പ്രണയം മൂത്ത് റൈസ് കുക്കറിനെ വിവാഹം കഴിച്ച് യുവാവ്, പക്ഷെ…

പ്രണയത്തിന് കണ്ണും മൂക്കുമില്ല എന്നൊരു ചൊല്ലുണ്ട്. ചില പ്രണയ വാർത്തകൾ കേട്ടാൽ ഈ ചൊല്ല് സത്യമാണ് എന്ന് തോന്നിപ്പോവും. ഇന്തോനേഷ്യയിൽ നിന്നുള്ള പുതിയ വാർത്ത ഇത്തരത്തിലുള്ളതാണ്. പ്രണയം മൂത്ത കഹിരോൾ അനം എന്ന് പേരുള്ള യുവാവ് വിവാഹം കഴിച്ചത് എന്തിനെയെന്നോ? ചോറുണ്ടാകുന്ന റൈസ് കുക്കറിനെ.



തന്റെ പ്രീയപ്പെട്ട റൈസ് കുക്കറിനെ വിവാഹം കഴിക്കുന്നതിന്റെ ചിത്രങ്ങൾ അനം തന്നെയാണ് ഫേസ്ബുക്കിൽ പോസ്റ്റ് ചെയ്തത്. വെളുത്ത വിവാഹ വസ്ത്രം ഉടുപ്പിച്ചു അനത്തിനടുത്തിരിക്കുന്ന ‘വധു’ റൈസ് കുക്കറാണ് എന്ന് മനസ്സിലാക്കുമ്പോൾ കാണുന്നവർക്ക് അത്ഭുതം. അനം പോസ്റ്റ് ചെയ്ത ചിത്രങ്ങളിൽ ഒന്ന് കല്യാണം നിയമവിധേയമാക്കുന്നതിനുള്ള നടപടിക്രമങ്ങൾ പൂർത്തിയാക്കുന്നതിന് വിവാഹ പേപ്പറുകളിൽ അനം ഒപ്പിടുന്നതാണ്. മറ്റൊരു ചിത്രത്തിൽ, അനം തന്റെ വധുവായ റൈസ് കുക്കറിനെ ചുംബിക്കുന്നത് കാണാം.

ഭക്ഷണം കഴിക്കാൻ സമ്മതിച്ചില്ല! വിവാഹ വേദിയിൽ ഫോട്ടോകൾ ഡിലീറ്റ് ചെയ്ത് ‘ഫോട്ടോഗ്രാഫർ’

“വെളുത്ത്, നിശബ്ദത, മികച്ച പച്ചക്കക്കാരി, വളരെ സ്വപ്‌നം കാണുന്നവർ,” എന്ന് മലേഷ്യൻ ഭാഷയിൽ റൈസ് കുക്കർ ഭാര്യയെ അഭിസംബോധന ചെയ്താണ് അനം ചിത്രങ്ങൾ പോസ്റ്റ് ചെയ്തിരിക്കുന്നത്. സെപ്റ്റംബർ 20നാണ് റൈസ് കുക്കറുമായുള്ള തന്റെ വിവാഹം കഴിഞ്ഞത് എന്ന് അനം വ്യക്തമാക്കുന്നുണ്ട്.

അധികം താമസമില്ലാതെ അനം പോസ്റ്റ് ചെയ്ത ചിത്രങ്ങൾ വൈറലായി. 44,300 -ലധികം ലൈക്കുകളും 13,5000 -ലധികം റീട്വീറ്റുകളും ട്വിറ്ററിൽ ഈ ചിത്രം നേടി. ചിലർ വിവാഹിതരാകാൻ ആഗ്രഹിക്കുന്ന നിർജീവ വസ്തുക്കളെയാണ് എന്ന വിഷയത്തിൽ ഒരു വൻ ചർച്ചയ്ക്ക് തന്നെ അനത്തിന്റെ വിവാഹ ഫോട്ടോകൾ വഴിവച്ചിട്ടുണ്ട്. എന്റെ എയർ ഫ്രയറിനെ വിവാഹം ചെയ്താലോ എന്നാണ് ഇപ്പോൾ ഞാൻ ചിന്തിക്കുന്നത് എന്നാണ് ഒരാളുടെ കമന്റ്.

മദ്യപിച്ച് ലക്കുകെട്ട് ‘കാണാതായ’ തന്നെ തിരയാൻ രക്ഷാപ്രവർത്തനത്തിൽ ഒപ്പം കൂടി മധ്യവയസ്‌കൻ

പക്ഷെ അവിടെയും കഴിഞ്ഞില്ല ട്വിസ്റ്റ്. നാല് ദിവസങ്ങൾക്ക് അനം തന്റെ ഭാര്യയിൽ നിന്നും വിവാഹമോചനം നേടിയതായി പ്രഖ്യാപിച്ചു. ദമ്പതികളുടെ വേർപിരിയലിന് പിന്നിലെ കാരണം അവൾ അരി പാചകം ചെയ്യാൻ മിടുക്കിയാണെങ്കിലും മറ്റെതെങ്കിലും വിഭവങ്ങൾ ഉണ്ടാക്കുന്നതിൽ നല്ലതല്ല എന്നതാണ്. എങ്ങനുണ്ട്?