മുറിവുകൾ വേഗം സുഖപ്പെടുത്താം ഈ ഭക്ഷണശീലങ്ങളിലൂടെ

നിങ്ങളുടെ മുറിവുകൾ ഭേദമാകാൻ എടുക്കുന്ന സമയത്തെക്കുറിച്ച് നിങ്ങൾ എപ്പോഴെങ്കിലും ശ്രദ്ധിച്ചിട്ടുണ്ടോ? ഇല്ലെങ്കിൽ, ഇത് ഇനിയെങ്കിലും ശ്രദ്ധയോടെ കൈകാര്യം ചെയ്യേണ്ട കാര്യമാണ്. കാരണം, നിങ്ങളുടെ പ്രതിരോധശേഷി എത്രത്തോളം ശക്തമാണെന്ന് കണ്ടെത്താൻ ഇത് സഹായിക്കും. നിങ്ങളുടെ മുറിവുകൾ സുഖപ്പെടുത്തുന്നതിന് പതിവിലും കൂടുതൽ സമയമെടുക്കുകയാണെങ്കിൽ, വിഷമിക്കേണ്ട. മുറിവ് ഉണക്കുന്നതിനെ ത്വരിതപ്പെടുത്തുന്നതിന് നിങ്ങൾക്ക് ഭക്ഷണക്രമത്തിൽ ചില ഭക്ഷണങ്ങൾ ചേർക്കാൻ കഴിയുന്നതാണ്.



പച്ചക്കറികൾ, പഴങ്ങൾ, പ്രോട്ടീൻ അടങ്ങിയ ഭക്ഷണങ്ങൾ, ആരോഗ്യകരമായ കൊഴുപ്പുകൾ എന്നിവ പോലുള്ള പല ഭക്ഷണങ്ങളും നിങ്ങളുടെ മുറിവുകൾ വേഗത്തിൽ ഭേദമാക്കാൻ സഹായിക്കുന്നു. കാരണം അവ വീക്കം കുറയ്ക്കുകയും വെളുത്ത രക്താണുക്കളുടെ ഉത്പാദനം പ്രോത്സാഹിപ്പിക്കുകയും രോഗപ്രതിരോധ ശേഷി മെച്ചപ്പെടുത്തുകയും നിങ്ങളുടെ ശരീരത്തിന് വീണ്ടെടുക്കാൻ ആവശ്യമായ ഇന്ധനം നൽകുകയും ചെയ്യുന്നു. മുറിവ് വേഗം ഭേദമാകാൻ ഈ ചേരുവകൾ ഭക്ഷണത്തിൽ ചേർക്കുന്നത് ഗുണകരമാണ്.

1. മഞ്ഞൾ



മഞ്ഞളിന് ആന്റിസെപ്റ്റിക്, ആൻറി ബാക്ടീരിയൽ ഗുണങ്ങൾ ഉണ്ട്, ഇത് മുറിവുകൾ വേഗത്തിൽ സുഖപ്പെടുത്താൻ സഹായിക്കുന്നു. മുറിവിന്റെ വേദന ഒഴിവാക്കാനും ഇത് സഹായിക്കുന്നു. നിങ്ങൾക്ക് ഇത് പാലിൽ ചേർത്ത് കഴിക്കാം, അല്ലെങ്കിൽ മികച്ച ഫലത്തിനായി മുറിവിൽ ശ്രദ്ധയോടെ പുരട്ടുകയും ചെയ്യാം.

2. പാൽ



പാലിൽ കാൽസ്യം ധാരാളം അടങ്ങിയിട്ടുണ്ട്, അതിനാലാണ് മുറിവ് ഉണക്കുന്ന പ്രക്രിയയെ ഇത് ത്വരിതപ്പെടുത്തുന്നത്.

അധിക ഭാരം കുറയ്ക്കാൻ ഫ്‌ളാക്‌സ് സീഡ്സ്; കഴിക്കേണ്ടത് ഇങ്ങനെ

3. നട്ട്സ്



ബദാം, വാൾനട്ട്, ചണവിത്ത്, സൂര്യകാന്തി വിത്തുകൾ എന്നിവ മുറിവുകൾ വേഗത്തിൽ സുഖപ്പെടുത്താൻ സഹായിക്കുന്നു. നട്ട്സുകളും വിത്തുകളും സസ്യങ്ങളെ അടിസ്ഥാനമാക്കിയുള്ള പ്രോട്ടീനുകൾ, വിറ്റാമിനുകൾ, ധാതുക്കൾ, ആരോഗ്യകരമായ കൊഴുപ്പുകൾ എന്നിവ നൽകുന്നു. സിങ്ക്, മാംഗനീസ്, മഗ്നീഷ്യം, വിറ്റാമിൻ ഇ എന്നിവയും ഇവയിൽ അടങ്ങിയിട്ടുണ്ട്. അവ ആന്റിഓക്‌സിഡന്റുകളായി പ്രവർത്തിക്കുകയും ശരീരത്തിലെ കോശങ്ങളുടെ നാശത്തിൽ നിന്ന് സംരക്ഷണം നൽകുകയും ചെയ്യുന്നു.

4. ചിക്കൻ സൂപ്പ്



മഗ്നീഷ്യം, കാൽസ്യം, ഫോസ്ഫറസ് തുടങ്ങിയ ധാതുക്കൾ ചിക്കൻ സൂപ്പിൽ ധാരാളം അടങ്ങിയിട്ടുണ്ട്. കൊളാജനും ഇതിൽ കൂടുതലാണ്. ഇത് നമ്മുടെ ആരോഗ്യത്തിന് ഉത്തമമാണ്. മുറിവുകൾ വേഗത്തിൽ സുഖപ്പെടുത്തുന്നതിനും നമ്മുടെ രോഗപ്രതിരോധ ശേഷി ശക്തമാക്കുന്നതിനും ഈ വിഭവം കുടിക്കുന്നത് സഹായിക്കുന്നു.

5. സരസഫലങ്ങൾ



പതിവിലും വേഗത്തിൽ മുറിവുകൾ ഭേദമാക്കാൻ ശരീരത്തെ സഹായിക്കുന്ന പോഷകങ്ങളും സംയുക്തങ്ങളും ബെറി അഥവാ സരസഫലങ്ങളിൽ നിറഞ്ഞിരിക്കുന്നു. വിറ്റാമിൻ സി ധാരാളം അടങ്ങിയിട്ടുള്ള ഇവ കൊളാജന്റെ ഉത്പാദനത്തെ ഉത്തേജിപ്പിക്കുന്നതിലൂടെ മുറിവ് ഉണക്കാൻ സഹായിക്കുന്നു. അവയിൽ ആന്റിഓക്‌സിഡന്റുകളും അടങ്ങിയിട്ടുണ്ട്, കൂടാതെ ആൻറി-ഇൻഫ്ലമേറ്ററി, ആൻറിവൈറൽ, സവിശേഷതകളും രോഗപ്രതിരോധ ശേഷി വർദ്ധിപ്പിക്കുന്ന ഗുണങ്ങളും ഇവയിൽ അടങ്ങിയിട്ടുണ്ട്.

6. പച്ചക്കറികൾ



ശരീരത്തെ സുഖപ്പെടുത്തുന്നതിന് ആവശ്യമായ വിറ്റാമിനുകളും ധാതുക്കളും പച്ചക്കറികൾ നൽകുന്നു. കാർബോഹൈഡ്രേറ്റുകളും അവയിൽ അടങ്ങിയിട്ടുണ്ട്, ഇത് ഊർജ്ജം നൽകുകയും പേശികൾ തളരുന്നത് തടയുകയും ചെയ്യുന്നു. വിറ്റാമിൻ എ, വിറ്റാമിൻ സി, ഫൈബർ എന്നിവ പച്ചക്കറികളിൽ ധാരാളം അടങ്ങിയിട്ടുണ്ട്, ഇത് മലബന്ധം തടയാൻ സഹായിക്കുന്നു. മുറിവുകൾ നന്നായി സുഖപ്പെടുത്തുന്നതിനായി കോളിഫ്ളവർ, കാരറ്റ്, ബ്രൊക്കോളി, കാപ്സിക്കം, ഉരുളക്കിഴങ്ങ്, കാബേജ്, എന്നിവ ഭക്ഷണക്രമത്തിൽ ഉൾപ്പെടുത്താം

അറിഞ്ഞിരിക്കാം ബ്രഹ്മിയുടെ ഈ അമൂല്യ ഗുണങ്ങൾ

7. ആരോഗ്യകരമായ കൊഴുപ്പ് അടങ്ങിയ ഭക്ഷണങ്ങൾ



എല്ലാ കൊഴുപ്പുകളും മോശമല്ല. ആരോഗ്യകരമായ കൊഴുപ്പുകൾ നമ്മുടെ ശരീരത്തിന് അത്യന്താപേക്ഷിതമാണ്, കാരണം അവ ഊർജ്ജവും വിറ്റാമിൻ ഇയും നിങ്ങൾക്ക് നൽകുന്നു, ഇത് നിങ്ങളുടെ ശരീരത്തിലെ മുറിപാടുകളുടെ രൂപം കുറയ്ക്കാൻ സഹായിക്കുന്നു. ഈ കൊഴുപ്പുകൾ രോഗപ്രതിരോധ ശേഷിയെ ശക്തിപ്പെടുത്തുകയും അണുബാധ പിടിപെടാനുള്ള സാധ്യത കുറയ്ക്കുകയും ചെയ്യുന്നു. വെളിച്ചെണ്ണ, ഒലിവ് ഓയിൽ, വിത്ത്, നട്ട്സുകൾ, അവോക്കാഡോ എന്നിവ ആരോഗ്യകരമായ കൊഴുപ്പ് അടങ്ങിയ ഭക്ഷണങ്ങളുടെ ചില ഉദാഹരണങ്ങളാണ്.

8. മുട്ട



പരിക്കിനെത്തുടർന്ന് കൂടുതൽ മുട്ട കഴിക്കാൻ ഡോക്ടർ നിങ്ങളെ ഉപദേശിക്കാറില്ലേ? മുട്ടയിൽ പ്രോട്ടീൻ, വിറ്റാമിൻ എ, ഇ, ബി കോംപ്ലക്സ്, ഫോളിക് ആസിഡ്, കാൽസ്യം, റൈബോഫ്ലേവിൻ, ഇരുമ്പ്, സിങ്ക് എന്നിവ അടങ്ങിയിരിക്കുന്നതിനാലാണിത്. ഒരു മുട്ടയ്ക്ക് നിങ്ങൾക്ക് ഒരു കൂട്ടം പോഷകങ്ങൾ നൽകാൻ കഴിയും. പുനരുജ്ജീവന ഘട്ടത്തിലായിരിക്കുമ്പോഴാണ് മുട്ടകൾ സാധാരണയായി കഴിക്കുന്നത്.

9. പ്രോബയോട്ടിക്സ്



പ്രോബയോട്ടിക്സ് നമ്മുടെ ശരീരത്തിന് അത്യാവശ്യമാണ്. ഭക്ഷണം ദഹിപ്പിക്കാനും മാനസികാരോഗ്യം നിലനിർത്താനും അണുബാധകൾക്കും എല്ലാത്തരം അണുക്കൾക്കും എതിരെ പോരാടാനും സഹായിക്കുന്ന ആരോഗ്യകരമായ ബാക്ടീരിയകളാണ് അവ. നമുക്ക് പരിക്കേൽക്കുമ്പോൾ, ചിലപ്പോൾ നല്ലതും ചീത്തയുമായ ബാക്ടീരിയകൾ തമ്മിലുള്ള സന്തുലിതാവസ്ഥ അസ്വസ്ഥമാവുകയും ഓക്കാനം, മലബന്ധം തുടങ്ങിയ സങ്കീർണതകൾ അനുഭവപ്പെടുകയും ചെയ്യും. അതിനാൽ, മോശം ബാക്ടീരിയകളെ അകറ്റി നിർത്താൻ പ്രോബയോട്ടിക്സ് നമ്മുടെ ശരീരത്തെ സഹായിക്കുന്നു. നിങ്ങളുടെ ഭക്ഷണക്രമത്തിൽ തൈര്, അച്ചാറുകൾ എന്നിവ ഉൾപ്പെടുത്താം.

ശ്രദ്ധിക്കുക



നമുക്കെല്ലാവർക്കും നമ്മുടെ ജീവിതത്തിലെ ഏതെങ്കിലുമൊരു ഘട്ടത്തിൽ പരിക്കുകൾ ഉണ്ടായിട്ടുണ്ടാവാം. ചിലത് വേഗത്തിൽ സുഖപ്പെടുത്തുന്നു, ചിലതിന് സമയമെടുക്കും, പക്ഷേ മുറിവുകളുടെ ഉണങ്ങുന്നത് നാം കഴിക്കുന്ന ഭക്ഷണത്തെയും ആശ്രയിച്ചിരിക്കുന്നുവെന്ന കാര്യം പലപ്പോഴും നാം ഓർക്കാറേയില്ല. ആരോഗ്യമുള്ള ആളുകൾ അനുഭവിക്കുന്ന മിക്ക മുറിവുകളും അനാരോഗ്യകരമായ ആളുകളുടെ മുറിവുകളേക്കാൾ വേഗത്തിൽ സുഖപ്പെടുമെന്ന് നിങ്ങൾ എപ്പോഴെങ്കിലും ശ്രദ്ധിച്ചിട്ടുണ്ടോ? അവർ കഴിക്കുന്ന ഭക്ഷണമാണ് അതിന് പ്രധാന കാരണം. അതിനാൽ, ഈ ഭക്ഷണങ്ങളെല്ലാം നിങ്ങളുടെ ഭക്ഷണക്രമത്തിൽ ഉൾപ്പെടുത്തുന്നത് വഴി മുറിവ് വേഗത്തിൽ സുഖപ്പെടാൻ സഹായിക്കും.