ഇത്തരത്തിലെ ഒന്നാണ് ഉലുവാ ജെല്‍.
ഉലുവ
ഉലുവ, കറ്റാര്‍ വാഴ, മഞ്ഞള്‍ എന്നിവ ഇതിനായി ഉപയോഗിയ്ക്കും. ഉലുവ മുഖത്തുണ്ടാകുന്ന ചുളിവുകള്‍ക്കുള്ള നല്ലൊരു പരിഹാരമാണ്. മുഖത്തിന് ചെറുപ്പം നല്‍കുന്ന ഒന്നാണിത്. മുഖ ചര്‍മത്തിന് ഇലാസ്റ്റിസിറ്റി നല്‍കുന്ന ഒന്നു കൂടിയാണ് ഉലുവയുടെ ഉപയോഗം. ഇത് ചര്‍മത്തിന് ഇറുക്കവും മുറുക്കവും നല്‍കുന്നു. പലരേയും അലട്ടുന്ന ചര്‍മ പ്രശ്‌നമാണിത്. ചര്‍മത്തിന് ചെറുപ്പം നല്‍കാന്‍ സഹായിക്കുന്ന ഒന്നാണ് ഉലുവ.
കറ്റാര്‍ വാഴ
മുഖത്തെ ചുളിവുകള്‍ നീക്കാനുള്ള വഴിയാണ് കറ്റാര്‍ വാഴ. ഇതിലെ വൈറ്റമിന്‍ ഇ തന്നെയാണ് പ്രധാന ഗുണം നല്‍കുന്നത്. ഇത് ചര്‍മ കോശങ്ങള്‍ക്ക് ഇറുക്കം നല്‍കുന്നു. ചര്‍മത്തില്‍ ചുളിവു വീഴാതെ കാക്കുന്നു. ഇത് ചര്‍മ കോശങ്ങള്‍ക്കടിയിലേയ്ക്ക് ആഴ്ന്നിറങ്ങി ചര്‍മത്തിന് തിളക്കവും മൃദുത്വവും എല്ലാം നല്‍കുന്നു. കറ്റാർ വാഴ ആരോഗ്യത്തിനും ഭംഗിയ്ക്കും മുടി സംരക്ഷണത്തിനുമെല്ലാം തന്നെ ഒരുപോലെ ഉപകാരപ്രദമായ ഒന്നാണിത്.
മഞ്ഞള്‍
മഞ്ഞള്‍ പുരാതന കാലം മുതല്‍ തന്നെ സൗന്ദര്യവര്‍ദ്ധക വഴികളില്‍ മുന്‍പന്തിയില്‍ നില്‍ക്കുന്ന ഒന്നാണ്. സൗന്ദര്യം വര്‍ദ്ധിപ്പിയ്ക്കാന്‍ മാത്രമല്ല, പല സൗന്ദര്യ, ചര്‍മപ്രശ്‌നങ്ങള്‍ക്കുമുള്ള നല്ലൊരു മരുന്നു കൂടിയാണ് മഞ്ഞള്‍. ഇതിന് ആന്റിഫംഗല്‍, ആന്റിബാക്ടീരിയല്‍ ഗുണങ്ങളുണ്ട്. ഇതുകൊണ്ടുതന്നെ മുഖക്കുരവടക്കമുള്ള പല ചര്‍മപ്രശ്‌നങ്ങള്‍ക്കും ഇത ഉത്തമ ഉപാധിയുമാണ്.ചര്‍മത്തിന് നിറം വര്‍ദ്ധിപ്പിയ്ക്കുമന്ന് അവകാശപ്പെട്ടിറങ്ങുന്ന മിക്കവാറും ക്രീമുകളില്‍ മഞ്ഞള്‍ പ്രധാന ചേരുവയാണ്.
ഇതു തയ്യാറാക്കാന്‍
ഇതു തയ്യാറാക്കാന്‍ അല്‍പം ഉലുവ വെള്ളത്തിലിട്ടു തിളപ്പിയ്ക്കണം. ഇതില്‍ അല്‍പം മഞ്ഞള്‍പ്പൊടിയും ചേര്‍ക്കുക. നല്ല ശുദ്ധമായ മഞ്ഞള്‍പ്പൊടി വേണം, ചേര്‍ക്കാന്‍. ഇത് നല്ലതുപോലെ തിളച്ച് വെള്ളം ഒരു വിധം കട്ടിയായാല്‍ വാങ്ങണം. ഉലുവ കുതിര്‍ത്തിട്ട് ഈ വെള്ളത്തില്‍ തന്നെയും വേണമെങ്കില്‍ ഈ മിശ്രിതം തയ്യാറാക്കാം. വാങ്ങി വച്ച മിശ്രിതം അരിപ്പയില്‍ അരിച്ചെടുക്കണം. ഇത് തണുത്താല്‍ ഒരു ക്രീം പരുവമാകണം. ഇതിലേയ്ക്ക് കറ്റാര്‍ വാഴ ജെല്‍ കൂടി ചേര്‍ത്തിളക്കി ഉപയോഗിയ്ക്കാം. ഇത് മുഖത്തു പുരട്ടുന്നത് മുഖത്തിന് ചെറുപ്പം നല്‍കാനും തിളങ്ങാനും കറുത്ത പാടുകള്‍ മാറാനുമെല്ലാം സഹായിക്കുന്നു.
