ആരോഗ്യത്തിനും സൗന്ദര്യത്തിനും കഴിയ്ക്കുന്ന ഭക്ഷണങ്ങള്‍ക്കും പ്രധാനപ്പെ്ട്ട സ്ഥാനമുണ്ട്. ആരോഗ്യത്തിനും സൗന്ദര്യത്തിനും മുടിയ്ക്കുമെല്ലാം ഒരുപോലെ സഹായിക്കുന്ന പല ഭക്ഷണ വസ്തുക്കളുമുണ്ട്. ഇവയില്‍ പലതും പ്രകൃതിദത്തവുമാണ്. ഇത്തരം ഭക്ഷണ വസ്തുക്കളില്‍ ഒന്നാണ് നെല്ലിക്ക. ഇത് പ്രത്യേക രീതിയില്‍ തയ്യാറാക്കി കഴിച്ചാല്‍ ഗുണം ലഭിയ്ക്കും. ഇത്തരത്തില്‍ ഒന്നിനെ കുറിച്ചറിയണം.

നെല്ലിക്ക

ഇതിനായി വേണ്ടത് 4 മൂന്നു ചേരുവകളാണ്. നെല്ലിക്ക, കുരുമുളക്, മഞ്ഞള്‍, തേന്‍ എന്നിവയാണ് ഇവ. വിറ്റാമിൻ സി, ആന്റി ഓക്സിഡന്റ്, ഫൈബർ, മിനറൽസ്, കാൽത്സ്യം, എന്നിവയൊക്കെ ഇത്തിരിപ്പോന്ന നെല്ലിക്കയിൽ അടങ്ങിയിട്ടുണ്ട്. ഇത് രോഗ പ്രതിരോധ ശേഷി വർദ്ധിപ്പിക്കാനും അണുബാധ, ബാക്ടീരിയ എന്നിവയിൽനിന്നും രക്ഷനേടാനും സഹായിക്കും. അതിനാൽ നെല്ലിക്ക ജ്യൂസ് പതിവാക്കിയാൽ ആരോഗ്യത്തിനും സൗന്ദര്യത്തിനുമായി അനേകം നേട്ടങ്ങളും പ്രദാനം ചെയ്യും. ശരീരത്തിന് ചെറുപ്പവും സൗന്ദര്യവും നല്‍കാന്‍ കഴിവുള്ളതാണ് നെല്ലിക്ക. രക്തത്തിലെ ഫ്രീ റാഡിക്കല്‍സിനെ നീക്കം ചെയ്യുന്നതിനാൽ ത്വക്കിനെ സംരക്ഷിക്കുന്നു. കൂടാതെ മുടി നല്ല പോലെ വളരാനും അകാല നര നീക്കാനുമെല്ലാം ഇത് ഏറെ നല്ലതാണ്.

മഞ്ഞൾ

നമ്മുടെ അടുക്കളയിലെ ഔഷധ ഗുണങ്ങളുള്ള ചേരുവകളിൽ പ്രധാനിയാണ് മഞ്ഞൾ. മഞ്ഞൾ ആഹാരത്തിൽ ഉൾപ്പെടുത്തുന്നത് പല വിധത്തിൽ ശരീരത്തിന് ഗുണം ചെയ്യും. ഉണങ്ങിയ മഞ്ഞളിൽ വിറ്റാമിൻ എ, തയാമിൻ (ബി 1), റിബോഫ്ലേവിൻ (ബി 2), വിറ്റാമിൻ സി എന്നിവയും ധാരാളം കാൽസ്യം, ഫോസ്ഫറസ്, ഇരുമ്പ്, സോഡിയം, പൊട്ടാസ്യം എന്നിവയും അടങ്ങിയിട്ടുണ്ട്. വ്യത്യസ്ത രോഗങ്ങൾക്കും ചികിത്സിക്കാൻ ഔഷധ സുഗന്ധവ്യഞ്ജനമായി ഉപയോഗിക്കുന്ന കുർകുമിനോയിഡുകൾ എന്നറിയപ്പെടുന്ന സംയുക്തങ്ങൾ ഇതിൽ അടങ്ങിയിരിക്കുന്നു. ആൻറി ട്യൂമർ, ആൻറി ഓക്സിഡൻറ്, ആൻറി ആർത്രൈറ്റിക്, ആന്റി അമിലോയിഡ്, ആന്റി ഇസ്കെമിക്, ആൻറി-ഇൻഫ്ലമേറ്ററി സവിശേഷതകൾ ഉൾക്കൊള്ളുന്നു. ഇത് കൂടാതെ വിറ്റാമിൻ ബി 6, സി, കോളിൻ, നിയാസിൻ, റൈബോഫ്ലേവിൻ, കാൽസ്യം, ഇരുമ്പ്, പൊട്ടാസ്യം, മാംഗനീസ്, ചെമ്പ്, സിങ്ക്, മഗ്നീഷ്യം തുടങ്ങിയ ധാതുക്കളാൽ സമ്പന്നമാണ് മഞ്ഞൾ.

​കുരുമുളക്

കുരുമുളക് ദഹനരസങ്ങളെയും ദഹന എൻസൈമുകളെയും ഉത്തേജിപ്പിക്കുന്നു, അതിനാൽ മികച്ച ദഹനത്തെ പ്രോത്സാഹിപ്പിക്കുന്നു. കുരുമുളകിലെ ആന്റിഓക്‌സിഡന്റൽ സംയുക്തമായ പൈപ്പെറിൻ ഭക്ഷണത്തിലെ അവശ്യ പോഷകങ്ങളുടെ ആഗിരണം വർദ്ധിപ്പിക്കുകയും ദഹനവ്യവസ്ഥയെ ഫ്രീ റാഡിക്കൽ നാശത്തിൽ നിന്ന് സംരക്ഷിക്കുകയും ചെയ്യുന്നു. ഭക്ഷണത്തിൽ കുരുമുളക് ചേർക്കുന്നത് പാൻക്രിയാറ്റിക് എൻസൈമുകളിൽ നല്ല സ്വാധീനം കാണിക്കുകയും മൊത്തത്തിലുള്ള ദഹനം മെച്ചപ്പെടുത്തുകയും ചെയ്യുന്നു. കാർമിനേറ്റീവ് ഗുണങ്ങൾ ഉള്ളതിനാൽ, കറുത്ത കുരുമുളക് വയറിലെ ഗ്യാസ് അഥവാ വായുകോപം ഒഴിവാക്കുകയും വയറുവേദന അകറ്റുന്നതിനും ഫലപ്രദമാണ്.

​ഇതിനായി

ഇതിനായി നെല്ലിക്ക ഒരെണ്ണം കുരു കളഞ്ഞ് അരച്ചെടുക്കുക. പച്ചമഞ്ഞളും കുരുമുളവും മുഴുവനോടെ ആണെങ്കില്‍ ഇവയും അരയ്ക്കാം. ഇതെല്ലാം അരച്ച് ഇത് ഒരു ഗ്ലാസ് ചെറുചൂടുള്ള വെള്ളത്തില്‍ കലക്കി കുടിയ്ക്കാം. വേണമെന്നുള്ളവര്‍ക്ക് തേന്‍ ചേര്‍ക്കാം. ഇത് ആരോഗ്യത്തിനും സൗന്ദര്യത്തിനും ഒരു പോലെ സഹായിക്കുന്ന ഒരു കൂട്ടാണ്. മുടിയുടെ ആരോഗ്യത്തിനും നല്ലതാണ്. ദഹനം മെച്ചപ്പെടുത്താന്‍, നല്ല ശോധന നല്‍കാന്‍, ശരീരത്തിലെ ടോക്‌സിനുകള്‍ നീക്കാന്‍ ഒക്കെ ഏറെ നല്ലതാണ്.