IPL 2021, RCB vs CSK Cricket Score: 50 പന്തിൽ നിന്ന് അഞ്ച് ഫോറും മൂന്ന് സിക്സറുമടക്കം 70 റൺസാണ് പടിക്കൽ നേടിയത്
IPL 2021, RCB vs CSK Cricket Score Updates Streaming Online: ഐപിഎല്ലിൽ റോയൽ ചലഞ്ചേഴ്സ് ബാംഗ്ലൂരിനെതിരെ ചെന്നൈ സൂപ്പർ കിങ്സിന് 157 റൺസ് വിജയലക്ഷ്യം. ആദ്യം ബാറ്റ് ചെയ്ത ആർസിബി നിശ്ചിത 20 ഓവറിൽ ആറ് വിക്കറ്റ് നഷ്ടത്തിൽ 156 റൺസ് നേടി.
ബാംഗ്ലൂരിന് വേണ്ടി ഓപ്പണർമാരായ നായകൻ വിരാട് കോഹ്ലിയും ദേവ്ദത്ത് പടിക്കലും അർദ്ധ സെഞ്ചുറി നേടി. 50 പന്തിൽ നിന്ന് അഞ്ച് ഫോറും മൂന്ന് സിക്സറുമടക്കം 70 റൺസാണ് പടിക്കൽ നേടിയത്. കോഹ്ലി 41 പന്തിൽ ആറ് ഫോറും ഒരു സിക്സറുമടക്കം 53 റൺസ് നേടി.
10 ഓവറിലധികം ഒരു വിക്കറ്റും നഷ്ടപ്പെടാതെ കളിച്ച ആർസിബിക്ക് 111 റൺസെടുത്ത ശേഷം പതിമൂന്നാം ഓവറിലാണ് ആദ്യ വിക്കറ്റ് നഷ്ടപ്പെട്ടത്. കോഹ്ലിയുടെ വിക്കറ്റ് നഷ്ടപ്പെട്ടപ്പോൾ പകരക്കാരനായിറങ്ങിയ എബി ഡി വില്ലേഴ്സ് 11 പന്തിൽ നിന്ന് 12 റൺസ് നേടി പതിനാറാം ഓവറിൽ പുറത്തായി. തൊട്ടടുത്ത പന്തിൽ തന്നെ ദേവ്ദത്ത് പടിക്കലും പുറത്തായി.
തുടർന്നിറങ്ങിയ ഗ്ലെൻ മാക്സ്വെൽ 11 റൺസ് നേടി പുറത്തായി. ടിം ഡേവിഡ്, വാനിന്ദു ഹസരനാഗ എന്നിവർ ഓരോ റണ്ണും ഹർഷൽ പട്ടേൽ മൂന്ന് റൺസുമെടുത്തു.
ചെന്നൈക്ക് വേണ്ടി ഡ്വെയ്ൻ ബ്രാവോ മൂന്ന് വിക്കറ്റെടുത്തു. ശർദുൽ ഠാക്കൂർ രണ്ട് വിക്കറ്റും ദീപക് ചഹർ ഒരു വിക്കറ്റുമെടുത്തു.
മത്സരത്തിൽ ടോസസ് നേടിയ ചെന്നൈ ബൗളിങ് തിരഞ്ഞെടുക്കുകയായിരുന്നു. ഷാർജ ക്രിക്കറ്റ് സ്റ്റേഡിയത്തിലാണ് മത്സരം. ഏഴുമണിക്ക് നടക്കേണ്ടിയിരുന്ന ടോസിങ് മണൽക്കാറ്റിനെത്തുടർന്ന് വൈകിയാണ് നടന്നത്.
Where will the live coverage of the Royal Challengers Bangalore vs Chennai Super Kings match be available? റോയല്‍ ചലഞ്ചേഴ്സ് ബാംഗ്ലൂര്‍-ചെന്നൈ സൂപ്പര്‍ കിങ്സ് മത്സരം എങ്ങനെ കാണാം?
റോയല്‍ ചലഞ്ചേഴ്സ് ബാംഗ്ലൂര്‍-ചെന്നൈ സൂപ്പര്‍ കിങ്സ് മത്സരത്തിന്റെ തത്സമയ സംപ്രേക്ഷണം സ്റ്റാര്‍ സ്പോര്‍ട്സ് 1, സ്റ്റാര്‍ സ്പോര്‍ട്സ് 1 എച്ച്ഡി, സ്റ്റാര്‍ സ്പോര്‍ട്സ് 3, സ്റ്റാര്‍ സ്പോര്‍ട്സ് 3 എച്ച്ഡി എന്നീ ചാനലുകളില്‍ ഉണ്ടായിരിക്കുന്നതാണ്.
How to watch the live streaming of the Royal Challengers Bangalore vs Chennai Super Kings match online? റോയല്‍ ചലഞ്ചേഴ്സ് ബാംഗ്ലൂര്‍-ചെന്നൈ സൂപ്പര്‍ കിങ്സ് മത്സരത്തിന്റെ ലൈവ് സ്ട്രീമിങ് എങ്ങനെ കാണാം?
റോയല്‍ ചലഞ്ചേഴ്സ് ബാംഗ്ലൂര്‍-ചെന്നൈ സൂപ്പര്‍ കിങ്സ് മത്സരത്തിന്റെ ലൈവ് സ്ട്രീമിങ് ഹോട്സ്റ്റാര്‍ ആപ്പില്‍ ലഭ്യമാണ്.
Also Read: IPL 2021: പേര് രോഹിത് ശര്‍മ, പ്രധാന ഇര കൊല്‍ക്കത്ത; അപൂര്‍വ റെക്കോര്‍ഡുമായി താരം
