Gokul Murali | Samayam Malayalam | Updated: Sep 22, 2021, 10:30 AM
പി സി ചാക്കോയുടെ അടുപ്പമുണ്ടായിരുന്ന സംസ്ഥാന സെക്രട്ടഫി ബിജു ആബേൽ ജേക്കബ് പാര്‍ട്ടി പ്രവര്‍ത്തകനെ ഭീഷണിപ്പെടുത്തുന്ന ശബ്ദരേഖയും പുറത്തായിട്ടുണ്ട്. ഏകാധിപതിയെ പോലെ പെരുമാറുന്നുവെന്നും മുതിര്‍ന്ന നേതാവും മുൻ അധ്യക്ഷനുമായ ടി പി പീതാംബരനെയും മന്ത്രി എ കെ ശശീന്ദ്രനേയും വകവയ്ക്കാതെയാണ് ചാക്കോയുടെ തീരുമാനങ്ങളെന്നും ശശീന്ദ്ര പക്ഷം ആരോപിക്കുന്നു
പിസി ചാക്കോയും എകെ ശശീന്ദ്രനും
ഹൈലൈറ്റ്:
- ആരോപണം ബിജു ആബേൽ ജേക്കബ് പാര്‍ട്ടി പ്രവര്‍ത്തകനെ ഭീഷണിപ്പെടുത്തുന്ന ശബ്ദരേഖയും പുറത്തായതിന് പിന്നാലെ
- ടി പി പീതാംബരനെയും മന്ത്രി എ കെ ശശീന്ദ്രനേയും വകവയ്ക്കാതെയാണ് ചാക്കോയുടെ തീരുമാനങ്ങളെന്നും ആരോപണം
- കോണ്‍ഗ്രസ് വിട്ട് വരുമ്പോള്‍ ചാക്കോയ്ക്കൊപ്പം നിരവധി പേര്‍ എത്തുമെന്ന് പറഞ്ഞെങ്കിലും അതുണ്ടായില്ല
ചാക്കോ പാര്‍ട്ടി ഹൈജാക്ക് ചെയ്തുവെന്നാണ് എ കെ ശശീന്ദ്രൻ വിഭാഗത്തിന്റെ പ്രധാന ആരോപണം. പി സി ചാക്കോയുടെ അടുപ്പമുണ്ടായിരുന്ന സംസ്ഥാന സെക്രട്ടഫി ബിജു ആബേൽ ജേക്കബ് പാര്‍ട്ടി പ്രവര്‍ത്തകനെ ഭീഷണിപ്പെടുത്തുന്ന ശബ്ദരേഖയും പുറത്തുവന്നിട്ടണ്ടെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്യുന്നു.
പാര്‍ട്ടിയിൽ ഭിന്നത തുടങ്ങുന്നത് പി സി ചാക്കോ പ്രസിഡന്റ് ആയതിന് ശേഷം ജില്ലാ പ്രസിഡന്റുമാരെ മാറ്റിയത് മുതൽക്കാണെന്നാണ് റിപ്പോര്‍ട്ട്. ഏകാധിപതിയെ പോലെ പെരുമാറുന്നുവെന്നും മുതിര്‍ന്ന നേതാവും മുൻ അധ്യക്ഷനുമായ ടി പി പീതാംബരനെയും മന്ത്രി എ കെ ശശീന്ദ്രനേയും വകവയ്ക്കാതെയാണ് ചാക്കോയുടെ തീരുമാനങ്ങളെന്നും ശശീന്ദ്ര പക്ഷം ആരോപിക്കുന്നു. ഇതിനിടെയാണ് പാര്‍ട്ടി പ്രവര്‍ത്തകനായ ബേബിയെ ചാക്കോയുടെ വിശ്വസ്ഥൻ ബിജു ആബേൽ ജേക്കബ് ഭീഷണിപ്പെടുത്തുന്ന ശബ്ദരേഖ പുറത്തുവന്നത്.
ബിജു ആബേൽ ജേക്കബിനെ മന്ത്രി എ കെ ശശീന്ദ്രന്റെ പേഴ്സണന്റെ സ്റ്റാഫംഗം ആക്കിയത് പി സി ചാക്കോ ഇടപെട്ടാണെന്ന ആരോപണവും ഉയരുന്നുണ്ട്. പൊതുജനങ്ങളോട് മാന്യമായേ മന്ത്രിമാരുടെ സ്റ്റാഫ് അംഗങ്ങള്‍ പെരുമാറാവൂ എന്ന സര്‍ക്കാര്‍ നിര്‍ദേശമുള്ളപ്പോഴാണ് പുതിയ വിവാദമുണ്ടായത്.
ഇതോടെ ബിജു ആബേല്‍ ജേക്കബിനെതിരെ എൻസിപിയിലെ ഒരു വിഭാഗം മുഖ്യമന്ത്രിക്ക് പരാതി നല്‍കി. കോണ്‍ഗ്രസ് വിട്ട് വരുമ്പോള്‍ ചാക്കോയ്ക്കൊപ്പം നിരവധി പേര്‍ എത്തുമെന്ന് പറഞ്ഞെങ്കിലും പറയത്തക്ക ഒഴുക്കുണ്ടായില്ല. അതേസമയം, ചില സ്ഥാപിത താല്‍പ്പര്യക്കാരാണ് പാര്‍ട്ടിക്കുള്ളില്‍ പ്രശ്നമുണ്ടെന്ന് പ്രചരിപ്പിക്കുന്നതെന്ന് പിസി ചാക്കോ അനുകൂലികളുടെ വാദം.
Also Read : ലഹരി നൽകി മയക്കി പ്രായപൂര്‍ത്തിയാകാത്ത വിദ്യാര്‍ത്ഥിയുമായി ലൈംഗിക ബന്ധം: അധ്യാപിക അറസ്റ്റിൽ
കഴിഞ്ഞ ദിവസം തൊടുപുഴയിലെ എൻസിപി ഓഫീസ് ഉദ്ഘാടനതത്തിന് പിന്നാലെ പരസ്പരം നേതാക്കളും പ്രവര്‍ത്തകരും തമ്മിൽ ഏറ്റുമുട്ടിയിരുന്നുവെന്നും മറ്റൊരു മാധ്യമം റിപ്പോര്‍ട്ട് ചെയ്തിരുന്നു.
നേരത്തെ പാര്‍ട്ടിക്കുള്ളിലുണ്ടായ ആഭ്യന്തര തര്‍ക്കത്തിനൊടുവിലാണ് മാണി സി കാപ്പൻ പുറത്തുവന്നത്. പിന്നീട് പാലായിൽ നിന്നും മത്സരിക്കുകയും ജോസ് കെ മാണിയെ പരാജയപ്പെടുത്തി നിയമസഭയിലേക്ക് എത്തുകയും ചെയ്തിരുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : reportedly conflict between former congress turned ncp leader p c chacko and a k saseendran
Malayalam News from malayalam.samayam.com, TIL Network
