെടുത്തിട്ടുണ്ട്.