ചർമ്മത്തിലെ പാടുകൾ അകറ്റാം, ഈ പൊടിക്കൈകൾ മതി

​മുട്ടയുടെ വെള്ള

മുട്ടയുടെ വെള്ളയിൽ സ്വാഭാവിക എൻസൈമുകൾ അടങ്ങിയിട്ടുണ്ട്. ഇത് ചർമ്മത്തിന് തിളക്കം നൽകാൻ സഹായിക്കുന്നു. പ്രോട്ടീൻ സമ്പുഷ്ടമായ ഈ സൂപ്പർഫുഡ് ശരീരത്തിന്റെ കരുത്തിന് മാത്രമല്ല, നമ്മുടെ ചർമ്മത്തിനും വിവിധ ഗുണങ്ങളെ നൽകാൻ കഴിയും. ചർമ്മകോശ ഭിത്തികളിലെ ബാക്ടീരിയകളെ നശിപ്പിക്കുകയും മുഖക്കുരു ഉണ്ടാക്കുന്ന ലക്ഷണങ്ങളിളെ നിർവീര്യമാക്കുകയും ചെയ്യുന്ന ആൻറി ബാക്ടീരിയൽ സംയുക്തമായ ലൈസോസൈം എന്ന ഘടകം മുട്ടയുടെ വെള്ളയിലുണ്ട്. ചർമത്തിലെ പലവിധ മുറിവുകളും പാടുകളും ഭേദമാക്കാൻ മുട്ടയുടെ വെള്ള സഹായകമാണ്. നിങ്ങൾ ഇത് പ്രയോഗിക്കേണ്ടത് ഇങ്ങനെയാണ്. ഒരു മുട്ടയുടെ വെള്ള മാത്രമെടുത്ത് ഒരു സ്പൂൺ തേനിൽ കലർത്തി മിനുസമാർന്ന പേസ്റ്റ് ഉണ്ടാക്കുക. നിങ്ങളുടെ മുഖം കഴുകി വൃത്തിയാക്കി അതിൽ ഒട്ടുംതന്നെ പൊടിയോ അഴുക്കോ ഇല്ലെന്ന് ഉറപ്പാക്കുക. ഇപ്പോൾ, ഈ ഫെയ്സ് മാസ്ക് പ്രയോഗിച്ച് 15 മിനിറ്റ് സൂക്ഷിക്കുക. അതിനുശേഷം, ഇത് വെള്ളത്തിൽ നന്നായി കഴുകുക.

​കറ്റാർ വാഴ

എല്ലാത്തരം ചർമ്മപ്രശ്നങ്ങളും ഭേദമാക്കാൻ കഴിയുന്ന ഒരു ഘടകമാണ് കറ്റാർവാഴ. ഇത് ചർമ്മത്തെ വളരെ പെട്ടെന്ന് മിനുസപ്പെടുത്തുന്നു, ചർമ്മത്തിൽ പ്രകോപനം, മുറിവുകൾ, പാടുകൾ എന്നിവ ശമിപ്പിക്കാൻ കഴിയുന്ന ആന്റി-ഇൻഫ്ലമേറ്ററി ഗുണങ്ങളുണ്ട് ഇതിൽ. മുഖക്കുരു പാടുകളും ഹൈപ്പർപിഗ്മെന്റേഷനും കുറയ്ക്കാൻ കറ്റാർവാഴയ്ക്ക് കഴിയുമെന്ന് ചർമ്മ രോഗ വിദഗ്ധർ ഒന്നടങ്കം പറയുന്നു. കൊളാജൻ ഉൽപ്പാദനം മെച്ചപ്പെടുത്താനും, എലാസ്റ്റിൻ ഫൈബർ എന്നിവയുടെ ഉത്പാദനം വർദ്ധിപ്പിക്കുന്നതിനും ഇത് സഹായിക്കുന്നു. നന്നായി മുഖം കഴുകി ശുദ്ധീകരിച്ച ശേഷം ദിവസവും രണ്ട് തവണ കറ്റാർവാഴ ജെല്ല് ചർമ്മത്തിൽ പുരട്ടുക. അരമണിക്കൂർ വച്ചതിനു ശേഷം ഇത് സാധാരണ വെള്ളത്തിൽ കഴുകുക.

​ആപ്പിൾ സിഡെർ വിനെഗർ (ACV)

ചർമ്മത്തിന് ആപ്പിൾ സിഡെർ വിനെഗർ ഉപയോഗിച്ചാൽ നിങ്ങളുടെ ചർമ പ്രശ്നങ്ങൾ ഒരു പരിധിവരെ കുറയ്ക്കാനാകും. ആപ്പിൾ സിഡെർ വിനെഗർ നിങ്ങളുടെ ചർമ്മത്തെ ശുദ്ധീകരിക്കാൻ സഹായിക്കുന്ന ഒരു ഫാബ് ടോണറാണ്. ഫെർമെൻ്റെഷൻ പ്രക്രിയയിലൂടെ നിർമ്മിച്ചതിനാൽ തന്നെ അതിൽ അസറ്റിക് ആസിഡ് ഉണ്ട്. ഈ ആസിഡ് ആരോഗ്യമുള്ള ചർമ്മം നൽകുന്നതിന്റെ താക്കോലാണ്. കാരണം എസിവിയിൽ ആൻറി ബാക്ടീരിയൽ, ആന്റിഫംഗൽ ഗുണങ്ങൾ ഉണ്ട്. അതിനാൽ, തന്നെ പുറത്തുനിന്നുള്ള പൊടിയും ചർമത്തിലെ അധിക സെബം ഉല്പാദിപ്പിക്കുന്ന പ്രക്രിയയുമെല്ലാം ഉണ്ടാകാൻ ശ്രമിക്കുമ്പോഴെല്ലാം ACV ഇതിന് അവസരം നൽകില്ല. വാസ്തവത്തിൽ, ആപ്പിൾ സിഡെർ വിനെഗറിന് ചർമ്മരോഗങ്ങളായ എക്‌സിമ, സൂര്യതാപം എന്നിവയും പരിഹരിക്കാനാകുമെന്ന് ആരോഗ്യവിദഗ്ധർ പറയുന്നു.

പിഗ്മെന്റേഷൻ അല്ലെങ്കിൽ ചർമ്മത്തിൽ കളങ്കങ്ങൾ വരുമ്പോഴൊക്കെ ആപ്പിൾ സിഡെർ വിനെഗറിന് അതിന്റെ മാന്ത്രികത പ്രവർത്തിക്കാൻ കഴിയുമെന്നാണ്. പോളിഫിനോൾസ്, പെക്റ്റിൻ, കരോട്ടിനോയ്ഡുകൾ എന്നിവ അടങ്ങിയിരിക്കുന്നതിനാൽ ഇത് ഹൈപ്പർപിഗ്മെന്റേഷൻ കുറയ്ക്കാൻ സഹായിക്കുകയും നിങ്ങളുടെ ചർമ്മത്തെ കൂടുതൽ വ്യക്തവും ആരോഗ്യകരവുമാക്കി തീർക്കുകയും ചെയ്യും.

കടലമാവ്, തേൻ, എസിവി എന്നിവ മിക്സ് ചെയ്യുക. ഈ പേസ്റ്റ് നിങ്ങളുടെ മുഖത്ത് പുരട്ടുക. ഇത് 15 മിനിറ്റ് സൂക്ഷിക്കാം തുടർന്ന് ഇത് സാധാരണ വെള്ളത്തിൽ കഴുകുക.

​മഞ്ഞൾ

നിങ്ങളുടെ ചർമ്മത്തിന് തൽക്ഷണ തിളക്കം വേണമെന്ന് തോന്നിയിട്ടുണ്ടോ ? ഉണ്ടെങ്കിൽ മഞ്ഞൾ എന്ന് ചേരുവായ്ക്ക് നൽകാൻ ധാരാളം ചർമ്മ ഗുണങ്ങളുണ്ട്. മഞ്ഞളിൽ കുർക്കുമിനോയ്ഡ് എന്ന സംയുക്തം അടങ്ങിയിട്ടുണ്ട്. ഇത് ആന്റി-ഇൻഫ്ലമേറ്ററി, ആന്റിമൈക്രോബയൽ, ആന്റിഓക്‌സിഡന്റ് ഗുണങ്ങൾ ഉള്ളതായി കണക്കാക്കപ്പെടുന്നു. തത്ഫലമായി, മുഖക്കുരു ഉൾപ്പെടെയുള്ള നിരവധി ചർമ്മരോഗങ്ങളെ ചികിത്സിക്കാൻ മഞ്ഞൾ സഹായം ചെയ്യാം. അതിൽ നിറഞ്ഞിരിക്കുന്ന കുർക്കുമിൻ എന്നറിയപ്പെടുന്ന ഒരു സജീവ ഘടകം അർബുദത്തെ പ്രതിരോധിക്കുന്ന ഗുണങ്ങളുടെ പേരിൽ അറിയപ്പെടുന്ന ഒരു ആന്റിഓക്‌സിഡന്റാണ്. കുർക്കുമിൻ ഒരു പ്രകൃതിദത്ത ആൻറി ഇൻഫർമേറ്ററി ഘടകമാണ്. അതായത് ഇത് ശരീരത്തിലെ വീക്കം, പാടുകൾ എന്നിവയ്ക്കെതിരെ പോരാടാൻ ഇത് സഹായിക്കും.

മഞ്ഞൾ ഉപയോഗിക്കേണ്ടത് ഇങ്ങനെയാണ്. മഞ്ഞളും തൈരും ചേർത്ത് മിക്സ് ചെയ്ത് മിനുസമാർന്ന പേസ്റ്റ് ഉണ്ടാക്കുക. ആദ്യം നിങ്ങളുടെ മുഖം കഴുകി വൃത്തിയാക്കിയതിനെ തുടർന്ന് ഈ പേസ്റ്റ് നിങ്ങളുടെ മുഖത്ത് പുരട്ടുക. ഇത് 15 മിനിറ്റ് സൂക്ഷിച്ച ശേഷം ഇത് ഉണങ്ങിക്കഴിഞ്ഞാൽ, ചെറുചൂടുള്ള വെള്ളം ഉപയോഗിച്ചുകൊണ്ട് ഈ മാസ്ക് സൗമ്യമായി നീക്കം ചെയ്യുക.

Also read: കൈമുട്ടിലെ കറുപ്പ് നിറത്തിന് പ്രതിവിധി ഈ ഓട്സ് സ്‌ക്രബ്

​ഗ്രീൻ ടീ

ഗ്രീൻ ടീ ഏറ്റവും ആരോഗ്യകരമായ പാനീയമാണ് എന്ന വസ്തുത ആർക്കും നിഷേധിക്കാനാവില്ല. എന്നാൽ ഇതു കൂടാതെ ഗ്രീൻ ടീയിലെ ഉയർന്ന ആന്റിഓക്‌സിഡന്റുകൾ നിങ്ങളുടെ ചർമ്മത്തെ ആരോഗ്യകരവും തിളക്കവുമുള്ളതാക്കി മാറ്റിയെടുക്കാൻ സഹായിക്കുമെന്ന് നിങ്ങൾക്കറിയാമോ? അതെ, ഗ്രീൻ ടീയ്ക്ക് ഇക്കാര്യത്തിൽ അത്ഭുതങ്ങൾ ചെയ്യാൻ കഴിയും. ആൻറിബയോട്ടിക്, ആൻറി-ഇൻഫ്ലമേറ്ററി, ആന്റിഓക്‌സിഡന്റ് ഗുണങ്ങളുള്ള ‘കാറ്റെച്ചിൻസ്’ എന്ന സസ്യ അധിഷ്ഠിത സംയുക്തങ്ങൾ ഗ്രീൻ ടീ യിൽ അടങ്ങിയിട്ടുണ്ടെന്നും അതുകൊണ്ടാണ് ഗ്രീൻ ടീ ചർമ്മത്തിനുള്ള ഇത്തരത്തിലുള്ള പാടുകൾ കുറയ്ക്കാൻ സഹായിക്കുന്നതെന്നും പല ചർമ രോഗ വിദഗ്ധരും അഭിപ്രായപ്പെടുന്നുണ്ട്.

നിങ്ങൾക്ക് പുതിയതോ അല്ലെങ്കിൽ ഉപയോഗിച്ചതോ ആയ ഗ്രീൻ ടീ ബാഗ് ഇതിനായി എടുക്കാം. ഈ ഇലകൾ നിങ്ങൾ പതിവായി ഉപയോഗിക്കുന്ന ഏതുതരം ഫേസ് പാക്കുകളിലേക്കും ചേർക്കാം. ഈയൊരു കൂട്ടിച്ചേർക്കൽ നിങ്ങളുടെ ചർമ്മത്തിന് കൂടുതൽ തിളക്കവും പോഷണവും നൽകും