Sumayya P | Lipi | Updated: 13 Jun 2021, 06:02:00 PM
മാനവശേഷി- സാമൂഹിക വികസന മന്ത്രി എന്‍ജിനീയര്‍ അഹ്മദ് അല്‍ റാജിഹി ആറു മാസം മുമ്പാണ് അക്കൗണ്ടിംഗ് മേഖലയില്‍ 30 ശതമാനം സ്വദേശിവത്കരണം പ്രഖ്യാപിച്ചത്.
ഹൈലൈറ്റ്:
- പ്രൊഫഷനല്‍ അക്രെഡിറ്റേഷന്‍ നേടിയ സൗദി അക്കൗണ്ടന്റുമാര്‍ക്കാണ് നിയമനം നല്‍കേണ്ടത്.
- മൊത്തം അക്കൗണ്ടന്റുമാരുടെ 30 ശതമാനം സ്വദേശികളായിരിക്കണം
അക്കൗണ്ടിംഗ് മേഖലയില്‍ 30 ശതമാനം സൗദിവല്‍ക്കരണം നിര്‍ബന്ധമാക്കുന്നതിലൂടെ 9,800 തൊഴിലവസരങ്ങള്‍ സ്വദേശികള്‍ക്കായി സൃഷ്ടിക്കാനാണ് സൗദി അറേബ്യ ലക്ഷ്യമിടുന്നത്. അക്കൗണ്ട്സ് മാനേജര്‍, സകാത്ത്- നികുതി ഡിപ്പാര്‍ട്ട്മെന്റ് മാനേജര്‍, ഫിനാന്‍ഷ്യല്‍ റിപ്പോര്‍ട്ട്സ് ഡിപ്പാര്‍ട്ട്മെന്റ് മാനേജര്‍, ഓഡിറ്റിംഗ് ഡിപ്പാര്‍ട്ട്മെന്റ് മാനേജര്‍, ഇന്റേണല്‍ ഓഡിറ്റര്‍, കോസ്റ്റ് അക്കൗണ്ടന്റ്, ജനറല്‍ അക്കൗണ്ടന്റ് എന്നിങ്ങിനെ 20 തസ്തികകള്‍ ഇതിന്റെ പരിധിയില്‍വരും.
Also Read: 
മദീന പള്ളിയിലെ പ്രഭാത പ്രാര്‍ഥന വൈകി; ഇമാമിനും മുഅദ്ദിനും ജോലി പോയി
അഞ്ചും അതില്‍ കൂടുതലും അക്കൗണ്ടന്റുമാര്‍ ജോലി ചെയ്യുന്ന മുഴുവന്‍ സ്വകാര്യ സ്ഥാപനങ്ങള്‍ക്കും ഉത്തരവ് ബാധകമാണ്. അതായത് മൊത്തം അക്കൗണ്ടന്റുമാരുടെ 30 ശതമാനം സ്വദേശികളായിരിക്കണം. 10 അക്കൗണ്ടന്റുമാരുള്ള സ്ഥാപനമാണെങ്കില്‍ മൂന്ന് പേര്‍ നിര്‍ബന്ധമായും സൗദികളായിരിക്കണം. ഉത്തരവ് നടപ്പിലാക്കാത്ത സ്ഥാപനങ്ങളള്‍ക്കെതിരെ നടപടിയുമുണ്ടാകും.
സൗദി ഓര്‍ഗനൈസേഷന്‍ ഫോര്‍ സെര്‍ട്ടിഫൈഡ് പബ്ലിക് അക്കൗണ്ടന്റ്സില്‍ നിന്ന് പ്രൊഫഷനല്‍ അക്രെഡിറ്റേഷന്‍ നേടിയ സൗദി അക്കൗണ്ടന്റുമാര്‍ക്കാണ് നിയമനം നല്‍കേണ്ടത്. ജോലിയില്‍ കയറുന്ന അക്കൗണ്ടന്റുമാര്‍ ബിരുദമുള്ളവരാണെങ്കില്‍ മിനിമം ശമ്പളം 6000 റിയാലായിരിക്കും. ഡിപ്ലോമ മാത്രമുള്ളവരാണെങ്കില്‍ 4500 റിയാലും മിനിമം ശമ്പളം നല്‍കണം.
രാജ്യത്ത് 100 കടന്ന് ഡീസല്‍ വില
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 30 percentage saudization in the accounting profession
Malayalam News from malayalam.samayam.com, TIL Network
