കാർ നിറയെ പൊരിച്ച ചിക്കൻ കടത്തി, കയ്യോടെ പിടികൂടി പോലീസ്

പണം, സ്വർണം, മയക്കുമരുന്ന് തുടങ്ങിയവ കാറിൽ കടത്തുകയും അവസാനം പോലീസിന്റെ പിടിയിലാവുന്നതും നിങ്ങൾ വാർത്തകളിൽ കാണുകയും ദിനപത്രങ്ങളിൽ വായിക്കുകയും ചെയ്തിട്ടുണ്ടാകും. പക്ഷെ ഫ്രൈഡ് ചിക്കൻ കടത്തിയതിന് പോലീസ് പിടിച്ചതായി നിങ്ങൾ കേട്ടിട്ടുണ്ടോ? ന്യൂസീലാന്റിലെ ഓക്ക്ലാൻഡിൽ നിന്നാണ് ഇത്തരമൊരു വാർത്ത റിപ്പോർട്ട് ചെയുന്നത്.



കൊറോണ വൈറസിന്റെ വ്യാപനവുമായി ബന്ധപ്പെട്ട് ഓക്ക്ലാൻഡ് ഇപ്പോൾ അലർട്ട് ലെവൽ 4 ലോക്ക്ഡൗൺ നിയമങ്ങൾക്ക് കീഴിലാണ്. രാജ്യത്തെ ഏറ്റവും കർശനമായ ലെവൽ 4 ലോക്ക്ഡൗൺ നിയമങ്ങൾ അനുസരിച്ച് ഭക്ഷണശാലകൾ പ്രവർത്തിക്കാൻ പാടുള്ളതല്ല. പാർസൽ പോലും തയ്യാറാക്കി വിതരണം ചെയ്യാൻ പാടില്ല. ജനങ്ങൾ കഴിയുന്നതും വീടിനുള്ളിൽ തന്നെ തുടരാൻ നിയമം അനുശാസിക്കുന്നു.

ഇന്ത്യൻ ബ്രെയ്ക്ക്ഫാസ്റ്റ് മാറ്റിമറിക്കാനെത്തി; ഒടുവിൽ ഉപ്പുമാവ് വിറ്റ് കെല്ലോഗ്സ്

ഇങ്ങനെയാണ് സ്ഥിതിവിശേഷം എന്നിരിക്കെ നഗരത്തിന്റെ തെക്കേ അതിർത്തിയിലെ ഒരു ചരൽ പാതയിലൂടെ വന്ന കാർ പോലീസിന്റെ ശ്രദ്ധയിൽ പെട്ടു. സംശയം തോന്നിയ പോലീസ് കൈകാണിച്ച് വാഹനം നിർത്തിച്ചു. ആദ്യം തിരിഞ്ഞു പോകാൻ ശ്രമിച്ചെങ്കിലും ഒടുവിൽ കാർ പോലീസിന്റെ പിടിയിലായി. വാഹനത്തിന്റെ അകത്ത് പരിശോധന നടത്തിയപ്പോൾ പോലീസുകാർ കണ്ടെത്തിയത് എന്തൊക്കെയെന്നോ? പ്രമുഖ ഫാസ്റ്റ് ഫുഡ് ശൃംഖലയായ കെഎഫ്സിയിൽ നിന്നുള്ള ബക്കറ്റ് കണക്കിന് ഫ്രൈഡ് ചിക്കൻ, ഫ്രഞ്ച് ഫ്രൈസ്, 10 ടബ് കോൾസ്ലോ സാലഡ്, നിരവധി ശീതള പാനീയങ്ങൾ.

ബോർബോൺ ബിസ്കറ്റിന്റെ വലിപ്പം കുറച്ചോ? പ്രതികരിച്ച് ബ്രിട്ടാനിയ കമ്പനി

ലോക്കൽ പോലീസിന്റെ ഫേസ്ബുക്ക് പോസ്റ്റ് അനുസരിച്ച് ഗാങ് അസ്സോസിയേറ്റ്സ് എന്ന് പേരുള്ള സ്ഥാപനത്തിന്റെ കാറാണ് പിടിയിലായത്. കാറിൽ ഫാസ്റ്റ് ഫുഡ് കൂടാതെ 100,000 ന്യൂസീലാൻഡ് ഡോളറും, നിഅവധി ഒഴിഞ്ഞ ഫാസ്റ്റ്ഫുഡ് ഡബ്ബകളും കണ്ടെത്തി.

ബിബിസി റിപ്പോർട്ട് അനുസരിച്ച് 23 നും 30 നും ഇടയിൽ പ്രായമുള്ള രണ്ടു പേരാണ് കാറിനൊപ്പം പിടിയിലായത്. ഓക്ക്‌ലാൻഡിന് 75 മൈൽ (121 കിലോമീറ്റർ) തെക്ക് ഹാമിൽട്ടണിൽ നിന്നാണ് ഇവർ യാത്ര ആരംഭിച്ചത്. ഭക്ഷണം വിതരണം ചെയ്യാൻ അനുവാദമില്ലാത്ത ഓക്ക്ലാൻഡിൽ അമിത വിലയ്ക്ക് ഫ്രൈഡ് ചിക്കനും മറ്റും വിൽക്കാനായിരുന്നു ഇവരുടെ പദ്ധതി എന്നാണ് വിവരം.