രാജ്യത്ത് വീണ്ടും വൻ മയക്കുമരുന്ന് വേട്ട; 25 കോടിയുടെ മയക്കുമരുന്ന് പിടികൂടി; രണ്ട് വിദേശവനിതകള്‍ അറസ്റ്റിൽ

ശ്വാസകോശ അർബുദത്തിന് ചികിത്സയ്ക്ക് വേണ്ടിയാണ് എന്ന വ്യാജേനയാണ് ഇരുവരും ഇന്ത്യയിലേക്ക് എത്തിയത് എന്നാണ് ഇന്ത്യൻ എക്‌സ്പ്രസ് റിപ്പോർട്ട് ചെയ്യുന്നു.

അവരുടെ ട്രോളി ബാഗുകളുടെ അറകളിൽ ഒളിപ്പിച്ച നിലയിലായിരുന്നു മയക്കുമരുന്ന് കണ്ടെത്തിയത് എന്ന് കസ്റ്റംസ് ഉദ്യോഗസ്ഥർ പറഞ്ഞു.

വിമാനത്താവളം വഴി നടത്തുന്ന ഏറ്റവും വലിയ മയക്കുമരുന്ന് വേട്ടയാണിത്. രണ്ട് കിലോയിൽ കൂടുതൽ ഇതുവരെ ആരും കടത്തിയിരുന്നില്ലെന്നും അധികൃതര്‍ അറിയിച്ചു.

Also Read : കരുണാകരന്റെ പേരിൽ പിരിച്ച 16 കോടി സുധാകരൻ എന്തു ചെയ്തു? ചെന്നിത്തല പ്രതിപക്ഷ നേതാവാകാതിരുന്നത് ചതി: കെപി അനിൽകുമാർ

വിശദമായി ചോദ്യം ചെയ്തപ്പോള്‍ ഇന്ത്യയിലേക്ക് മയക്കുമരുന്ന് കടത്തുന്നതിന് പ്രതികൾക്ക് 5,000 ഡോളർ വാഗ്ദാനം ചെയ്തതായി ഉദ്യോഗസ്ഥർ പറഞ്ഞു. കോടതിയിൽ ഹാജരാക്കിയ ശേഷം ഒക്ടോബർ അഞ്ച് വരെ ഇരുവരെയും ജുഡീഷ്യൽ കസ്റ്റഡിയിൽ വിട്ടു.

കഴിഞ്ഞ ദിവസം ഇന്ത്യയുടെ വിവിധ കോണുകളില്‍ നിന്നും വന്‍ ലഹരിമരുന്ന് വേട്ടയാണ് നടക്കുന്നത്. ഗുജറാത്തിലെ മുൻദ്ര തുറമുഖത്ത് 20,000 കോടി രൂപയുടെ മയക്കുമരുന്ന് പിടികൂടിയിരുന്നു.

Also Read : ‘വകവയ്ക്കുന്നില്ല, പിസി ചാക്കോ പാര്‍ട്ടിയെ ഹൈജാക്ക് ചെയ്തു’; എൻസിപിയിൽ ആഭ്യന്തര തര്‍ക്കമെന്ന് റിപ്പോര്‍ട്ട്



സംഭവത്തിൽ കള്ളപ്പണം വെളുപ്പിക്കൽ നിരോധന നിയമപ്രകാരം എൻഫോഴ്‌സ്‌മെന്റ് ഡയറക്ടറേറ്റ് അന്വേഷണം ആരംഭിച്ചു. അഫ്ഗാനിസ്ഥാനിൽ നിന്ന് ഇറാൻ വഴിയാണ് 3,000 കിലോയോളം വരുന്ന മയക്കുമരുന്ന് ഇന്ത്യയിലേക്കെത്തിച്ചത്.

ഈ മാസം 15നാണ് കപ്പൽ തുറമുഖത്തെത്തിയത്. ടാൽകം പൗഡറാണെന്ന വ്യാജേനയാണ് കണ്ടെയ്‌നറുകളിൽ മയക്കുമരുന്ന് എത്തിച്ചത്. രണ്ട് കണ്ടെയ്‌നറുകളിലായാണ് മയക്കുമരുന്ന് ഒളിപ്പിച്ചിരുന്നത്. സംഭവത്തിൽ രണ്ട് പേരെ റവന്യൂ ഇന്റലിജൻസ് ഡയറക്ടറേറ്റ്.