Curated by Gokul Murali | Samayam Malayalam | Updated: Nov 2, 2021, 3:01 PM
പ്ലാന്റ് ഹാബിറ്റാറ്റ് – 04
അന്താരാഷ്ട്ര ബഹിരാകാശ നിലയത്തിൽ ചെറിയ കൃഷി പരീക്ഷണത്തെ പ്ലാന്റ് ഹാബിറ്റാറ്റ് – 04 എന്നാണ് പേരിട്ടത്. ഇതിന്റെ ഭാഗമായാണ് മുളക് അവിടെ പാകിയത് എന്ന് യുഎസ് സ്പേസ് ഏജൻസി വെളിപ്പെടുത്തിയിരുന്നു. ജീവന്റെ തുടിപ്പുകള്‍ കണ്ടെത്തുന്നതിന്റെ ഭാഗമായാണ് ഇത്തരത്തിൽ ഒരു പരീക്ഷണം.
പരീക്ഷണം നാല് മാസങ്ങള്‍ക്ക് മുൻപ്
നാല് മാസങ്ങള്‍ക്ക് മുൻപാണ് മുളക് തൈകള്‍ നട്ടത്. ബഹിരാകാശത്ത് വിളവെടുത്ത ഏതാനും മുളകുകള്‍ ഭൂമിയിലേക്ക് കൊണ്ടുവരികയും ചെയ്തിരുന്നു. അതേസമയം, ഇതാദ്യമായാണ് ബഹിരാകാശത്ത് തന്നെ ഇത്തരത്തിൽ ഒരു വിളവെടുപ്പ് നടത്തുന്നത് എന്നും നാസ പറഞ്ഞു.
നാസയുടെ പഠനത്തിൽ ബഹിരാകാശനിലയത്തിൽ ചെടിയുടേയും അതിലുണ്ടായ മുളകിന്റേയും വിശദമായ പഠനങ്ങള്‍ നടത്തിയിരുന്നു. അതിന്റെ ഭാഗമായി രുചി, രൂപം, പോഷണം എന്നിവ വിദഗ്ദ്ധര്‍ പഠിച്ച് വരികയാണ്.
മെക്സിക്കൻ മുളക്
ജൂലൈ മുതൽ ബഹിരാകാശ കേന്ദ്രത്തിൽ വളരുന്ന ഈ മുളക്, ന്യൂ മെക്സിക്കോയിലെ പ്രശസ്തമായ ഹാച്ച് വാലിയിൽ വളരുന്ന ‘എസ്പാനോല ഇംപ്രൂവ്ഡ്’ ചിലിയിൽ നിന്നുള്ളവയാണെന്നാണ് വിദഗ്ദ്ധര്‍ അറിയിച്ചിരിക്കുന്നത്. സതേൺ ന്യു മെക്സിക്കോയിലെ സാന്‍ഡിയ എന്ന മുളകിന്റേയും വടക്കൻ മെക്സിക്കോയിൽ വളരുന്ന ലാൻഡ്റേസ് മുളകിന്റെയും സങ്കരയിനം മുളകാണ് പരീക്ഷണത്തിനായി ഇറക്കിയത്.
കൂടുതൽ പഠനം നടത്തും
ബഹിരാകാശ ഗവേഷണ സംഘം ഇത് സംബന്ധിച്ച് വിവരങ്ങള്‍ ട്വിറ്ററിൽ പങ്കുവച്ചിരുന്നു. അതിൽ ഏറ്റവും വെല്ലുവിളി ഉയര്‍ത്തിയ സസ്യ പരീക്ഷണമാണെന്നാണ് കുറിച്ചത്. ഇതിൽ കൂടുതൽ പരീക്ഷണങ്ങൾ സസ്യശാസ്ത്ര വിദഗ്ധർ നടത്തും.
മുളക് മുളയ്ക്കാനും അത് വളര്‍ന്ന് കായ്കൾ വികസിപ്പിച്ചെടുക്കാനും കൂടുതൽ സമയമെടുക്കുന്നതിനാലാണ് മുളക് കൃഷി ചെയ്യുന്നത് മറ്റ് പല വിളകളേക്കാൾ ബുദ്ധിമുട്ടേറിയതാണെന്ന് നാസ നേരത്തെ പറഞ്ഞിരുന്നത്.
ടാക്കോസ്
ബഹിരാകാശ ഗവേഷകയായ മേഗൻ മക്അര്‍തര്‍ ആണ് മുളകിന്റേയും ചെടിയുടേയും ടാക്കോസിന്റെയും ചിത്രങ്ങള്‍ ട്വിറ്ററിലൂടെ പങ്കുവച്ചത്. ചുവപ്പും പച്ചയും നിറങ്ങളിലുള്ള മുളകുകള്‍ വച്ചാണ് പാചകം ചെയ്തത് എന്നും അതുപയോഗിച്ച് ടാക്കോസ് ഉണ്ടാക്കിയെന്നും അവര്‍ ട്വിറ്റും ചെയ്തിരുന്നു. ടാക്കോസിന്റെ ഫില്ലിങ്ങിനാണ് ഈ മുളക് ഉപയോഗിച്ചത്. തക്കാളിയും ഇതിൽ ഉപയോഗിച്ചിട്ടുണ്ട്.
സാധാരണ ഭക്ഷണങ്ങള്‍
ബഹിരാകാശ യാത്രികര്‍ സാധാരണ ഭക്ഷണക്രമങ്ങള്‍ വ്യത്യസ്തമാണ്. ബഹിരാകാശ കേന്ദ്രങ്ങളില്‍ സാധാരണയായി പാക്ക് ചെയ്ത ആഹാരമാണ് കഴിക്കാറുള്ളത്. ഭക്ഷണം ചൂടാക്കാനും തിളപ്പിക്കാനുമായി നിലയങ്ങളില്‍ ഓവനുകളും മറ്റുമുണ്ട്. ന്യൂഡിൽസ്, സ്പാഗെറ്റി, മാംസാഹാരങ്ങള്‍ എന്നിവയെല്ലാം ഇവിടെ കഴിക്കാറുണ്ട്. ഇനി വേഗത്തിൽ വിളവെടുപ്പ് നടത്താൻ സാധിക്കുന്നതിനാൽ തന്നെ വിറ്റാമിൻ സി ധാരാളമായി അടങ്ങിയ സംഘം മുളക് കൃഷി ചെയ്യാൻ തീരുമാനിച്ചതെന്നും അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : nasa astronauts make tacos with successfully grown and harvested green peppers on the international space station
Malayalam News from malayalam.samayam.com, TIL Network
