വിറ്റാമിൻ ഇ ഓയിൽ ചർമ്മത്തിന് നൽകും ഈ 11 സൗന്ദര്യ ഗുണങ്ങൾ

കാണാൻ ആകർഷകമായ മുഖസൗന്ദര്യമാണ് എല്ലാവരുടെയും സ്വപ്നവും ലക്ഷ്യവും. ഇതു നേടാനായി പലവിധ മാർഗങ്ങൾ മാറിമാറി പരീക്ഷിക്കുന്നവരാണ് പലരും. ഇതിനായി വിപണിയിലിറങ്ങുന്ന പുതു പുത്തൻ ഫേസ് ക്രീമുകൾ മുതൽ സൗന്ദര്യ തൈലങ്ങൾ വരെ പരീക്ഷിക്കുന്നവരുണ്ട്. എന്നാൽ ഇവയൊക്കെ എത്രതന്നെ പരീക്ഷിച്ചിട്ടും ചർമപ്രശ്നങ്ങൾ വീണ്ടും വീണ്ടും ഉണ്ടാവുന്നതിന് പിന്നിലെ കാരണം എന്തായിരിക്കും?



മോശം ചർമസംരക്ഷണം മുതൽ നമ്മുടെ ദൈനംദിന ഭക്ഷണത്തിലെ പോഷകങ്ങളുടെ അപര്യാപ്തതകൾ വരെ ഇടയ്ക്കിടെ ഉണ്ടാവുന്ന നമ്മുടെയെല്ലാം ചർമ്മപ്രശ്നങ്ങൾക്ക് ഒരു പ്രധാന കാരണമാകാം. ഇക്കാര്യത്തിൽ ചർമത്തിൻ്റെ ആരോഗ്യത്തിന് ഏറ്റവുമധികം ഗുണങ്ങളെ നൽകുന്ന ഒരു പോഷകമുണ്ട്. ചർമ്മത്തെ പരിപോഷിപ്പിക്കുന്നതിനും ചർമപ്രശ്നങ്ങൾ അകറ്റി നിർത്തുന്നതിനും ഏറെ അത്യാവശ്യമായ പോഷകമാണ് വിറ്റാമിൻ ഇ. ഇതിൻറെ കുറവാണ് നിങ്ങളുടെ ചർമത്തിൽ ഉണ്ടാവുന്ന കൂടുതൽ പ്രശ്നങ്ങളുടെയും പ്രധാന കാരണം. എന്നാൽ വിറ്റാമിൻ ഇ യുടെ കുറവ് പരിഹരിക്കാനും ചർമത്തിന് പരിപോഷിപ്പിക്കൽ പുനരുജ്ജീവന ഗുണങ്ങൾ നൽകാനുമായി നമുക്ക് ചെയ്യാൻ കഴിയുന്ന മാർഗങ്ങൾ നിരവധിയുണ്ട്.

വിറ്റാമിൻ ഇ പോഷകങ്ങൾ സ്വാഭാവികമായും നമുക്ക് പ്രകൃതിദത്ത ഉറവിടങ്ങളിൽ നിന്ന് ലഭിക്കുന്ന ഒന്നാണ്. ഇലക്കറികൾ, നട്സ്, വിത്തുകൾ തുടങ്ങിയവയിൽ നിന്ന് നിങ്ങൾക്ക് ഉയർന്ന അളവിൽ വിറ്റാമിൻ ഇ ലഭിക്കും. ഇതിനുപുറമേ നിങ്ങൾക്ക് വിറ്റാമിൻ ഇ ഓയിൽ പുറത്തുനിന്നും വാങ്ങി നിങ്ങൾക്ക് ചർമത്തിൽ നേരിട്ട് ഉപയോഗിക്കാം. ഇത്തരത്തിൽ ഉപയോഗിക്കുന്നത് ചർമത്തിന് ഒട്ടനേകം ഗുണങ്ങൾ ലഭിക്കാൻ വഴിയൊരുക്കും.

ചർമ്മത്തെ പോഷിപ്പിക്കുന്നു



വിറ്റാമിൻ ഇ ഓയിലിൻ്റെ ഉപയോഗം ചർമത്തിന് ആൻറി ഓക്സിഡൻ്റൽ ആൻറി ഇൻഫ്ലമേറ്ററി ഗുണങ്ങൾ നൽകും. ഇത് നിങ്ങളുടെ ചർമ്മ കോശങ്ങളെ ശക്തമാക്കുകയും ചർമ്മത്തെ കൂടുതൽ മിനുസമുള്ളതാക്കി തീർക്കുകയും ചെയ്യുന്നു. ഈ എണ്ണ നിങ്ങളുടെ ചർമ്മത്തിലേക്കുള്ള രക്തചക്രമണം വർദ്ധിപ്പിക്കുകയും ചർമ്മത്തിന് കൂടുതൽ തിളക്കം പകരുകയും ചെയ്യും.

മൺസൂൺ സൗന്ദര്യ സംരക്ഷണം, ആർക്കും പിന്തുടരാം യാമിയുടെ ഈ വിദ്യകൾ

ചർമ്മത്തെ മോയ്സ്ചറൈസ് ചെയ്യുന്നു



വിറ്റാമിൻ ഇ ഓയിൽ ഒരു ഫാറ്റ് സൊല്യൂബിൾ വിറ്റാമിനാണ്. അതിനാൽ ഇത് മറ്റ് ഏത് വാട്ടർ ബേസ്ഡ് ഉൽപ്പന്നങ്ങളും വാഗ്ദാനം ചെയ്യുന്നതിനേക്കാൾ ഉയർന്ന ഗുണങ്ങളെ നൽകുന്നു. ഇത് ചർമത്തിന് നഷ്ടപ്പെടുന്ന ഈർപ്പം പുനസ്ഥാപിക്കുകയും വരൾച്ചയുടെ ലക്ഷണങ്ങളെ പ്രതിരോധിക്കുകയും ചെയ്യുന്നു. നിങ്ങളുടെ ദൈനംദിന മോയ്‌സ്ചുറൈസർ ഉപയോഗിക്കുന്ന സമയത്ത് ഈ എണ്ണയുടെ ഏതാനും തുള്ളികൾ ചേർത്ത് പ്രയോഗിച്ചാൽ കൂടുതൽ ഗുണം ലഭിക്കും. രാത്രിയിൽ പതിവായി ഇത് ചർമത്തിൽ പുരട്ടുന്നതും നല്ലതാണ്.

മുഖക്കുരുവും മറ്റ് പാടുകളും കുറയ്ക്കുന്നു



വിറ്റാമിൻ ഇ ഓയിൽ മുഖക്കുരു ലക്ഷണങ്ങളെ തടയുന്ന ഒരു വിരുദ്ധ ബാഹ്യാവിഷ്ക്കാര ഗുണങ്ങളുള്ള ഒരു ഘടകമാണ്. മുഖക്കുരുവിന് കാരണമാകുന്ന അഴുക്കും നിർജ്ജീവ കോശങ്ങളും നീക്കം ചെയ്യാൻ ഇത് സഹായമരുളും. പതിവായുള്ള വിറ്റാമിൻ ഇ ഓയിലിൻ്റെ ഉപയോഗം ചർമ്മത്തെ പാടുകളെ മായ്ക്കുകയും ചെയ്യുന്നു. മറ്റൊന്നും കൂട്ടിചേർക്കാതെ തന്നെ ഉപയോഗിക്കാൻ കഴിയുന്ന മുഖക്കുരുവിനുള്ള ഒരു മികച്ച പ്രതിവിധിയാണിത്.

ചർമ്മത്തിന്റെ ഇരുണ്ട നിറം കുറയ്ക്കുന്നു



ചർമ്മത്തിന്റെ നിറം മങ്ങുന്നതും ഇരുണ്ട നിറം പ്രത്യക്ഷപ്പെടുന്നതും മെലാനിൻ എന്നറിയപ്പെടുന്ന ചർമ്മത്തിലെ പിഗ്മെന്റ് ഉൽപാദനം വർദ്ധിക്കുന്നത് മൂലമാണ്. വിറ്റാമിൻ ഇ, വിറ്റാമിൻ സി എന്നിവ ചർമത്തിലെ മെലാനിൻ ഉൽപാദനത്തിന് ഏറ്റവും സ്വാധീനം ചെലുത്തുന്ന രണ്ട് പോഷകങ്ങൾ ആണ്. അതുകൊണ്ടുതന്നെ ഇവയുടെ ഉപയോഗം ചർമത്തിലെ മെലാനിൻ ഉൽപാദനം നിയന്ത്രിച്ച് നിർത്തിക്കൊണ്ട് നിറം മങ്ങൽ കുറയ്ക്കാൻ സഹായിക്കും. നിറം മങ്ങൽ ഉള്ളപ്പോഴെല്ലാം വിറ്റാമിൻ ഇ ഓയിൽ ചർമത്തിൽ പതിവായി പുരട്ടുക.

സ്ട്രെച്ച് മാർക്കുകൾക്കെതിരെ



ഗർഭധാരണത്തിനു ശേഷം ഒരു സ്ത്രീ നേരിടുന്ന ഏറ്റവും വിഷമിപ്പിക്കുന്ന ചർമ്മ പ്രശ്നങ്ങളിലൊന്നാണ് സ്ട്രെച്ച് മാർക്കുകൾ. ഇത് കാണുന്നത്ര ഉപദ്രവകാരികൾ അല്ല എങ്കിൽപോലും അവയെ മികച്ചരീതിയിൽ നീക്കം ചെയ്യുന്ന കാര്യത്തിൽ ഇന്ന് ലഭ്യമായ പല ജെല്ലുകളും തൈലങ്ങളുമൊക്കെ പരാജയം സമ്മതിക്കുന്നു എന്നതാണ് വാസ്തവം. എന്നാൽ സ്ട്രെച്ച് മാർക്കുകളിൽ വിറ്റാമിൻ ഇ ഓയിൽ പ്രയോഗിച്ചാൽ ഇത് സ്ട്രെച്ച് മാർക്കുകളുടെ രൂപം കുറയ്ക്കുന്ന കാര്യത്തിൽ അത്ഭുതകരമായി പ്രവർത്തിക്കും.

വരണ്ട ചർമ്മത്തിന്



വിറ്റാമിൻ ഇ ഓയിൽ ആൻറി ഓക്സിഡൻറുകളും ആൻറി-ഇൻഫ്ലമേറ്ററി ഗുണങ്ങളും നിറഞ്ഞതാണ്, ഇത് സോറിയാസിസ്, എക്സിമ, ഡെർമറ്റൈറ്റിസ് തുടങ്ങിയ വരണ്ട ചർമ്മ അവസ്ഥകളെ മികച്ച രീതിയിൽ ഒഴിവാക്കാൻ ഫലം ചെയ്യും. വിറ്റാമിൻ ഇ ഓയിൽ ചർമ്മത്തിന് ആവശ്യമായ പോഷണങ്ങൾ നൽകുകയും ചർമം കൂടുതൽ മൃദുലവും മിനുസമാർന്നതുമാക്കി തീർക്കുകയും ചെയ്യുന്നു. ചർമ്മത്തിലെ വരൾച്ചയെ തടയാൻ ഇത് ഉപയോഗിച്ച് പതിവായി മോയ്സ്ചറൈസ് ചെയ്യുക.

വരകളും ചുളിവുകളും കുറയ്ക്കാൻ



വിറ്റാമിൻ ഇ ഓയിലിൽ ആന്റിഓക്‌സിഡന്റുകൾ അടങ്ങിയിട്ടുണ്ട്, ഇത് ചർമ്മത്തിന് വേണ്ട രക്ത വിതരണം വർദ്ധിപ്പിക്കാൻ സഹായിക്കുന്നു. ഇത് ചർമത്തിന് സംഭവിക്കുന്ന പ്രായമാകൽ പ്രക്രിയയെ മന്ദഗതിയിലാക്കുന്നു. പ്രായാധിക്യ ചർമ്മ ലക്ഷണങ്ങളായ കണ്ണുകൾക്ക് ചുറ്റുമുള്ള ചുളിവുകളിൽ നിന്ന് മികച്ച രീതിയിൽ ഗുണങ്ങൾ നൽകാൻ ഇത് സഹായിക്കും. മികച്ച ഫലങ്ങൾക്കായി വിറ്റാമിൻ ഇ ഓയിൽ ആഴ്ചയിൽ മൂന്ന് തവണ മുഖത്ത് പുരട്ടുക.

ഡ്രൈ ബ്രഷ് ചെയ്ത് നേടാം സൗന്ദര്യമുള്ള ചർമം; എങ്ങനെയെന്നറിയാം

ഡാർക്ക് സർക്കിൾസ് അകറ്റാൻ



കണ്ണുകൾക്ക് താഴെയുള്ള ഇരുണ്ട വൃത്തങ്ങളെ ചികിത്സിക്കാൻ പലരും പല മാർഗങ്ങൾ തിരഞ്ഞു പോകാറുണ്ട്. എന്നാൽ ഇതിന് വിറ്റാമിൻ ഇ ഓയിലിനേക്കാൾ മികച്ച പരിഹാരമില്ല എന്നറിയുക. ബാധിത പ്രദേശത്ത് അധിക പോഷണവും ഈർപ്പവും നൽകിക്കൊണ്ട് കണ്ണുകളുടെ താഴെയുള്ള ചർമ്മത്തെ കൂടുതൽ മനോഹരമാക്കി തീർക്കാൻ ഇത് സഹായിക്കും. നിങ്ങളുടെ സാധാരണ ഐ ക്രീമിനോടൊപ്പം വിറ്റാമിന് e ഓയിൽ കൂട്ടിച്ചേർത്തു സൗമ്യമായി മുഖത്ത് മസാജ് ചെയ്യുക.

മുറിവ് വേഗം ഉണക്കുന്നതിന്



വിറ്റാമിൻ ഇ ഓയിലിന് നിങ്ങളുടെ ചർമത്തിലുണ്ടാകുന്ന മുറിവുകളെ വേഗത്തിൽ ഉണക്കാൻ ശേഷിയുണ്ട് എന്നറിയാമോ. ചർമത്തിലുണ്ടാകുന്ന വീക്കം കുറയ്ക്കുന്നതിനുള്ള ഒരു ആൻറി-ഇൻഫ്ലമേറ്ററിയായി പ്രവർത്തിച്ചുകൊണ്ട് മുറിവുണക്കൽ പ്രക്രിയ വേഗത്തിലാക്കാൻ വിറ്റാമിൻ ഇ ഓയിൽ സഹായം ചെയ്യും. മുറിവുണ്ടാകുമ്പോൾ തന്നെ ഈ ഭാഗത്ത് കുറച്ച് വിറ്റാമിൻ ഓയിൽ പുരട്ടുക

ഒരു മികച്ച ക്ലെൻസർ



ചർമ്മസുഷിരങ്ങളിൽ അടിഞ്ഞുകൂടുന്ന അഴുക്കും മറ്റ് മാലിന്യങ്ങളും നീക്കം ചെയ്യാൻ വിറ്റാമിൻ ഇ ഓയിൽ നന്നായി പ്രവർത്തിക്കുന്നു. ഒരു ക്ലെൻസർ ആയി അറിയപ്പെടുന്ന ഇത് ഒരു പഞ്ഞിയിൽ കുറച്ച് എടുത്ത് ഇടയ്ക്കിടെ നിങ്ങളുടെ തുടയ്ക്കാൻ ഉപയോഗിക്കുക.

വരണ്ട ചുണ്ടുകൾക്ക്



വിറ്റാമിൻ ഇ ഓയിലിന് മോയ്‌സ്ചുറൈസിങ്ങ് ഗുണങ്ങളുണ്ടെന്ന് പറഞ്ഞല്ലോ. ഇത് നിങ്ങളുടെ വരണ്ട ചുണ്ടുകൾക്ക് ഈർപ്പം പകർന്നു നൽകികൊണ്ട് മൃദുവാക്കി മാറ്റാൻ സഹായിക്കുന്നു. വിറ്റാമിൻ ഇ ചുണ്ടുകളിലെ നേർത്ത കോശങ്ങളുടെ പുനരുജ്ജീവനത്തെ പ്രോത്സാഹിപ്പിക്കുകയും ചുണ്ടുകൾ വിണ്ടുകീറാൻ ഉള്ള സാധ്യത കുറയ്ക്കുകയും ചെയ്യും.