വെളിച്ചെണ്ണയെന്നത് നമ്മുടെ പാചകത്തില്‍, പ്രത്യേകിച്ചും മലയാളി പാചകത്തില്‍ പ്രധാനമായ ഒന്നാണ്. തനതായ മലയാളി രുചി പല വിഭവങ്ങള്‍ക്കും നല്‍കുന്ന ഒന്നാണിത്. വെളിച്ചെണ്ണ ആരോഗ്യത്തിന് പല ഗുണങ്ങള്‍ നല്‍കുന്നുണ്ട്. ഇതു കൊണ്ടു മാത്രമല്ല, മുടി, ചര്‍മ സംരക്ഷണത്തിനും ഇത് ഏറെ ഗുണങ്ങള്‍ നല്‍കുന്നുമുണ്ട്. പല ചര്‍മ പ്രശ്‌നങ്ങള്‍ക്കുമുള്ള നല്ലൊരു പരിഹാരമാണ് വെളിച്ചെണ്ണ. വെളിച്ചെണ്ണ മുഖത്തു പുരട്ടുന്നതും ഏറെ ഗുണം നല്‍കും. അല്‍പം വെളിച്ചെണ്ണ ചൂടാക്കി മുഖം മസാജ് ചെയ്യുന്നത് ഏറെ നല്ലതാണ്. ഇത് നല്‍കുന്ന ആരോഗ്യപരമായ ഗുണങ്ങളെക്കുറിച്ചറിയൂ.

​വെളിച്ചെണ്ണ

വെളിച്ചെണ്ണ നല്ല കൊഴുപ്പിന്റെ ഉറവിടമാണ്. ഇതിനാല്‍ തന്നെ ഇത് നിങ്ങളുടെ മുഖത്തെ ജലാംശം നിലനിർത്തുവാൻ സഹായിക്കും. വെളിച്ചെണ്ണ ചർമ്മത്തിലെ വിഷവസ്തുക്കളെ നിർവീര്യമാക്കുന്നു, അതുവഴി ചർമ്മത്തിന്റെ വിഷാംശം നീക്കം ചെയ്യുകയും ചർമ്മത്തിന്റെ സ്വാഭാവിക രോഗപ്രതിരോധ ശേഷി നിലനിർത്തുകയും ചെയ്യുന്നു. നിങ്ങളുടെ മുഖത്തിന് ഏറ്റവും ആവശ്യപ്പെടുന്ന മോയ്‌സ്ചറൈസിംഗ് അഥവാ ജലാംശം പകരുന്ന ഗുണമാണ് വെളിച്ചെണ്ണയുടെ ഏറ്റവും പ്രധാന സവിശേഷത .

വെളിച്ചെണ്ണ

വെയിൽ കൊണ്ടത് മൂലം ഉണ്ടാകുന്ന കരുവാളിപ്പ്, സൂര്യതാപം എന്നിവയ്ക്ക് എതിരായ ഒരു ഉത്തമ ഉത്തമ പ്രതിവിധിയാണ് വെളിച്ചെണ്ണ. സൂര്യതാപം മൂലമുണ്ടാകുന്ന ചൊറിച്ചിൽ, വരൾച്ച എന്നിവയിൽ നിന്ന് മുക്തി നേടാൻ വെളിച്ചെണ്ണ സഹായിക്കും. സൂര്യപ്രകാശം ഏറ്റ് കഴിഞ്ഞ് ഏകദേശം 10 മിനിറ്റ് നേരം മുഖത്ത് നനഞ്ഞ ടവൽ കൊണ്ട് ഒപ്പുക. ചർമ്മം തണുത്തുകഴിഞ്ഞാൽ, വെളിച്ചെണ്ണ വെയിലേറ്റ പ്രദേശങ്ങളിൽ പുരട്ടുക.

ചർമ്മം

വെളിച്ചെണ്ണ ചർമ്മം വൃത്തിയാക്കുവാനുള്ള ഒരു മികച്ച തിരഞ്ഞെടുപ്പാണ്. കൈ കഴുകി ഒരു സ്പൂൺ വെളിച്ചെണ്ണ നിങ്ങളുടെ കൈപ്പത്തിയിൽ ഒഴിക്കുക. കൈപ്പത്തികൾ തമ്മിൽ തടവി എണ്ണ തുല്യമായി മുഖത്ത് പുരട്ടുക. കൈകൾ വളരെയധികം മുറുക്കി തടവരുത്. വൃത്താകൃതിയിലുള്ള ചലനങ്ങളിൽ സൗമ്യമായി മുഖത്ത് തടവുക. കുറച്ച് മിനിറ്റിനു ശേഷം, ചെറുചൂടുള്ള വെള്ളത്തിൽ മുഖം കഴുകുക അല്ലെങ്കിൽ ചൂടുള്ള നനഞ്ഞ തുണി ഉപയോഗിച്ച് എണ്ണ തുടയ്ക്കുക.

​വെളിച്ചെണ്ണ

വെളിച്ചെണ്ണയിൽ ആൻറി ബാക്ടീരിയൽ, ആന്റി-യീസ്റ്റ് ഗുണങ്ങൾ ഉണ്ട്.വെളിച്ചെണ്ണ പല ചര്‍മ പ്രശ്‌നങ്ങള്‍ക്കുമുള്ള നല്ലൊരു മരുന്നാണ്. ചര്‍മത്തിലെ ചൊറിച്ചിലും അലര്‍ജി പോലുള്ള പ്രശ്‌നങ്ങള്‍ക്കുമെല്ലാം ഇതു പുരട്ടി പരിഹാരമുണ്ടാക്കാം. ചര്‍മത്തിന് നിറം നല്‍കുന്ന ഒന്നാണ് ചെറുനാരങ്ങാ നീര്. വെളിച്ചെണ്ണയും ചെറുനാരങ്ങാ നീരും കലര്‍ത്തി മുഖത്തു പുരട്ടാം. വെളിച്ചെണ്ണ ചെറുതായി ചൂടാക്കി ഇതില്‍ നാരങ്ങാനീരു കലര്‍ത്തി പുരട്ടാം. സ്വാഭാവിക ബ്ലീച്ചിംഗ് ഏജന്റാണ് ചെറുനാരങ്ങ. ഇതിലെ വൈറ്റമിന്‍ സി, സിട്രിക് ആസിഡ് എന്നിവ ഏറെ നല്ലതാണ്. ഇത് നല്ല ബ്ലീച്ചിംഗ് ഇഫക്ട് നല്‍കും.മുഖത്ത് ദിവസവും വെളിച്ചെണ്ണ ചെറുതായി ചൂടാക്കി മസാജ് ചെയ്യുന്നത് മുഖത്തെ ചുളിവുകള്‍ അകറ്റാനുള്ള പ്രധാന വഴിയാണ്.