പലര്‍ക്കും പല ചര്‍മ പ്രശ്‌നങ്ങളുമുണ്ടാകാറുണ്ട്. ചിലര്‍ക്കിത് പുറത്തു പറയാന്‍ വണ്ണം മടിയുമായിരിയ്ക്കും. ഇതിന്റെ പേരില്‍ ഡോക്ടറെ കാണാന്‍ മടിയ്ക്കുന്നവര്‍ വരെയുണ്ട്. ശരീരത്തിലെ പല ഭാഗത്തിലും കുരുക്കള്‍ വരുന്നത് സാധാരണയാണ്. എന്നാല്‍ ചിലരുടെ നിതംബ ഭാഗത്ത് ഇത്തരം കുരുക്കളുണ്ടാകും. ഇതില്‍ ചിലപ്പോള്‍ പഴുപ്പു നിറഞ്ഞ് വേദനയുണ്ടാക്കുകയും ചെയ്യും. ഇത് സ്വയം പൊട്ടിച്ചു കളയാന്‍ ശ്രമിച്ച് പ്രശ്‌നത്തിലാകുന്നതും സാധാരണാണ്. ഇത്തരം കുരുക്കള്‍ ഉണ്ടാകുന്നതിന് ചില പ്രത്യേക കാരണങ്ങളുണ്ട്. ഇത് നിയന്ത്രിയ്ക്കാനും വഴികളുണ്ട്. ഇതെക്കുറിച്ചറിയൂ.

​ശരീരത്തിലെ രോമകൂപങ്ങളില്‍

ശരീരത്തിലെ രോമകൂപങ്ങളില്‍, അതായത് രോമം വരുന്ന ചെറിയ കുഴികളില്‍ ഉണ്ടാകുന്ന സ്‌റ്റെഫലോക്കോക്കസ് ബാക്ടീരിയ കാരണം വരുന്ന ഇന്‍ഫെക്ഷനാണ് ഇത്. ഇത് തുടയിടുക്കുകള്‍, കഴുത്തിന്റെ ഭാഗം തുടങ്ങിയ പല സ്ഥലത്തും ഇത്തരം ബാക്ടീരിയകള്‍ വളരാം. ഇത് പൊതുവേ പ്രശ്‌നമുണ്ടാക്കില്ലെങ്കിലും നിതംബഭാഗത്ത് ഇവയുടെ കൂടുതല്‍ രൂക്ഷമായ പ്രശ്‌നമുണ്ടാക്കാം. ഇത് ഒരിക്കല്‍ വന്നാല്‍ വീണ്ടുമുണ്ടാകാന്‍ സാധ്യതയുമുണ്ട്. നിതംബ ഭാഗത്തെ ഇത്തരം കുരുക്കള്‍ പൊട്ടിയ്ക്കാന്‍ നോക്കിയാല്‍ നീര്‍ക്കെട്ടു വരെയുണ്ടാകാം.

​ഇത്തരം കുരുക്കള്‍

ഇത്തരം കുരുക്കള്‍ സാധാരണ വരുന്നത് പ്രമേഹ രോഗികള്‍ക്കും ഇതു പോലെ അമിതവണ്ണമുള്ളവര്‍ക്കുമാണ്. പ്രമേഹ രോഗികള്‍ക്ക് പൊതുവേ രോഗപ്രതിരോധം കുറഞ്ഞിരിയ്ക്കും. ഇതാണ് കാരണം. വണ്ണം വയ്ക്കുമ്പോള്‍ ചര്‍മത്തില്‍ ഇത്തരം ബാക്ടീരിയകള്‍ കൂടുതലുണ്ടാകാം. ഇതാണ് കാരണം. ഇതു പോലെ ശരീരത്തില്‍ എങ്ങനെയെങ്കിലും രോഗ പ്രതിരോധ ശേഷി കുറഞ്ഞാല്‍ ഇത്തരം പ്രശ്‌നമുണ്ടാകാം. ഉദാഹരണമായി കൊവിഡ് വന്നവര്‍ക്ക് ഇത്തരം കുരുക്കള്‍ വന്നെന്നു വരാം. മറ്റൊരു കാരണം വൃത്തിക്കുറവാണ്. വസ്ത്രങ്ങളും മറ്റും മാറി ഉപയോഗിയ്ക്കുന്നതും വൃത്തിയില്ലാതെ ഉപയോഗിയ്ക്കുന്നതുമെല്ലാം കാരണമാകാം. ഇതു പോലെ വരണ്ട ചര്‍മമുള്ളവര്‍ക്ക് ഇത്തരം അവസ്ഥ കൂടുതലാണ്. എക്‌സിമ പോലെ ചര്‍മത്തെ ബാധിയ്ക്കുന്ന ചര്‍മ രോഗങ്ങളെങ്കിലും ഇത്തരം അവസ്ഥയുണ്ടാകാം. അമിതമായ ടെന്‍ഷനുളളവരിലും ഇത്തരം അവസ്ഥയുണ്ടാകാം. കട്ടിയുള്ള പ്രതലത്തില്‍ ഒരേ പോലെ ഇരുന്ന് ജോലി ചെയ്യുന്നവരില്‍ ഇതേ അവസ്ഥയുണ്ടാകാം. ഡ്രൈവര്‍മാരിലുമെല്ലാം ഇതിന് സാധ്യതയുണ്ട്. ചില ഭക്ഷണങ്ങളുടെ അലര്‍ജി ഇതിന് കാരണമാകാം.

​ഇതിനു വേണ്ടത്

ഇതിനു വേണ്ടത് മരുന്നുകള്‍ തന്നെയാണ്. ഇത്തരം കുരുക്കള്‍ ചൊറിച്ചിലുണ്ടാകുന്നുവെങ്കില്‍ ഉപ്പിട്ട വെള്ളത്തില്‍ കഴുകാം. ഇത് ഒരിക്കലും ഞെക്കിപ്പൊട്ടിയ്ക്കരുത്. ഉപ്പിട്ട വെള്ളത്തില്‍ ചൂടു പിടിയ്ക്കാം. ഇതു പോലെ ഡോക്ടറെ കണ്ട് മരുന്നു വാങ്ങേണ്ടത് അത്യാവശ്യമാണ്. ഏതെങ്കിലും ഭക്ഷണത്തോട് അലര്‍ജിയുണ്ടെങ്കില്‍ ഇത് ഒഴിവാക്കുക. നല്ലതു പോലെ വൃത്തി പാലിയ്ക്കുക. ഇത്തരം രോഗമുള്ളവര്‍ ഉപയോഗിയ്ക്കുന്ന ടവലോ വസ്ത്രങ്ങളോ മറ്റുള്ളവര്‍ ഉപയോഗിയ്ക്കരുത്.

വെള്ളം

ഭക്ഷണവും പ്രധാനം. പ്രമേഹം നിയന്ത്രിച്ചു നിര്‍ത്തുക. മൂന്നു ലിറ്റര്‍ വെള്ളം കുടിയ്ക്കുക. സിങ്ക് അടങ്ങിയ ഇലക്കറികള്‍, മുളപ്പിച്ച പയര്‍, ബദാം പോലുളള കഴിയ്ക്കാം. സിങ്ക് രോഗപ്രതിരോധ ശേഷി ഉയര്‍ത്താന്‍ സഹായിക്കും. ഈ രോഗം നാണക്കേടു വിചാരിച്ച് ഡോക്ടറെ കണ്ട് ചികിത്സ തേടുന്നത് വൈകാതിരിയ്ക്കുക. വരണ്ട ചര്‍മമുള്ളവര്‍ ഈ ഭാഗം മോയിസ്ചറൈസറോ മറ്റോ പുരട്ടി ഈര്‍പ്പമുള്ളതാക്കി വയ്ക്കാം. കറുത്ത പാടു മാറ്റും, പ്രായം പത്തു കുറയ്ക്കും ഉലുവാ ജെല്‍