ഗോവയുടെ സ്വന്തം ഫെനിയെപ്പറ്റി അറിയണോ? ‘ഓൾ എബൗട്ട് ആൽക്കഹോൾ’ മ്യൂസിയത്തിലേക്ക് പോകാം

ഗോവ എന്ന് കേട്ടാൽ പലർക്കും കടൽതീരങ്ങളാവും ഓർമ്മ വരിക. ചിലർക്ക് നെറ്റ്ക്ലബ്ബ്കളും പാർട്ടികളുമാണ് ഓർമ്മ വരിക. എന്നാൽ മറ്റു ചിലർക്ക് ക്രൂയിസ് ഷിപ്പുകളാവും ആദ്യം മനസ്സിൽ വരിക. ഇന്ത്യയുടെ ‘പാർട്ടി’ തലസ്ഥാനമാണ് ഗോവ. അതെ സമയം ഗോവയെപ്പറ്റി പറയുമ്പോൾ ഫെനിയെപ്പറ്റി പറയാതിരിക്കാൻ പറ്റില്ല. ഗോവയിലെ ഏറ്റവും പ്രശസ്തമായ തനി നാടൻ മദ്യമാണ് ഫെനി. എന്താണ് ഫെനിയെ ഇത്രമേൽ പ്രശസ്തമാക്കുന്നത് എന്നറിയാണോ? അടുത്ത തവണ ഗോവ സന്ദർശിക്കുമ്പോൾ കാൻഡോലിം ബീച്ച് സന്ദർശിക്കുക. അവിടെ പുതുതായി ആരംഭിച്ചിരിക്കുന്ന ‘ഓൾ എബൗട്ട് ആൽക്കഹോൾ‘ എന്ന് പേരിട്ടിരിക്കുന്ന മ്യൂസിയത്തിൽ നിങ്ങൾക്ക് ഉത്തരം ലഭിക്കും.



13,000 ചതുരശ്ര അടിയിൽ വ്യാപിച്ചുകിടക്കുന്നഓൾ എബൗട്ട് ആൽക്കഹോൾ മ്യൂസിയത്തിന് പിന്നിൽ ഗോവൻ സ്വദേശിയായ നന്ദൻ കുഡ്ചഡ്കറാണ്. പുരാതന ഗ്ലാസ്വെയർ മുതൽ ഗോവയുടെ തനത് ഫെനിയ്ക്കായി സമർപ്പിച്ചിരിക്കുന്ന മ്യുസിയമാണ്‌ ഓൾ എബൗട്ട് ആൽക്കഹോൾ. നന്ദന്റെ അഭിപ്രായത്തിൽ ഗോവയുടെ ഏറ്റവും വലിയ സംഭാവനയാണ് ഫെനി. നൂറ്റാണ്ടുകളായി ഫെനി ഗോവയിൽ നിർമ്മിക്കുന്നുണ്ട് എന്ന് നന്ദൻ ഇന്ത്യൻ എക്‌സ്പ്രസ്സിനോട് പറഞ്ഞു.

ഇന്ത്യൻ ബ്രെയ്ക്ക്ഫാസ്റ്റ് മാറ്റിമറിക്കാനെത്തി; ഒടുവിൽ ഉപ്പുമാവ് വിറ്റ് കെല്ലോഗ്സ്

അഞ്ച് വലിയ മുറികളുള്ള മ്യൂസിയത്തിൽ ഫെനിയെപ്പറ്റി സമഗ്രമായ വിവരങ്ങൾ നൽകുന്നുണ്ട്. കശുമാവിൽ നിന്നാണ് ഫെനി തയ്യാറാക്കുന്നത്. കശുമാവിൽ നിന്നും വേർതിരിച്ചെടുത്ത നീരിനെ നീറോ എന്നാണ് പറയുക. ഇത് നേരിട്ട് കുടിക്കാവുന്നതാണ്. അതെ സമയം നീറോ ദ്രാവകത്തെ പിന്നെയും മാറ്റങ്ങൾ വരുത്തിയാണ് ഫെനി തയ്യാറാക്കുന്നത്.

ഫെനി പലർക്കും വീര്യമേറിയ മദ്യമാണ് എന്ന് മ്യൂസിയത്തിലെ മിക്സോളജിസ്റ്റ് ലയണൽ ഗോമസ് സമ്മതിക്കുന്നു. സന്ദർശകരെ ഫെനിയുടെ രുചി എന്തെന്ന് മനസ്സിലാക്കി കൊടുക്കാൻ ഗോമസും കുഡ്ചഡ്കറും മാസങ്ങൾ ചെലവഴിച്ച് ‘ഫെനി കോക്ടെയ്ൽ’ തയ്യാറാക്കിയിട്ടുണ്ട്. മ്യൂസിയത്തിലെ ഭക്ഷണശാല സന്ദർശിക്കുന്നവർക്ക് ഈ പാനീയങ്ങൾ രുചിക്കാം.

തേങ്ങാവെള്ളത്തിൽ കുതിർത്ത ബ്രെഡ്, അരിഞ്ഞിട്ട ഐസ്ക്രീം, പിന്നെ കുറെ ചീസും

ഫെനിക്കു പുറമേ, പുരാതന മൺപാത്രങ്ങളും, പുരാതന തടികൊണ്ടുള്ള ഷോട്ട് ഡിസ്പെൻസർ, പതിനാറാം നൂറ്റാണ്ടിലെ അളക്കുന്ന ഉപകരണങ്ങളും ഗ്ലാസ്വെയറുകളും മ്യൂസിയത്തിൽ ഒരുക്കിയിട്ടുണ്ട്. ഈ വർഷം ഓഗസ്റ്റ് 13നാണ് ഓൾ എബൗട്ട് ആൽക്കഹോൾ മ്യൂസിയം ഉദ്ഘാടനം ചെയ്തത്.