കൊവിഡിന്റെ അസാധാരണമായ സാഹചര്യത്തില്‍ ജനങ്ങളുടെ ആരോഗ്യ സുരക്ഷ കണക്കിലെടുത്താണ് തീരുമാനമെന്ന് കമ്മിറ്റി അറിയിച്ചു. നേരത്തേ വാസ്‌കിന്‍ ലഭിക്കണമെങ്കില്‍ എമിറേറ്റ്‌സ് ഐഡിയും കാലാവധി തീരാത്ത റെസിഡന്‍സ് വിസയും വേണമെന്നായിരുന്നു നിബന്ധന. ഇതില്‍ ഇളവ് വരുത്തിയാണ് പുതിയ തീരുമാനം കൈക്കൊണ്ടിരിക്കുന്നത്.
വാക്സിനേഷന് രജിസ്റ്റര്‍ ചെയ്യണം
തിരിച്ചറിയല്‍ രേഖകളുടെയും റെസിഡന്‍സ് വിസയുടെയും കാലാവധി പിന്നിട്ടാലും അബൂദാബിയില്‍ കഴിയുന്നവര്‍ക്ക് സൗജന്യ കൊവിഡ് വാക്‌സിന്‍ നല്‍കാനാണ് തീരുമാനം. എന്‍ട്രി പെര്‍മിറ്റിന്റെ കാലാവധി പിന്നിട്ടവര്‍ക്ക് ഏതെങ്കിലും തിരിച്ചറിയല്‍ രേഖകളുടെ അടിസ്ഥാനത്തിലും സൗജന്യമായി കൊവിഡ് വാക്‌സിന്‍ ലഭിക്കാനായി വാക്സിനേഷന് കേന്ദ്രങ്ങളില്‍ രജിസ്റ്റര്‍ ചെയ്യാം. കൊവിഡിന്റെ അസാധാരണമായ സാഹചര്യത്തില്‍ ജനങ്ങളുടെ ആരോഗ്യ സുരക്ഷ കണക്കിലെടുത്താണ് തീരുമാനമെന്ന് കമ്മിറ്റി അറിയിച്ചു. നേരത്തേ വാസ്‌കിന്‍ ലഭിക്കണമെങ്കില്‍ എമിറേറ്റ്‌സ് ഐഡിയും കാലാവധി തീരാത്ത റെസിഡന്‍സ് വിസയും വേണമെന്നായിരുന്നു നിബന്ധന. ഇതില്‍ ഇളവ് വരുത്തിയാണ് പുതിയ തീരുമാനം കൈക്കൊണ്ടിരിക്കുന്നത്.
അല്‍ ഹുസ്ന്‍ ആപ്പിലെ ഗ്രീന്‍ പാസ് നിര്‍ബന്ധം
അതേസമയം, അബൂദാബിയില്‍ വിസിറ്റ് വിസയില്‍ കഴിയുന്നവര്‍ക്കും ജൂണ്‍ 15 മുതല്‍ നിലവില്‍ വരുന്ന ഗ്രീന്‍പാസ് പ്രോട്ടോകോള്‍ ബാധകമാണെന്ന് അധികൃതര്‍ വ്യക്തമാക്കി. അതിനാല്‍ സന്ദര്‍ശകരായി എത്തുന്നവര്‍ക്കും വിസയിലെ യുഐഡി നമ്പര്‍ ഉപയോഗിച്ച് അല്‍ഹുസ്ന്‍ ആപ്പില്‍ രജിസ്റ്റര്‍ ചെയ്യാം. മാതൃരാജ്യത്ത് വാക്സിനേഷന് പൂര്‍ത്തിയായവര്‍ സ്മാര്‍ട്ട് ഫോണില്‍ അക്കാര്യം തെളിയിക്കുന്ന ഇലക്ട്രോണിക് സര്‍ട്ടിഫിക്കറ്റ് ഹാജരാക്കിയാല്‍ മതി. അടുത്ത ചൊവ്വാഴ്ച മുതല്‍ റെസ്റ്റൊറന്റുകള്‍, കഫേകള്‍, ഷോപ്പിംഗ് മാളുകള്‍, വലിയ സൂപ്പര്‍ മാര്‍ക്കറ്റുകള്‍, ജിമ്മുകള്‍, ഹോട്ടലുകള്‍, പാര്‍ക്കുകള്‍, ബീച്ചുകള്‍, സ്വിമ്മിംഗ് പൂളുകള്‍, വിനോദ കേന്ദ്രങ്ങള്‍, സിനിമാ തിയറ്ററുകള്‍, മ്യൂസിയങ്ങള്‍ തുടങ്ങിയ സ്ഥലങ്ങളില്‍ പ്രവേശിക്കുന്നതിന് ഗ്രീന്‍ പാസ് വേണമെന്നാണ് നിയമം.
ഇതിനകം വാക്‌സിന്‍ നല്‍കിയത് 1.34 കോടി പേര്‍ക്ക്
വാക്‌സിന്‍ വിതരണത്തില്‍ ലോകത്ത് തന്നെ മുന്‍പന്തിയില്‍ നില്‍ക്കുന്ന രാജ്യങ്ങളിലൊന്നായ യുഎഇയില്‍ ഇതിനകം 13,684,429 പേര്‍ക്ക് വാക്‌സിന്‍ നല്‍കിയതായി നാഷനല്‍ എമര്‍ജന്‍സി ക്രൈസിസ് ആന്റ് ഡിസാസ്റ്റേഴ്‌സ് മാനേജ്‌മെന്റ് അതോറിറ്റി അറിയിച്ചു. കഴിഞ്ഞ ഒരു ദിവസത്തിനിടയില്‍ മാത്രം നല്‍കിയത് 94223 പേര്‍ക്കാണ്. 100 പേര്‍ക്ക് 138.36 ഡോസ് എന്ന തോതിലാണ് നിലവില്‍ യുഎഇയിലെ വാക്‌സിന്‍ വിതരണം. അതേസമയം, ഇന്നലെ 2281 പുതിയ കൊവിഡ് കേസുകള്‍ കൂടി റിപ്പോര്‍ട്ട് ചെയ്യപ്പെട്ടതോടെ രാജ്യത്തെ കൊവിഡ് ബാധിതരുടെ എണ്ണം 593,894 ആയി. ഇവരില്‍ 573,194 പേര്‍ രോഗ മുക്തി നേടി. 1720 പേരാണ് യുഎഇയില്‍ ഇതിനകം കൊവിഡ് ബാധിച്ച് മരിച്ചത്. കൊവിഡ് ബാധ തുടക്കത്തില്‍ തന്നെ കണ്ടെത്തുന്നതിനായി രാജ്യത്ത് കൊവിഡ് പരിശോധനകളുടെ എണ്ണം വര്‍ധിപ്പിക്കുമെന്ന് അധികൃതര്‍ അറിയിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : abu dhabi to provide free vaccination to all those with expired residency and entry visas
Malayalam News from malayalam.samayam.com, TIL Network
