‘ജോജുവിനെതിരെ തെളിവില്ല, കോൺഗ്രസ് പ്രവർത്തകർക്കെതിരെ രണ്ട് കേസ് കൂടി’; കമ്മീഷണർ

കൊച്ചി: ഇന്ധന വിലവർധനയ്ക്കെതിരായ കോൺഗ്രസിന്‍റെ ദേശീയപാത ഉപരോധത്തിനെതിരെ പരസ്യമായി പ്രതിഷേധിച്ച ചലച്ചിത്ര താരം ജോജു ജോർജിനെതിരെ കോൺഗ്രസ് നേതാക്കൾ നൽകിയ പരാതിയിൽ തെളിവില്ലെന്ന് കൊച്ചി സിറ്റി പോലീസ് കമ്മീഷണർ. പരാതിയിൽ ജോജുവിനെതിരെ കേസെടുക്കാൻ പ്രാഥമിക അന്വേഷണത്തിൽ തെളിവില്ല. ലഭിച്ച പരാതിയിൽ വീണ്ടും പരിശോധന നടത്തുന്നുണ്ടെന്നും അദ്ദേഹം പറഞ്ഞു.



ജോജുവിൻ്റെ പ്രതിഷേധം: പ്രതികരിച്ച് വി ഡി സതീശൻ, സുധാകരനെ തള്ളി പ്രതിപക്ഷ നേതാവ്

ജോജുവിനെതിരായ പരാതിയിൽ സത്യാവസ്ഥ ഉണ്ടെന്ന് ബോധ്യപ്പെട്ടാൽ കേസെടുക്കും. കഴിഞ്ഞ ദിവസമുണ്ടായ സംഭവത്തിൽ കോൺഗ്രസ് പ്രവർത്തകർക്കെതിരെ രണ്ട് കേസുകൾ കൂടി രജിസ്റ്റർ ചെയ്തു. ജോജുവിൻ്റെ വാഹനം തകർത്തതിൽ ജാമ്യമില്ല വകുപ്പുകളാണ് ചുമത്തിയിരിക്കുന്നത്. വാഹനം തകർത്തതിൽ തെളിവുണ്ട്. ആളുകളുടെ മുഖം കാണാൻ സാധിക്കും. ജോജുവിൻ്റെ മൊഴി തിങ്കളാഴ്ച തന്നെ രേഖപ്പെടുത്തി. അദ്ദേഹം പറഞ്ഞത് കൊണ്ട് മാത്രമല്ല കേസെടുക്കുന്നത്. തെളിവ് പരിശോധിച്ചാണ് കേസെടുത്തതെന്നും കമ്മീഷണർ വ്യക്തമാക്കി.

ജോജുവിൻ്റെ കാർ തകർത്ത സംഭവത്തിൽ ഇന്ന് തന്നെ അറസ്റ്റ് നടപടികൾ ഉണ്ടായേക്കുമെന്ന് മാധ്യമപ്രവർത്തകരുമായി സംസാരിക്കുന്നതിനിടെ കമ്മീഷണർ വ്യക്തമാക്കി. സംഭവത്തിൻ്റെ വീഡിയോ പരിശോധിച്ച് നടപടികൾ സ്വീകരിക്കും. സ്വകാര്യ വ്യക്തികളുടെ സ്വത്തുക്കൾ നശിപ്പിക്കുന്നതിനെതിരെ അടുത്തിടെ പ്രാബല്യത്തിലായ പ്രിവൻഷൻ ഓഫ് ഡാമേജ് എഗെയിൻസ്റ്റ് പ്രൈവറ്റ് പ്രോപ്പർട്ടി ആൻഡ് കോം പൻ സേഷൻ ആക്ട് നിയമപ്രകാരമാണ് കേസെടുത്തതെന്നും അദ്ദേഹം കൂട്ടിച്ചേർത്തു.

നാർക്കോട്ടിക് ജിഹാദ് പരാമർശം: ജോസഫ് കല്ലറങ്ങാട്ടിനെതിരെ കേസെടുത്തു, നേരിടുമെന്ന് ബിഷപ്പ് ഹൗസ്

ജോജുവിൻ്റെ പരാതിയിൽ കൊച്ചിൻ മുൻ മേയർ ടോണി ചമ്മിണിയെ അറസ്റ്റ് ചെയ്യുമോ എന്ന ചോദ്യത്തിന് ആരാണെന്ന് നോക്കില്ലെന്നും പ്രതിയാണെങ്കിൽ പിടിക്കുമെന്നും കമ്മീഷണർ പറഞ്ഞു. ജോജുവിൻ്റെ വാഹനം തകർത്തത് ടോണി ചമ്മിണിയുടെ നേതൃത്വത്തിലുള്ള ഏഴംഗ സംഘമാണെന്നാണ് പോലീസ് എഫ്ഐആറിൽ പറയുന്നത്. ചമ്മിണി ഉൾപ്പെടെയുള്ളവർ വാഹനം തടഞ്ഞ് ജോജുവിൻ്റെ ഷർട്ടിന് കുത്തിപ്പിടിച്ച് അസഭ്യം പറഞ്ഞു. വാഹനത്തിൻ്റെ ചില്ല് കല്ലുകൊണ്ട് ഇടിച്ചുതകർത്തുവെന്നും പോലീസ് എഫ്ഐആറിൽ പറയുന്നുണ്ട്. പോലീസിൻ്റെ കണക്കുകൾ പ്രകാരം ആറ് ലക്ഷം രൂപയുടെ വാഹനത്തിന് ഉണ്ടായിരിക്കുന്നത്.

മഹിളാ കോൺഗ്രസ് പ്രവർത്തകരെ അസഭ്യം പറഞ്ഞുവെന്ന ആരോപണത്തിൽ ജോജുവിനെതിരെ പോലീസ് കേസെടുത്തിട്ടില്ല. കൂടുതൽ പരിശോധനകൾക്ക് ശേഷം മാത്രമേ കേസെടുക്കണോ എന്ന കാര്യത്തിൽ തീരുമാനം ഉണ്ടാകൂ എന്ന് പോലീസ് തിങ്കളാഴ്ച പറഞ്ഞിരുന്നു. മദ്യപിച്ചാണ് ജോജു പ്രതികരണം നടത്തിയതെന്ന മഹിളാ കോൺഗ്രസിൻ്റെ ആരോപണം തള്ളുന്ന പരിശോധനാ ഫലമാണ് പുറത്തുവന്നത്. വൈദ്യപരിശോധനയിൽ ജോജു മദ്യപിച്ചിട്ടില്ലെന്ന് വ്യക്തമായി.

കൊവിഡ് കാലത്ത് പോഷണത്തിന് വലിയ പ്രാധാന്യം നല്‍കേണം; ദേശീയ ആയുര്‍വേദ ദിനത്തിൽ മന്ത്രി വീണാ ജോര്‍ജ്

ഇന്ധന വില വര്‍ധനവിനെതിരെ കൊച്ചി ദേശീയപാത ബൈപ്പാസിൽ കോൺഗ്രസ് നടത്തിയ പ്രതിഷേധത്തിലായിരുന്നു നാടകീയ സംഭവങ്ങള്‍ അരങ്ങേറിയത്. സമരത്തിൻ്റെ ഭാഗമായി കോൺഗ്രസ് പ്രവര്‍ത്തകര്‍ വൈറ്റില മുതൽ പാലാരിവട്ടം വരെയുള്ള ഭാഗം തിങ്കളാഴ്ച രാവിലെ തടയുകയായിരുന്നു. ഇതോടെ ഇവിടെ രൂക്ഷമായ ഗതാഗതക്കുരുക്കാണ് അനുഭവപ്പെട്ടത്. എന്നാൽ ഗതാഗതക്കുരുക്കിൽപ്പെട്ടു കിടന്നിരുന്ന ജോജു ജോര്‍ജ് സമരക്കാര്‍ക്കു നേര്‍ക്ക് എതിര്‍പ്പുാമായി എത്തുകയായിരുന്നു. വഴിതടയൽ സമരത്തിനെതിരെ ജോജു ജോര്‍ജ് നടത്തിയ രോഷപ്രകടനത്തിനു പിന്നാലെ സമരക്കാരും നടനും തമ്മിൽ വാക്കേറ്റമുണ്ടായി. ഇതിനിടയിലായിരുന്നു പ്രവര്‍ത്തകര്‍ ജോജു ജോര്‍ജ് സ‍ഞ്ചരിച്ചിരുന്ന ലാൻഡ് റോവര്‍ ഡിഫൻഡര്‍ എസ്‍യുവിയുടെ പിൻവശത്തെ ഗ്ലാസ് തകര്‍ത്തത്.