കുട്ടികൾ കടക്ക് പുറത്ത്! ഈ ഐസ്ക്രീം കഴിക്കാവുന്നത് മുതിർന്നവർക്ക് മാത്രം

ഐസ്ക്രീം എന്ന വാക്ക് കേൾക്കുമ്പോൾ തന്നെ കുട്ടികൾ നൃത്തം ചെയ്യാൻ തുടങ്ങും. കുട്ടികൾ ഏറ്റവും കൂടുതൽ കഴിക്കാൻ ആഗ്രഹിക്കുന്ന ഒരു വിഭവമാണ് ഐസ്ക്രീമുകൾ. എന്നാൽ കുട്ടികൾ കഴിക്കാൻ പാടില്ലാത്ത ഒരു ഐസ്ക്രീമുണ്ടോ? പ്രശസ്ത അമേരിക്കൻ ഐസ്ക്രീം ബ്രാൻഡായ ഹേഗൻ-ഡാസ് കുട്ടികൾ കഴിക്കാൻ പാടില്ലാത്ത ഒരു ഐസ്ക്രീം വിപണിയിലെത്തിക്കുകയാണ്.



ഐസ്ക്രീമിന്റെ ചേരുവകളാണ് ഹേഗൻ-ഡാസിൻ്റെ പുത്തൻ ഐസ്ക്രീം കുട്ടികൾക്ക് അനുയോജ്യമല്ലാതാക്കുന്നത്. ഈ ഐസ്-ക്രീം കഴിച്ചാൽ അല്പം ലഹരി അനുഭവപ്പെടും. കാരണം രണ്ട് ഫ്ലേവറുകളിൽ വിപണിയിലെത്തുന്ന ഈ ഐസ്ക്രീമുകളിൽ കമ്പനി മദ്യം ഉപയോഗിച്ചിട്ടുണ്ട്.

പാർലെ-ജി ബിസ്കറ്റ് കഴിക്കണം അല്ലെങ്കിൽ അനിഷ്ട സംഭവങ്ങൾ, പിന്നീടുണ്ടായത്

ഡെയ്‌ലി മെയിലിന്റെ റിപ്പോർട്ട് അനുസരിച്ച് ലണ്ടൻ കോക്ക്‌ടെയിൽ വാരത്തോടനുബന്ധിച്ചാണ് മുതിർന്നവർക്ക് മാത്രമുള്ള ഈ രുചികളുള്ള ഐസ്ക്രീം അവതരിപ്പിക്കാൻ ഹേഗൻ-ഡാസ് ഒരുങ്ങുന്നത്. ഈ ഐസ്ക്രീമുകൾ കഴിച്ചതിനുശേഷം അല്പം ലഹരി അനുഭവപ്പെടുമെങ്കിലും കാര്യങ്ങൾ കൈവിട്ടു പോകുന്ന അത്രയും ആൽക്കഹോൾ ചേർത്തിട്ടില്ല എന്ന് കമ്പനി അവകാശപ്പെടുന്നു. റം, വിസ്കി ഫ്ലേവർ ഐസ്ക്രീം എന്നിവയുടെ ഓരോ ടബ്ബിലും 0.5 ശതമാനത്തിൽ താഴെ മാത്രമാണ് മദ്യം ഉപയോഗിച്ചിട്ടുള്ളത്.

ഒരു ചെറിയ ബോക്‌സ് ഐസ്ക്രീമിന് 500 രൂപയാണ് വില. രണ്ട് രുചികളും സാധാരണ വലുപ്പത്തിനൊപ്പം ചെറിയ വലിപ്പത്തിലുള്ള ടബുകളിലും ലഭ്യമാണ്. ഇതിനുമുമ്പ്, ഹാഗൻ-ഡാസിന്റെ സ്പിരിറ്റ് ശേഖരം 2020ൽ പുറത്തിറങ്ങിയപ്പോൾ ഹിറ്റായിരുന്നു. അമേരിക്കൻ ഐസ്ക്രീം ബ്രാൻഡിന്റെ റോസും ക്രീം ഫ്ലേവറും ജനങ്ങൾക്ക് നന്നേ ഇഷ്ടപെട്ടിട്ടുണ്ട്.

മദ്യപിച്ച് ലക്കുകെട്ട് ‘കാണാതായ’ തന്നെ തിരയാൻ രക്ഷാപ്രവർത്തനത്തിൽ ഒപ്പം കൂടി മധ്യവയസ്‌കൻ

1960 ൽ ന്യൂയോർക്ക് സിറ്റിയിൽ റൂബനും റോസ് മാറ്റൂസും ചേർന്നാണ് ഹാഗൻ-ഡാസ് ആരംഭിച്ചത്. കമ്പനി തുടക്കത്തിൽ വാനില, ചോക്ലേറ്റ്, കോഫി എന്നീ മൂന്ന് രുചികളിലുള്ള ഐസ്ക്രീമുകൾ മാത്രമാണ് ഉണ്ടാക്കിയിരുന്നത്. എന്നാൽ ഇപ്പോൾ ഒരു മുൻനിര ബ്രാൻഡായി മാറിയ ഹാഗൻ-ഡാസ് വിവിധ ഫ്ലേവറുകളിൽ ഐസ്ക്രീം തയ്യാറാക്കുന്നുണ്ട്.