മാലദ്വീപില്‍ അവധിയാഘോഷത്തിലാണ് ഇന്ത്യയുടെ ആദ്യ ഒളിംപിക് സ്വര്‍ണമെഡല്‍ ജേതാവ് നീരജ് ചോപ്ര. കടലില്‍ ഉല്ലാസത്തിനിടെ ബോട്ടിലിരിക്കുമ്പോള്‍ നീരജ് എടുത്ത പ്രഭാതഭക്ഷണത്തിന്റെ ചിത്രമാണ് ഇപ്പോള്‍ ചര്‍ച്ചാ വിഷയം. നീരജ് ഇന്‍സ്റ്റഗ്രാമിലാണ് ചിത്രം പങ്കുവെച്ചിരിക്കുന്നത്.
കടലിന്റെ നീലനിറത്തിന്റെ പശ്ചാത്തലത്തില്‍ എടുത്ത ചിത്രമാണിത്.
കൈതച്ചക്ക, തണ്ണിമത്തന്‍, കിവി, ഡ്രാഗണ്‍ ഫ്രൂട്ട് എന്നിവയൊക്കെ ചിത്രത്തില്‍ കാണാന്‍ കഴിയും. വായില്‍ വെള്ളമൂറിക്കുന്ന പാന്‍കേക്കും തേങ്ങാവെള്ളവും ബ്രെഡും ഒപ്പമുണ്ട്. തീര്‍ന്നില്ല, രണ്ട് പാത്രങ്ങളിലായി ഓട്‌സില്‍ തയ്യാറാക്കിയ വിഭവവും നട്‌സും ഉണക്കപ്പഴങ്ങളും സ്‌ട്രോബെറിയിലുണ്ടാക്കിയ പുഡ്ഡിങ്ങും ഒരു കപ്പ് കാപ്പിയും ചായയും ഫ്രൂട്ട് ജ്യൂസും അടങ്ങുന്ന രാജകീയമായ പ്രഭാതഭക്ഷണത്തിന്റെ ചിത്രമാണ് നീരജ് പങ്കുവെച്ചിരിക്കുന്നത്.
Content highlights: neeraj chopra has a grand breakfast and-it-s-making-us-hungry-
