അതേസമയം, താരത്തിന് നേരെയല്ല അദ്ദേഹത്തിന്റെ സഹായിക്ക് നേരെയാണ് ആക്രമണമുണ്ടായത് എന്ന് ഇന്ത്യൻ എക്സ്പ്രസ് റിപ്പോര്‍ട്ട് ചെയ്യുന്നു.
ചൊവ്വാഴ്ച വൈകിട്ടാണ് സംഭവം നടക്കുന്നത്. അജ്ഞാതനായ ഒരാള്‍ താരത്തിന്റെ പിന്നാലെ ഓടി വരികയും ചാടി തൊഴിക്കാൻ ശ്രമിക്കുകയുമായിരുന്നു. എന്നാൽ, വിജയ് സേതുപതിക്കൊപ്പമുണ്ടായിരുന്ന ആളുകള്‍ ഇയാളെ പിടിച്ചു മാറ്റുന്നതും കാണാം. തുടര്‍ന്ന്, സുരക്ഷാ ജീവനക്കാര്‍ ഇയാളെ പിടിച്ച് മാറ്റുന്നതിന്റേയും വിഡീയോ ദൃശ്യത്തിൽ വന്നിട്ടുണ്ട്.
Also Read : ദീപാവലി സമ്മാനം; പെട്രോൾ, ഡീസൽ വില കുറച്ച് കേന്ദ്രം
വിജയ് സേതുപതി ആക്രമിക്കപ്പെട്ടുവെന്ന അവകാശവാദവുമായാണ് സമൂഹമാധ്യമങ്ങളിൽ വീഡിയോ പ്രചരിക്കുന്നത്.
താരത്തിന്റെ സഹായി അദ്ദേഹത്തിന് വേണ്ടി വഴിയൊരുക്കിയപ്പോള്‍ ആളുകളെ മാറ്റുന്നതിനിടയിലാണ് സംഭവം എന്നാണ് എയര്‍പോര്‍ട്ടിലെ പോലീസ് ഉദ്യോഗസ്ഥരെ ഉദ്ധരിച്ച് ഇന്ത്യൻ എക്സ്പ്രസ് റിപ്പോര്‍ട്ട് ചെയ്യുന്നത്.
Also Read : പ്രധാനമന്ത്രിയുടെ ഈ വര്‍ഷത്തെ ദീപാവലി ആഘോഷം കശ്മീര്‍ അതിർത്തിയിലെ സൈനിക ഔട്ട്പോസ്റ്റിൽ
“നടൻ വിജയ് സേതുപതിയുടെ പേഴ്‌സണൽ അസിസ്റ്റന്റ് നടന് വഴിയൊരുക്കാൻ ഒരാളെ തള്ളിയപ്പോൾ, ദേഷ്യത്തിൽ, ആ വ്യക്തി അയാളെ പിന്നിൽ നിന്ന് ചവിട്ടി. ഒരു തർക്കമുണ്ടായെങ്കിലും കേസൊന്നും രജിസ്റ്റർ ചെയ്തിട്ടില്ല,” ഒരു പോലീസ് ഉദ്യോഗസ്ഥൻ ഇന്ത്യൻ എക്സ്പ്രസ്സിനോട് പറഞ്ഞു.
Also Read : Fact Check: പ്രധാനമന്ത്രി ഇറ്റലിയിൽ സഞ്ചരിച്ചത് ടാക്സിയിലോ? സമൂഹമാധ്യമങ്ങളിലെ പ്രചരണത്തിന്റെ സത്യം ഇങ്ങനെ
സംഭവ സ്ഥലത്ത് വച്ച് അൽപനേരത്തെ വാക്കുതര്‍ക്കമുണ്ടായെങ്കിലും ഇയാള്‍ക്കെതിരെ കേസെടുത്തിട്ടില്ലെന്ന് എയര്‍പോര്‍ട്ട് പോലീസ് അറിയിച്ചു.
Web Title : tamil actor vijay sethupathi and team attacked at bengaluru airport
Malayalam News from malayalam.samayam.com, TIL Network
