പിസ്സയുടെ ബോക്‌സിൽ ചെറിയ സ്റ്റൂൾ പോലൊന്ന് ലഭിക്കാറില്ലേ? എന്തിനാണ്

അടുത്ത കാലം വരെ ന്യൂ ജനറേഷൻ കുട്ടികളുടെ ഭക്ഷണം എന്ന പരിവേഷം ആയിരുന്നെങ്കിലും ഇപ്പോൾ പിസ്സ നാട്ടിപുറങ്ങളിലും യഥേഷ്ടം ലഭിക്കും. ഫുഡ് ഡെലിവറി ആപ്പുകൾ നമ്മുടെ നാട്ടിൻപുറങ്ങളിലും സജീവമായതോടെ പിസ്സ ഇപ്പോൾ മൊബൈൽ ഓർഡർ ചെയ്താൽ മതി ഭംഗിയായി പൊതിഞ്ഞ് ബോക്‌സിൽ വീട്ടിലെത്തും. പിസ്സയുടെ ബോക്‌സിൽ ഒരുപക്ഷെ സ്റ്റൂൾ പോലെ ഒരു വസ്തു നിങ്ങൾ കണ്ടിരിക്കാം. സാധാരണ ഗതിയിൽ പിസ്സയുടെ ഒത്ത നടുക്ക് ഒരു സ്റ്റൂളോ അല്ലെങ്കിൽ ബോക്‌സിന്റെ ഏകദേശം മധ്യഭാഗത്തായി ഒന്നിലധികം സ്റ്റൂളുകളോ കാണാം. എന്താണ് ഈ സ്റ്റൂളിന്റെ ഉപയോഗം.



പിസ്സ സ്ഥിരമായി ഓർഡർ ചെയ്തു കഴിക്കുന്നവരെ സംബന്ധിച്ച് ഒരുപക്ഷെ ബാലിശമായിരിക്കും ഈ ചോദ്യം. പിസ്സ ടേബിൾ അല്ലെങ്കിൽ പിസ്സ സ്റ്റൂൾ എന്നറിയപ്പെടുന്ന ഈ സംഭവം പിസ്സ ബോക്‌സിന്റെ മുകൾഭാഗം മധ്യഭാഗത്ത് ഒടിഞ്ഞു വീഴാതിരിക്കാനും ഉള്ളിലെ ഭക്ഷണത്തിൽ സ്പർശിക്കാതിരിക്കാനും ഉപയോഗിക്കുന്ന ഒരു വസ്തുവാണ് എന്ന് ആർക്കാണ് അറിയാത്തത് അല്ലെ? ചിലരുടെ കണ്ടുപിടുത്തതിൽ കഷണങ്ങളായി മുറിച്ചുവച്ചിരിക്കുന്ന പിസ്സ അടർന്നു മാറാതിരിക്കാനാണ് പിസ്സ സ്റ്റൂൾ ഉപയോഗിക്കുന്നത്.

ഫ്രൈഡ് മോമോയുടെ കാലം കഴിഞ്ഞു! ഇനി താരം ഫയർ മോമോ

അതെ സമയം ഇൻസ്റ്റാഗ്രാം ഉപയോക്താവായ ഷാസാബ് ഫാറൂഖി പിസ്സ സ്റ്റൂളിന്റെ മറ്റൊരു ഉപയോഗം കൂടെ കണ്ടെത്തി. ഷാസാബ് പോസ്റ്റ് ചെയ്ത വീഡിയോ അനുസരിച്ച്, പിസ സ്റ്റൂൾ താൻ പിസ്സ കട്ടറായാണ് ഉപയോഗിച്ചത്. ഷാസാബ് ഓർഡർ ചെയ്ത ഒരു പിസ്സ ബോക്‌സ് തുറക്കുമ്പോൾ ഒരു സുഹൃത്ത് പെട്ടിയിൽ നിന്ന് പിസ്സയുടെ ഒരു കഷ്ണം അപഹരിക്കാൻ ശ്രമിക്കുന്നത് കാണാം. ഷാസാബ്, ആ നിമിഷം, പിസ്സ സ്റ്റൂൾ ഉപയോഗിച്ച് ഈ ശ്രമത്തെ ചെറുക്കുന്നത് കാണാം. സ്റ്റൂൾ പിസ്സ കഷണത്തിൽ അമർത്തി പിടിക്കുന്നതോടെ ഒരു ചെറിയ കഷണം മാത്രമാണ് സുഹൃത്തിന് അടിച്ചു മാറ്റാനായത്.

ന്യൂഡിൽസ് കാപ്പി, ടൂത്ത്പേസ്റ്റ് കാപ്പി, ഫ്രൈഡ് ചിക്കൻ കാപ്പി! ഇവിടെ എന്തും കാപ്പിയാക്കും

“ഇത് പിസ്സ കട്ടർ #പിസ്സ #ലൈഫ്ഹാക്ക് ആണെന്ന് ആരെങ്കിലും കരുതിയിരുന്നോ?,” ഷാസാബ് തന്റെ പോസ്റ്റിന്റെ കീഴെ കുറിച്ചു. 20 ദശലക്ഷത്തിലധികം വ്യൂ നേടി സോഷ്യൽ മീഡിയയിൽ വൈറലാണ് ഷാസാബ് ഫാറൂഖിയുടെ പിസ്സ സ്റ്റൂൾ വീഡിയോ.