ആരോഗ്യത്തിന് സഹായിക്കുന്നതില്‍ വെള്ളം എന്നതിന്റെ സ്ഥാനം ഏറെ പ്രധാനമാണ്. ഭക്ഷണം പോലെ തന്നെ പ്രധാനമാണ് വെള്ളവും. ശരീരത്തിന്റെ പ്രവര്‍ത്തനങ്ങള്‍ വേണ്ട രീതിയില്‍ നടക്കാന്‍ ഇതേറെ പ്രധാനമാണ്. വെള്ളം പല രീതയിലും തയ്യാറാക്കും. പല വസ്തുക്കളും ഇട്ട് വെള്ളം തിളപ്പിയ്ക്കം. ഇതില്‍ ചില ഇലകള്‍ ഇട്ടു തിളപ്പിയ്ക്കുന്ന വെളളം ഏറെ പ്രധാനമാണ്. ഇത്തരത്തില്‍ പരീക്ഷിയ്ക്കാവുന്ന ഒന്നാണ് ആര്യവേപ്പിലയിട്ടു തിളപ്പിയ്ക്കുന്ന വെള്ളം. മറ്റു പല തരം ഇലകളും പരീക്ഷിയ്ക്കുമെങ്കിലും ആരും ഈ വെള്ളം പൊതുവേ പരീക്ഷിയ്ക്കാറില്ല. എന്നാല്‍ ആര്യവേപ്പില ഇട്ടു തിളപ്പിയ്ക്കുന്ന വെള്ളം കുടിയ്ക്കുന്നത് ഏറെ ആരോഗ്യ ഗുണങ്ങള്‍ നല്‍കുന്ന ഒന്നാണ്. ഇത് രാവിലെ വെറും വയറ്റില്‍ കുടിയ്ക്കുന്നത് ഏറെ നല്ലതാണ്.

രോഗപ്രതിരോധ ശേഷി

ആൻറി ബാക്ടീരിയൽ, ആന്റിഓക്‌സിഡന്റ്, ആന്റിസെപ്റ്റിക്, ആന്റി മൈക്രോബയൽ ഗുണങ്ങൾ ഉള്ള ഒരേയൊരു ഔഷധ സസ്യമാണ് വേപ്പ്. രോഗപ്രതിരോധ ശേഷി വര്‍ദ്ധിപ്പിയ്ക്കാന്‍ സഹായിക്കുന്ന ഒന്നാണ് ഈ പ്രത്യേക വെള്ളം.നല്ലൊരു ഡീടോക്‌സിഫയര്‍, അതായത് ശരീരത്തിലെ വിഷാംശം നീക്കാനുള്ള നല്ലൊരു മരുന്നാണിത്. ഇതു കൊണ്ടു തന്നെ ക്യാന്‍സര്‍ പോലുള്ള രോഗങ്ങള്‍ തടയാനും ഇതേറെ നല്ലതാണ്. ലിവര്‍, കിഡ്‌നി എന്നിവയുടെ ആരോഗ്യത്തിന് ഇതു കൊണ്ടുതന്നെ അത്യുത്തമവും. ശരീരത്തിലെ ടോക്‌സിനുകള്‍ നീക്കുന്നത് രോഗം വരാതിരിയ്ക്കാന്‍ ഉത്തമമാണ്.

​ഡയബെറ്റിസ്

ഡയബെറ്റിസ് മരുന്നാണ് ഇത്. ഇന്‍സുലിന്റെ ഫലം നല്‍കുന്ന ഇത് രക്തത്തിലെ ഗ്ലൂക്കോസ് തോതു കുറയ്ക്കാന്‍ സഹായിക്കും.ഇതിലെ കെമിക്കല്‍ ഘടകങ്ങള്‍ ഇന്‍സുലിന്‍ ഉല്‍പാദനം വര്‍ദ്ധിപ്പിയ്ക്കുന്ന ഒന്നാണ്. ശരീരത്തിന് ആവശ്യമുള്ള ഇന്‍സുലിന്‍ ഉല്‍പാദിപ്പിച്ച് ശരീരത്തിന് ആരോഗ്യം നല്‍കുന്ന ഒന്നാണിത്.ടൈപ്പ് 2 പ്രമേഹമുള്ളവര്‍ക്കു പോലും പരീക്ഷിയ്ക്കാവുന്ന വഴിയാണിത്.

​എൻസൈം

എൻസൈം സ്രവണം മെച്ചപ്പെടുത്തുന്നതിനൊപ്പം ദഹനത്തിനും ഉപാപചയത്തിനും വേപ്പില നല്ലതാണെന്ന് ആയുർവേദം സൂചിപ്പിക്കുന്നു. രുചി മുകുളങ്ങളെ ഉത്തേജിപ്പിക്കുന്നതിനിടയിൽ ഉമിനീർ വർദ്ധിപ്പിക്കാനും എൻസൈമാറ്റിക് സ്രവണം വർദ്ധിപ്പിക്കാനും സഹായിക്കുന്ന കയ്പുള്ള സസ്യമാണ് ആര്യവേപ്പ്. വിശപ്പില്ലായ്‌മ, ദഹനക്കുറവ്, ഓക്കാനം, ഏമ്പക്കം, കുടൽ വിരകൾ എന്നിവയ്ക്ക് പരിഹാരം കാണുവാൻ വേപ്പ് ഉപയോഗിക്കാം.വേപ്പ് ശരീരത്തിന്റെ ഉപാപചയ നിരക്കും മെച്ചപ്പെടുത്തുന്നു. അതിന്റെ ഫലമായി, കലോറി എരിച്ചു കളയുന്നതിനും നല്ലതാണ്.

വായിലെ അണുബാധയകറ്റാന്‍

വായ്പ്പുണ്ണു പോലുള്ള പ്രശ്‌നങ്ങള്‍ക്കുള്ള നല്ലൊരു മരുന്നാണിത്. ഇതിട്ട വെള്ളം കവിള്‍ക്കൊള്ളാം. വായിലെ അണുബാധയകറ്റാന്‍ നല്ലൊരു വഴിയാണ് ഇത്. ആന്റിബാക്ടീരിയല്‍, ആന്റിഫംഗല്‍ ഗുണങ്ങളുള്ള ഇത് വായിലെ ദോഷകരമായ ബാക്ടീരിയകളെ കൊന്നൊടുക്കുന്നു. ചര്‍മത്തിനും മുടിയ്ക്കുമെല്ലാം ഒരു പോലെ ഗുണകരമാണ് ഇത്. ചർമ്മത്തിന്റെ നിറം വർദ്ധിപ്പിക്കൽ, ബലമുള്ള മുടി എന്നിവയ്ക്ക് വരെ വെറും വയറ്റിൽ ആര്യവേപ്പ് ഇല ചവച്ച് കഴിക്കുന്നത് ഗുണകരമാണ്.