മഹാത്മാ ഗാന്ധിയുടെ 152ാം ജന്മദിനം; മഹത് വചനങ്ങള്‍ അറിയാം

ന്യൂഡൽഹി: രാഷ്ട്രപിതാവ് മഹമാത്മാ ഗാന്ധിയുടെ 152ാം ജന്മദിനം ആഘോഷിക്കുകയാണ് രാജ്യം. ലോകമെമ്പാടും ഗാന്ധിയൻ തത്വങ്ങൾ അംഗീകരിക്കുകയും പിന്തുടരുകയും ചെയ്യുന്ന ഘട്ടത്തിലാണ് മറ്റൊരു ഗാന്ധി ജയന്തി കൂടി കടന്നുവരുന്നത്. അഹിംസ ഉയർത്തിപിടിച്ച് ലോകമെമ്പാടും പ്രകാശം പരത്തിയ ഗാന്ധിജിയുടെ ജന്മദിനം അന്താരാഷ്ട്ര അഹിംസാ ദിനമായാണ് ലോകം ആചരിക്കുന്നത്.



1869 ഒക്ടോബര്‍ രണ്ടിന് ഗുജറാത്തിലെ പോര്‍ബന്തറിലായിരുന്നു മോഹന്‍ദാസ് കരംചന്ദ് ഗാന്ധിയുടെ ജനനം. അഹിംസയിലൂടെയും സത്യാഗ്രഹമെന്ന സമരമുറയിലൂടെയും ഇന്ത്യയെ സ്വാതന്ത്ര്യത്തിലേക്ക് നയിച്ച മഹമാത്മവിന് ആദരമർപ്പിച്ചുകൊണ്ട് മഹത് വചനങ്ങളും ഗാന്ധി ജയന്തി ആശംസകളും അറിയാം.

Also Read : ചത്ത കുട്ടിയുടെ ജാതകം നോക്കുന്നതെന്തിന്? ആളെ പറ്റിച്ചതിനോ, ഫണ്ട് മുക്കിയതിനോ അല്ലലോ കേസെന്ന് കെടി ജലീൽ



ഗാന്ധി വചനങ്ങൾ

• “വളരെ സൗമ്യമായിത്തന്നെ, നിങ്ങൾക്ക് ഈ ലോകത്തെ പിടിച്ചുകുലുക്കാനാകും”.
• “എന്‍റെ ജീവിതമാണ് എന്‍റെ സന്ദേശം”
• “നിങ്ങളുടെ വിശ്വാസങ്ങള്‍ നിങ്ങളുടെ ചിന്തകളാകുന്നു, ചിന്തകള്‍ വാക്കുകളും, വാക്കുകള്‍ പ്രവൃത്തികളും, പ്രവൃത്തികള്‍ മൂല്യങ്ങളുമാകുന്നു. നിങ്ങളുടെ മൂല്യങ്ങളാണ് നിങ്ങളുടെ വിധിയാകുന്നത്.”
• “മനുഷ്യൻ അവന്‍റെ ചിന്തകളുടെ ഉത്പന്നമാണ്. അവൻ ചിന്തിക്കുന്നതെന്തോ അതാണ് അവൻ ആയിത്തീരുന്നത്.”
• “സമാധാനത്തിലേയ്ക്ക് ഒരു പാതയില്ല, സമാധാനമാണ് പാത.”
• “അധ്വാനവും അധ്യയനവും പ്രാർഥനയുമാണ് ആരോഗ്യത്തിന്‍റെ മൂന്ന് താക്കോൽ. ഏതെങ്കിലുമൊന്നിന്‍റെ അഭാവം ആരോഗ്യത്തെ ബാധിക്കും.”
• “എന്തെങ്കിലും ചെയ്യും മുമ്പ്, ആ ചെയ്യുന്നതിന് മുമ്പ് നിങ്ങൾ കണ്ടിട്ടുള്ള പാവപ്പെട്ടവരുടെ മുഖങ്ങൾ ഓർമയിലേക്ക് കൊണ്ടുവരിക. നിങ്ങൾ ചെയ്യാൻ പോകുന്ന പ്രവൃത്തികൊണ്ട് അവർക്കെന്തെങ്കിലും പ്രയോജനം ഉണ്ടാകുമോ എന്ന് സ്വയം ചോദിക്കുക.”
• “മതങ്ങൾ അന്യോന്യം വേർതിരിക്കാനല്ല, മറിച്ച് കൂട്ടിയിണക്കാനാണ്.”
• “എന്‍റെ മതം സത്യത്തെയും അഹിംസയെയും അടിസ്ഥാനമാക്കിയുള്ളതാണ്. സത്യം എന്‍റെ ദൈവമാണ്. അവനെ തിരിച്ചറിയാനുള്ള മാർഗമാണ് അഹിംസ.”
• “മനുഷ്യൻ അവെൻറ സ്വന്തം മതത്തിന്‍റെ ഹൃദയത്തിൽ എത്തുന്നുവെങ്കിൽ അയാൾ മറ്റു മതങ്ങളുടെ ഹൃദയത്തിലും എത്തിയിരിക്കും.”

Also Read : സുധീരനു പിന്നാലെ ചെന്നിത്തലയുടെ സമ്മർദ്ദ തന്ത്രം? സ്ഥാനങ്ങൾ രാജിവെച്ചു; വിശദീകരണവുമായി മുൻ പ്രതിപക്ഷ നേതാവ്



ഗാന്ധിജയന്തി ആശംസകൾ

• ഇന്ത്യയുടെ ആത്മാവ് ഗ്രാമങ്ങളിലാണ് കുടിയിരിക്കുന്നതെന്ന് രാജ്യത്തോട് വിളിച്ചു പറഞ്ഞ മഹാത്മാവിന്റെ ജന്മദിനത്തില്‍ നേരാം ഒരായിരം ആശംസകള്‍.
• ലോകത്തില്‍ യഥാര്‍ത്ഥ സമാധാനം നിങ്ങള്‍ ആഗ്രഹിക്കുന്നുവെങ്കില്‍ കുട്ടികളില്‍ നിന്ന് ആരംഭിക്കണമെന്ന് ലോകത്തെ പഠിപ്പിച്ച ഗാന്ധിയുടെ ഓര്‍മ്മകള്‍ക്ക് മുന്നില്‍, എല്ലാവര്‍ക്കും ഗാന്ധിജയന്തി ദിനാശംസകള്‍.
• നിര്‍മ്മലമായ സ്‌നേഹത്താല്‍ നേടാനാവത്തതായി ഒന്നുമില്ലെന്ന് നമ്മോട് വിളിച്ച് പറഞ്ഞ ബാപ്പൂജിയുടെ 152ാം ജന്മദിനത്തില്‍ എല്ലാവര്‍ക്കും ആശംസകള്‍.
• ഇന്ന് ചെയ്യുന്ന പ്രവര്‍ത്തിയായിരിക്കും നമ്മുടെ ഭാവി എന്ന് യുവാക്കളോട് വിളിച്ച് പറഞ്ഞ രാഷ്ട്രപിതാവിന്‍റെ ജന്മദിനത്തിൽ എല്ലാവര്‍ക്കും ഗാന്ധിജയന്തി ദിനാശംസകള്‍.

Also Read : ‘സിദ്ദു കോൺഗ്രസിൽ’ നിന്നും പടിയിറങ്ങി ക്യാപ്റ്റൻ പക്ഷം; പുതിയ പാര്‍ട്ടി രൂപീകരിക്കുമോ? എംഎൽഎമാരുടെ പിന്തുണയുണ്ടെന്ന് വാദം; വരും ആഴ്ചകള്‍ നിര്‍ണായകം