ഹൈലൈറ്റ്:
- ക്ഷേത്രങ്ങളില്‍ ഇന്നലെ മുതല്‍ ഭക്തര്‍ക്ക് പ്രവേശനം അനുവദിച്ചു.
- ഇന്നു മുതല്‍ ക്രിസ്ത്യന്‍ പള്ളികളും തുറക്കും.രാജ്യത്ത് ഘട്ടം ഘട്ടമായി കൊവിഡ് നിയന്ത്രണങ്ങളില്‍ ഇളവ് നല്‍കുന്നതിന്റെ ഭാഗമായാണ് തീരുമാനം.
മസ്‌ക്ക്റ്റ്: കൊവിഡ് വ്യാപനത്തിന്റെ പശ്ചാത്തലത്തില്‍ രണ്ടു മാസത്തിലേറെയായി അടഞ്ഞു കിടക്കുന്ന ഒമാനിലെ ഹൈന്ദവ ക്ഷേത്രങ്ങളും ക്രിസ്ത്യന്‍ ദേവാലയങ്ങളും വീണ്ടും വിശ്വാസികള്‍ക്കായി തുറന്നു കൊടുക്കാന്‍ തീരുമാനം. പ്രാദേശിക മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തത്. ക്ഷേത്രങ്ങളില്‍ ഇന്നലെ മുതല്‍ ഭക്തര്‍ക്ക് പ്രവേശനം അനുവദിച്ചു. ഇന്നു മുതല്‍ ക്രിസ്ത്യന്‍ പള്ളികളും തുറക്കും. രാജ്യത്ത് ഘട്ടം ഘട്ടമായി കൊവിഡ് നിയന്ത്രണങ്ങളില്‍ ഇളവ് നല്‍കുന്നതിന്റെ ഭാഗമായാണ് തീരുമാനം.
ഇതേത്തുടര്‍ന്ന് ദാര്‍സൈത്തിലെ ശ്രീകൃഷ്ണ ക്ഷേത്രത്തിലും മസ്‌കത്തിലെ ശിവ ക്ഷേത്രത്തിലും ഇന്നലെ മുതല്‍ ഭക്തര്‍ക്ക് എത്തിത്തുടങ്ങി. അതേസമയം, പ്രാര്‍ഥനയ്ക്ക് എത്തുന്നവര്‍ മാസ്‌ക്ക് ധരിക്കുകയും സാമൂഹിക അകലം പാലിക്കുകയും കൈകള്‍ രോഗാണുമുക്തമാക്കുകയും വേണമെന്ന് അധികൃതര്‍ വ്യക്തമാക്കി. ഇരു ക്ഷേത്രങ്ങളിലെയും സന്ദര്‍ശകരുടെ എണ്ണം പരിമിതപ്പെടുത്തിയിട്ടുണ്ട്.
Also Read: 
വാക്‌സിനെടുത്ത ഇന്ത്യക്കാര്‍ക്ക് ഖത്തറില്‍ ക്വാറന്റൈന്‍ ഇളവ്; പ്രതീക്ഷയുണ്ടെന്ന് അംബാസഡര്‍
ഞായറാഴ്ച മുതല്‍ ഒമാനിലെ ക്രിസ്ത്യന്‍ ദേവാലയങ്ങളിലും ആരാധനകള്‍ ആരംഭിക്കുമെന്നും അധികൃതര്‍ അറിയിച്ചു. എന്നാല്‍ കൂടുതല്‍ മുന്നൊരുക്കങ്ങള്‍ ആവശ്യമുള്ളതിനാല്‍ സെന്റ് പീറ്റേഴ്‌സ് ചര്‍ച്ച് ജൂണ്‍ 13 മുതല്‍ മാത്രമേ വിശ്വാസികള്‍ക്ക് പ്രവേശനം നല്‍കൂ എന്ന് ഭാരവാഹികള്‍ അറിയിച്ചു. പ്രവേശനം ഓണ്‍ലൈന്‍ രജിസ്‌ട്രേഷന്‍ വഴി പരിമിതപ്പെടുത്തിയിരിക്കുകയാണ്. ക്ഷേത്രങ്ങളിലും ചര്‍ച്ചുകളിലും ആളുകള്‍ പരസ്പരം സ്പര്‍ശിക്കുന്നതും ഒരാള്‍ സ്പര്‍ശിച്ച സ്ഥലത്ത് മറ്റൊരാള്‍ സ്പര്‍ശിക്കുന്ന രീതിയിലുള്ള ആരാധനാ രീതികള്‍ പരമാവധി ഒഴിവാക്കുകയും വേണം. ഏതെങ്കിലും രീതിയിലുള്ള രോഗ ലക്ഷണങ്ങളുള്ളവര്‍, കുട്ടികള്‍, വയോജനങ്ങള്‍ തുടങ്ങിയവര്‍ ആരാധനലയങ്ങളിലേക്ക് വരുന്നത് ഒഴവാക്കണമെന്നും അധികൃതര്‍ നിര്‍ദ്ദേശിച്ചു. കൊവിഡ് വ്യാപനത്തെ തുടര്‍ന്ന് കഴിഞ്ഞ ഏപ്രില്‍ മൂന്നിനാണ് ഒമാനിലെ ക്ഷേത്രങ്ങളും ക്രൈസ്തവ ദേവാലയങ്ങളും അടച്ചത്.
രാജ്യത്ത് 100 കടന്ന് ഡീസല്‍ വില
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : temples and churches in oman will reopen for worshippers after temporarily closing for more than two months
Malayalam News from malayalam.samayam.com, TIL Network
