കോയമ്പത്തൂരിലെ ഒരു കോളേജിലെ അസോസിയേറ്റ് പ്രൊഫസറാണ് വിദ്യാര്‍ഥിനിയ്ക്ക് മോശം സന്ദേശങ്ങളയച്ചത്. ഇയാളെ ജോലിയിൽ നിന്ന് പിരിച്ചു വിടണമെന്ന് ആവശ്യപ്പെട്ടാണ് പ്രതിഷേധം.
പ്രതീകാത്മക ചിത്രം Photo: Pexels
ഹൈലൈറ്റ്:
- സംഭവം കോയമ്പത്തൂരിൽ
- പ്രതിഷേധവുമായി വിദ്യാര്‍ഥികള്‍
- പരാതി ലഭിച്ചിട്ടില്ലെന്ന് പോലീസ്
കോയമ്പത്തൂര്‍ പേരൂരിലെ ഒരു ആര്‍ട്സ് ആൻ്റ് സയൻസ് കോളേജിലാണ് സംഭവം നടന്നത്. ഈ സ്ഥാപനത്തിലെ അസോസിയേറ്റ് പ്രൊഫസറാണ് ആരോപണ വിധേയനായ അധ്യാപകൻ. സംഭവത്തിനു പിന്നാലെ അന്വേഷണം നടത്താനായി കോളേജ് മാനേജ്മെന്‍റ് പ്രത്യേക അന്വേഷണ സമിതിയെയും നിയോഗിച്ചിട്ടുണ്ട്. യുജിസിയുടെയും വിശാക കമ്മിറ്റിയുടെയും ശുപാര്‍ശകള്‍ അനുസരിച്ചാണ് സമിതി രൂപീകരിച്ചിട്ടുള്ളതെന്ന് ഇന്ത്യൻ എക്സ്പ്രസ് റിപ്പോര്‍ട്ട് ചെയ്തു.
കോളേിലെ ഒരു പൂര്‍വവിദ്യാര്‍ഥിയായ സതീഷ് കുമാര്‍ എന്നയാളാണ് ഒരു വിദ്യാര്‍ഥിനിയ്ക്ക് പ്രൊഫസര്‍ കെ തിരുനാവുകരശു അശ്ലീല സന്ദേശങ്ങള്‍ അയച്ചെന്നു കാണിച്ച് പരാതി നല്‍കിയത്. കോളേജ് അധികൃതര്‍ ആരോപണവിധേയനായ അധ്യാപകനോട് വിശദീകരണം ചോദിച്ചിട്ടുണ്ട്. മൂന്ന് ദിവസത്തിനുള്ളിൽ മറുപടി നല്‍കാനാണ് ആവശ്യപ്പെട്ടിരുന്നത്. ഇതിനു ശേഷമാണ് ഇയാള്‍ക്കെതിരെയുള്ള നടപടി തീരുമാനിച്ചത്.
അതേസമയം, അധ്യാപകന് കോളേജ് അധികൃതര്‍ നല്‍കിയ കത്ത് മാധ്യമങ്ങള്‍ക്ക് ചോര്‍ന്നു ലഭിച്ചിട്ടുണ്ട്. അധ്യാപകൻ നല്‍കിയ വിശദീകരണം തൃപ്തികരമല്ലെന്നു മറുപടി നല്‍കിയ കോളേജ് ഇദ്ദേഹത്തെ സസ്പെൻഡ് ചെയ്യുകയായിരുന്നു. അതേസമയം, അധ്യാപകനെതിരെ കടുത്ത പ്രതിഷേധത്തിലാണ് വിദ്യാര്‍ഥികള്‍. കോളേജിനു പുറത്ത് പ്രതിഷേധവുമായി എത്തിയ വിദ്യാര്‍ഥികളും പൂര്‍വവിദ്യാര്‍ഥികളും അധ്യാപകനെ പിരിച്ചു വിടണം എന്ന് ആവശ്യപ്പെട്ടു.
Also Read: പ്രണയം നിരസിച്ചു; പാലാ സെന്റ് തോമസ് കോളേജിൽ വിദ്യാര്‍ത്ഥിനിയെ സഹപാഠി കഴുത്തറത്തു കൊന്നു
അധ്യാപകൻ തന്‍റെ ശരീരം പ്രദര്‍ശിപ്പിക്കുന്ന ചിത്രങ്ങള്‍ അടക്കമാണ് പെൺകുട്ടിയ്ക്ക് അയച്ചതെന്നാണ് പോലീസ് വൃത്തങ്ങള്‍ പറയുന്നത്. താൻ ഷര്‍ട്ടില്ലാതെ നിൽക്കുന്ന ചിത്രങ്ങള്‍ ഇദ്ദേഹം പെൺകുട്ടിയ്ക്ക് അയച്ചെന്നാണ് പ്രതിഷേധിക്കുന്ന വിദ്യാര്‍ഥികള്‍ പറയുന്നത്. ഈ ചിത്രം പെൺകുട്ടി കോളേജിലെ മറ്റു വിദ്യാര്‍ഥികളെ കാണിക്കുകയും അധ്യാപകൻ്റെ മോശം പെരുമാറ്റത്തെപ്പറ്റി പരാതിപ്പെടുകയും ചെയ്തതോടെയാണ് പ്രതിഷേധം തുടങ്ങിയത്. ചിത്രങ്ങള്‍ കണ്ട തനിക്ക് മാനസികമായി പ്രയാസം നേരിട്ടെന്നു വിദ്യാര്‍ഥിനി അറിയിച്ചതോടെ കോളേജ് അധിക‍തരും അന്വേഷണം തുടങ്ങുകയായിരുന്നു. ഇയാള്‍ക്കെതിരെ കടുത്ത നടപടി വേണമെന്നാണ് വിദ്യാര്‍ഥിനിയുടെ ആവശ്യം. അതേസമയം, പെൺകുട്ടി പരാതിയൊന്നും നല്‍കിയിട്ടില്ലെന്നു പേരൂര്‍ പോലീസ് വാര്‍ത്താ ഏജൻസിയായ പിടിഐയോടു പറഞ്ഞു.
രാംനാഥ് കോവിന്ദിന് ഇന്ന് 76-ാം ജന്മദിനം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : college professor suspended from coimbatore college after he allegedly sent lewd messages to female student
Malayalam News from malayalam.samayam.com, TIL Network
