വരും ദിവസങ്ങളിൽ കൂടുതൽ പ്രമുഖരുടെ നിക്ഷേപത്തെക്കുറിച്ചുള്ള വിവരങ്ങൾ പുറത്തുവിടുമെന്നാണ് അന്താരാഷ്ട്ര മാധ്യമ പ്രവർത്തകരുടെ കൂട്ടായ്മ വ്യക്തമാക്കിയിരിക്കുന്നത്. അന്വേഷണം നടത്തുമെന്ന് കേന്ദ്രം.
സച്ചിൻ തെൻഡുൽക്കർ, അനിൽ അംബാനി
ഹൈലൈറ്റ്:
- പ്രത്യക്ഷ നികുതി ബോർഡ് ചെയർമാന്റെ നേതൃത്വത്തിലാകും അന്വേഷണം
- ഇഡി അടക്കമുള്ള ഏജൻസികൾ അന്വേഷണത്തിൽ പങ്കെടുക്കും
- ഇന്ത്യക്കാരായ മൂന്നൂറിൽ അധികം ആളുകളുടെ പേരുകൾ പേപ്പറിലുണ്ട്
വരും ദിവസങ്ങളിൽ കൂടുതൽ പ്രമുഖരുടെ നിക്ഷേപത്തെക്കുറിച്ചുള്ള വിവരങ്ങൾ പുറത്തുവിടുമെന്നാണ് അന്താരാഷ്ട്ര മാധ്യമ പ്രവർത്തകരുടെ കൂട്ടായ്മ വ്യക്തമാക്കിയിരിക്കുന്നത്. ഇന്ത്യക്കാരായ മൂന്നൂറിൽ അധികം പേരുടെ വിവരങ്ങൾ പേപ്പറിൽ ഉണ്ടെന്നാണ് വിവരം. വിവിധ രാജ്യങ്ങളിലെ സെലിബ്രിറ്റികൾ, നേതാക്കൾ തുടങ്ങിയവർ നികുതി വെട്ടിച്ച് വിദേശത്തു നടത്തിയ നിക്ഷേപങ്ങളുടെ വിവരങ്ങളാണ് പുറത്തുവന്നിരിക്കുന്നത്. അന്വേഷണാത്മക മാധ്യമ പ്രവർത്തനം നടത്തുന്ന മാധ്യമ പ്രവർത്തകരുടെ കൂട്ടായ്മയാണ് വെളിപ്പെടുത്തൽ നടത്തിയിരിക്കുന്നത്.
ജയ് ശ്രീറാം വിളികളുമായി ആക്രമണം; ക്രിസ്ത്യൻ പ്രാർഥനാലയം തല്ലിത്തകർത്തു; പ്രതികരിച്ച് ബിജെപി
ഇന്ത്യയിൽ നിന്നും സച്ചിൻ തെൻഡുൽക്കർ, അനിൽ അംബാനി, തട്ടിപ്പ് നടത്തി രാജ്യംവിട്ട നീരവ് മോദി, വിനോദ് ആദാനി അടക്കമുള്ളവരാണ് പട്ടികയിലുള്ളത്. ഇന്ത്യ അടക്കമുള്ള 91 രാജ്യങ്ങളിലെ പ്രമുഖരുടെ കള്ളപ്പണ നിക്ഷേപമാണ് പുറത്തുവന്നിരിക്കുന്നത്. ഇന്ത്യയിലെ വ്യവസായികളും രാഷ്ട്രീയക്കാരും അന്വേഷണം നേരിടുന്നവരുമെല്ലാം പട്ടികയിലുണ്ട്. പാൻഡോറ പേപ്പേഴ്സ് എന്ന പേരിലുള്ള റിപ്പോർട്ടിൽ നികുതിയിളവ് ലഭിക്കുന്ന രാജ്യങ്ങളിൽ ആരംഭിച്ച 29,000 കമ്പനികളുടെയും ട്രസ്റ്റുകളുടെയും വിവരങ്ങളുണ്ട്. വിവിധ മാധ്യമങ്ങളും ഇന്‍റര്‍നാഷനല്‍ കണ്‍സോര്‍ഷ്യം ഫോര്‍ ഇന്‍വെസ്റ്റിഗേഷന്‍ ജേണലിസവും ചേർന്നു നടത്തിയ അന്വേഷണത്തിൽ 12 ദശലക്ഷം രേഖകളാണ് കണ്ടെത്തിയിരിക്കുന്നത്.
ഇവൾ ഇന്ദിരാഗാന്ധിയുടെ കൊച്ചുമകൾ, രാജീവ് ഗാന്ധിയുടെ പ്രിയ പുത്രി; പ്രിയങ്ക ഗാന്ധിയെക്കുറിച്ച് ചെന്നിത്തല
രേഖകളിൽ ഭൂരിഭാഗവും രാഷ്ട്രീ തലവൻമാർ അടക്കമുള്ളവരുടേതാണ്. ജോർദാൻ രാജാവിന് യുഎസിലും യുകെയിലുമായി 700 കോടിയുടെ സമ്പാദ്യമാണുള്ളത്. റഷ്യൻ പ്രസിഡന്റ് പുടിന്റെ നിക്ഷേപം സംബന്ധിച്ച വിവരങ്ങളും രേഖയിലുണ്ട്.
സച്ചിൻ തെൻഡുൽക്കർ, ഭാര്യ അഞ്ജലി, ഭാര്യാ പിതാവ് ആനന്ദ് മേത്ത എന്നിവർ ബ്രിട്ടീഷ് വിർജിൻ ഐലന്റിൽ നിക്ഷേപം നടത്തിയെന്നും വെളിപ്പെടുത്തലുണ്ട്. ദ്വീപിലെ സാസ് ഇന്റർനാഷ്ണൽ ലിമിറ്റഡ് എന്ന കമ്പനിയിലെ ഡയറക്ടർമാരാണ് മൂവരും. കള്ളപ്പണ നിക്ഷേപത്തെക്കുറിച്ച് പനാമ പേപ്പർ വെളിപ്പെടുത്തൽ ഉണ്ടായപ്പോൾ സച്ചിൻ അടക്കമുള്ളവർ സാസ് ഇന്റർനാഷ്ണൽ ലിമിറ്റഡിൽ നിന്നും നിക്ഷേപം പിൻവലിച്ചെന്നും റിപ്പോർട്ടിൽ പറയുന്നു.
തെക്കി ബസാർ മേൽപ്പാലം കരാറുകാരന് ലാഭം കൊയ്യാനോ?
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : centre says wealth stashed abroad will be investigated pandora papers
Malayalam News from malayalam.samayam.com, TIL Network
