വഴക്കവും ബലവും മെച്ചപ്പെടുത്താൻ തലകീഴായുള്ള യോഗാസനങ്ങൾ

തലകീഴായി ചെയ്യുന്ന യോഗ പുരാതന യോഗാ സമ്പ്രദായത്തിന്റെ ഒരു രൂപമാണ്. അതിൽ നിങ്ങളുടെ നെഞ്ചും ഇടുപ്പും നിങ്ങളുടെ തലയ്ക്ക് മുകളിലായിട്ടായിരിക്കും സ്ഥാനം പിടിക്കുന്നത്. ഈ രീതിയിലുള്ള യോഗാസനങ്ങൾ ചെയ്യുന്നത് ബുദ്ധിമുട്ടാണെന്ന് തോന്നുമെങ്കിലും, മറ്റേതൊരു വ്യായാമ രൂപത്തെയും പോലെ പതിവായ പരിശീലനത്തിലൂടെ ബുദ്ധിമുട്ടിന്റെ തോത് ക്രമേണ കുറഞ്ഞ് വരും. മുൻപോട്ടേക്ക് കുനിയുന്നത് മുതൽ തല കുത്തി നിൽക്കുന്നത് വരെയുള്ള പല തരത്തിലുള്ള ആസനങ്ങൾ ഇതിൽ ഉൾപ്പെടുന്നു.



തലകീഴായി ചെയ്യുന്ന യോഗാസനങ്ങൾ അത് ചെയ്യുന്നവർക്ക് ഒരു പൂർണ്ണ ശരീര വ്യായാമവും നിരവധി ആരോഗ്യ ഗുണങ്ങളും നൽകുന്നു.

തലകീഴായി ചെയ്യുന്ന യോഗയുടെ ഗുണങ്ങൾ



ശരീരഭാരം ഉപയോഗപ്പെടുത്തി ചെയ്യുന്ന തലകീഴായിട്ടുള്ള വിപരീത യോഗ അത് ശീലിക്കുന്നവർക്ക് വിവിധ ഗുണങ്ങൾ വാഗ്ദാനം ചെയ്യുന്നു. വഴക്കം, സന്തുലിതാവസ്ഥ, പേശികളുടെ ശക്തി എന്നിവ മെച്ചമെമെടുത്താൻ ഇത്തരം ആസനങ്ങൾ സഹായിക്കും. ഇത് പതിവായി പരിശീലിക്കുന്നതിലൂടെ നിങ്ങളുടെ മൊത്തത്തിലുള്ള വ്യായാമ ശേഷിയും ശരീര ഭാവവും മെച്ചപ്പെടുത്താനും സഹായിക്കും.

തലകീഴായുള്ള യോഗാസനങ്ങൾ ശീലിക്കുന്നത് വഴി ലഭിക്കുന്ന ഗുണങ്ങൾ ഇവയാണ്:

1. വിപരീത യോഗ രക്തചംക്രമണവും ഓക്സിജന്റെ അളവും വർദ്ധിപ്പിക്കുന്നു



തലകീഴായി ചെയ്യുന്ന യോഗാസനങ്ങൾ രക്തചംക്രമണവും ലിംഫറ്റിക് ഡ്രെയിനേജും മെച്ചപ്പെടുത്തുകയും, അതുവഴി ശരീരത്തിലുടനീളം ഓക്സിജനും പോഷകങ്ങളും എത്തിക്കുന്നതിനും മാലിന്യ ഉൽ‌പന്നങ്ങൾ നീക്കം ചെയ്യുന്നതിനും സഹായിക്കുകയും ചെയ്യും. മാത്രമല്ല, ഈ യോഗാസനങ്ങൾ ഇടുപ്പിൽ നിന്ന് ഹൃദയത്തിലേക്കുള്ള രക്തപ്രവാഹത്തെ ഉത്തേജിപ്പിക്കുന്നു. ഇത് നിങ്ങളുടെ ഹൃദയമിടിപ്പ് കുറയ്ക്കുന്നതിനും രക്തത്തിലെ ഓക്സിജന്റെ അളവ് വർദ്ധിപ്പിക്കുന്നതിനും സഹായിക്കുന്നു.

ഭാരം കുറയ്ക്കാൻ ട്രെഡ്മില്ലിൽ എത്ര നേരം നടക്കണം?

2. ഇത് പേശികളുടെ ശക്തി വർദ്ധിപ്പിക്കുകയും ശരീര ഭാവം ശരിയാക്കുകയും ചെയ്യുന്നു



തലകീഴായി ചെയ്യുന്ന യോഗാസനങ്ങൾ പേശികളെ ലക്ഷ്യം വയ്ക്കുന്നു, കൈകാലുകളുടെ ശക്തി മെച്ചപെപ്പടുത്താൻ ഇത്തരം ആസനങ്ങൾ വളരെയധികം സഹായിക്കും. കൂടാതെ, ‘അധോമുഖ ശ്വാനാസനം’ പോലുള്ള യോഗാസനങ്ങൾ ശരിയായ ശരീര ഭാവത്തെ സഹായിക്കുന്നതിന് വളരെയധികം ഗുണം ചെയ്യും.

3. ഇത് ശാരീരിക വഴക്കം മെച്ചപ്പെടുത്തും



ഈ യോഗാസനങ്ങൾ നിങ്ങൾ ശരിയായി ചെയ്യാൻ തുടങ്ങുമ്പോൾ ശരീരത്തിന്റെ സന്തുലിതാവസ്ഥ, വഴക്കം എന്നിവ മെച്ചപ്പെടുന്നു.

4. ഇത് ഊർജ്ജ നിലയും ശ്രദ്ധയും വർദ്ധിപ്പിക്കുന്നു



ഈ യോഗാസനങ്ങൾ ചെയ്തതിനു ശേഷം മൊത്തത്തിലുള്ള ഏകാഗ്രതയും ശ്രദ്ധയും വർദ്ധിക്കുന്നതിനും നാഡീവ്യവസ്ഥയുടെ പ്രവർത്തനം മെച്ചപ്പെടുത്താനും സഹായിക്കുന്നു. വിപരീത യോഗാസനങ്ങൾ കോശങ്ങളിലെ ഓക്സിജനും പോഷകങ്ങളും വർദ്ധിപ്പിക്കുന്നതിനും ഡോപാമൈൻ, നോർപിനെഫ്രിൻ, സെറോടോണിൻ എന്നിവ പോലുള്ള എൻ‌ഡോർഫിനുകൾ പുറപ്പെടുവിക്കുന്നതിനും സഹായിക്കുന്നു. ഈ എൻ‌ഡോർ‌ഫിനുകൾ‌ ശ്രദ്ധ മെച്ചപ്പെടുത്തുകയും ഊർജ്ജ നില വർദ്ധിപ്പിക്കുകയും നിങ്ങളുടെ മാനസിക നിലയെ ഉയർത്തുകയും ചെയ്യുന്നു.

5. തലകീഴായി ചെയ്യുന്ന യോഗ അവയവങ്ങളുടെ വീക്കവും വേദനയും കുറയ്ക്കുന്നു



തലകീഴായി ചെയ്യുന്ന വിപരീത ആസനങ്ങൾ ലിംഫറ്റിക് രക്തചംക്രമണം പ്രോത്സാഹിപ്പിക്കുന്നതിലൂടെ അരയ്ക്ക് താഴത്തെ അവയവങ്ങളിൽ ഉണ്ടാവുന്ന വേദനയും വീക്കവും കുറയ്ക്കും. ശരീരത്തിൽ നിന്ന് വേണ്ടാത്ത ഉപോൽപ്പന്നങ്ങൾ നീക്കം ചെയ്യാനും ദ്രാവക സന്തുലിതാവസ്ഥ നിലനിർത്താനും ഈ രീതിയിലുള്ള രക്തചംക്രമണം സഹായിക്കുന്നു. വേദന കൈകാര്യം ചെയ്യുന്നതിന്, ഗുരുത്വാകർഷണബലവും ആസനങ്ങളുടെ സൗമ്യമായ ചലനവും ഒരുമിച്ച് ലിംഫറ്റിക് പ്രവാഹത്തെയും രക്തചംക്രമണത്തെയും കൈകാലുകളിൽ നിന്നും പുറത്തേക്കും ഹൃദയത്തിന്റെ അകത്തേക്കും നയിക്കുന്നു. അതുവഴി അവയവങ്ങളിൽ ഉണ്ടാവുന്ന വേദന കുറയുന്നു.

ഭാരം കുറയ്ക്കാൻ കഴിയുന്നില്ലേ? ഈ 10 യോഗാസനങ്ങൾ സഹായത്തിനെത്തും

എന്നിരുന്നാലും, തലകീഴായി ചെയ്യുന്ന യോഗാസനങ്ങൾ വളരെ ശ്രദ്ധയോടെ മാത്രം ശീലിക്കേണ്ടതാണ്. ഒരു പരിശീലകന്റെ സഹായത്തോടെ ഇവ ചെയ്ത് തുടങ്ങുന്നതാണ് അഭികാമ്യം.

അതിനാൽ, നിങ്ങൾക്ക് വഴക്കവും ശക്തിയുമുള്ള ശരീരം ഉണ്ടാവുന്നതിനായി ഈ രീതിയിലുള്ള യോഗ ശീലിക്കുന്നത് പരിഗണിക്കുക. അത് നിങ്ങൾക്ക് ധാരാളം നേട്ടങ്ങൾ നൽകുമെങ്കിലും, അത് ചെയ്യുമ്പോൾ സുരക്ഷിതമായിരിക്കാൻ ഓർമ്മിക്കുക. കൂടാതെ, മസ്തിഷ്ക ക്ഷതം, സുഷുമ്‌ന അസുഖങ്ങൾ, ഉയർന്ന രക്തസമ്മർദ്ദം എന്നിവ അനുഭവിക്കുന്ന ആളുകൾ ഈ യോഗാസനങ്ങൾ ചെയ്യാൻ ശ്രമിക്കരുത്, കാരണം ഇത് അവരുടെ അവസ്ഥയെ കൂടുതൽ വഷളാക്കും.