സൗന്ദര്യ പ്രശ്‌നങ്ങള്‍ക്ക് ഓട്‌സ് പരിഹാരം

​ഓട്‌സിൽ

ഓട്‌സിൽ സിങ്ക് ധാരാളമായി അടങ്ങിയിട്ടുണ്ട്, ഇത് മുഖക്കുരു ഉണ്ടാക്കുന്ന ബാക്ടീരിയൽ പ്രവർത്തനത്തെ ഇല്ലാതാക്കുന്നു. ചർമത്തിലെ എണ്ണമയത്തിന്റെ അംശം പെട്ടെന്ന് ഉയരുമ്പോൾ മുഖക്കുരു ഉണ്ടാകാൻ കാരണമാകാറുണ്ട്. ശരീര ചർമ്മത്തിൽ അധിക അളിവിൽ ഉണ്ടാകുന്ന എണ്ണയെ വലിച്ചെടുത്ത് കൊണ്ട് മുഖക്കുരുവിനെ തടഞ്ഞു നിർത്താനും ഇതിന് സാധിക്കുന്നു.അരക്കപ്പ് ഓട്സ് എടുത്ത ശേഷം അരക്കപ്പ് വെള്ളത്തോടൊപ്പം ചേർത്ത് നന്നായി തിളപ്പിക്കുക. ഈ മിശ്രിതം നന്നായി തണുക്കാൻ അനുവദിച്ച ശേഷം നന്നായി കലക്കികൊണ്ട് ഏറ്റവും കുഴമ്പ് രൂപത്തിലാക്കി എടുക്കുക. ഇത് നിങ്ങളുടെ മുഖത്ത് തേച്ചു പിടിപ്പിച്ച് 20 മിനിറ്റോളം കാത്തിരിക്കാം അതിന് ശേഷം ഇളം ചൂടുവെള്ളം ഉപയോഗിച്ച് കൊണ്ട് കഴുകി വൃത്തിയാക്കാം.

ഓട്സ്

നിങ്ങൾക്ക് എണ്ണമയമുള്ള ചർമ്മമാണ് ഉള്ളതെങ്കിൽ ഓട്സ് വെള്ളത്തിലിട്ട് തിളപ്പിച്ചെടുക്കുക. വരണ്ടതോ അല്ലെങ്കിൽ സാധാരണ രീതിയിലുള്ളതോ ആയ ചർമ്മമാണ് ഉള്ളതെങ്കിൽ ഓട്സ് പാലിനോടൊപ്പം ചേർത്ത് തിളപ്പിക്കുന്നതാവും ഉചിതം. അര കപ്പ് ഓട്‌സ് ആണ് നിങ്ങൾ ഇതിനായി എടുക്കുന്നതെങ്കിൽ ഒരു കപ്പ് വെള്ളമോ അല്ലെങ്കിൽ പാലോ തിളപ്പിക്കാനായി എടുക്കുക.

ഈ മിക്സ് ഒരു ചട്ടിയിലേക്ക് ഒഴിച്ച് 10 മിനിറ്റ് നേരം ഇടത്തരം തീയിൽ പാകം ചെയ്യുക. ഓട്സ് ഇതിൽ കിടന്നു തിളച്ച് മൃദുവാകുമ്പോൾ പാത്രം തീയിൽ നിന്നു ഇറക്കാം. ചെറുതായി ചൂടാറിയശേഷം മുഖക്കുരു ബാധിച്ച സ്ഥലങ്ങളിൽ വേവിച്ച ഓട്സ് ഇളം ചൂടോടെ പുരട്ടുക. 10-15 മിനിറ്റ് നേരം ഇത് മുഖത്ത് വച്ചശേഷം തണുത്ത വെള്ളത്തിൽ കഴുകി കളഞ്ഞ് മോയിസ്ചറൈസർ പുരട്ടാം.

ശരീര ചർമ്മത്തെ

ശരീര ചർമ്മത്തെ ശുദ്ധീകരിക്കാൻ ശേഷിയുള്ള സാപ്പോണിൻസ് എന്ന രാസ ഘടകങ്ങൾ ഓട്‌സിൽ ആവശ്യത്തിലധികം ഉണ്ട്. മുഖ ചർമ്മത്തിൽ കാണപ്പെടുന്ന കറുത്ത പാടുകൾ ഉണ്ടാകാനുള്ള പ്രധാന കാരണം ചർമ്മ സുഷിരങ്ങളാൽ ഉണ്ടാവുന്ന പരിക്കുകളാണ്. ഓട്സ് ഇത്തരം സുഷിരങ്ങളിലേക്ക് കടന്നു ചെന്നുകൊണ്ട് ഇവയെ ഏറ്റവും സംരക്ഷിക്കുന്നു. രണ്ട് ടേബിൾസ്പൂൺ എടുത്തശേഷം ഇതിലേക്ക് മൂന്ന് ടേബിൾ സ്പൂൺ തൈര് കൂടി ചേർക്കുക. ഇതോടൊപ്പം ഒരു നാരങ്ങയുടെ പകുതി പിഴിഞ്ഞ് ചേർത്ത ശേഷം നന്നായി മിക്സ് ചെയ്തെടുക്കാം. നിങ്ങളുടെ മൂക്കിന്റെ ഭാഗങ്ങളിലും പാടുകൾ കാണപ്പെടുന്ന മറ്റ് മുഖത്തെ മറ്റ് ഭാഗങ്ങളിലും ഇത് നന്നായി തേച്ചു പിടിപ്പിക്കുക. 15 മിനിറ്റ് ശേഷം ഇളം ചൂടുവെള്ളം ഉപയോഗിച്ച് കഴുകിക്കളയാം.

​ഓട്സ്

ഓട്സ് ഒരു പ്രകൃതിദത്ത മോയ്‌സ്ചുറൈസറായി പ്രവർത്തിച്ചുകൊണ്ട്‌ ചർമ്മത്തിലെ നിർജീവമായ കോശങ്ങളെ നീക്കം ചെയ്യാൻ സഹായിക്കുന്നു.നിങ്ങൾക്ക് കുളിക്കാനുള്ള വെള്ളത്തിലേക്ക് കുറച്ച് വേവിക്കാത്ത ഓട്സും, ബേക്കിംഗ് സോഡയും ചേർക്കാം. ആൻറി ഓക്സിഡെന്റുകൾ അടങ്ങിയിരിക്കുന്ന ഈ വെള്ളം ഉപയോഗിച്ച് കൊണ്ട് കുളിക്കാം. വേണമെങ്കിൽ കൊളോയ്ഡൽ ഓട്സുകൾ വാങ്ങിച്ച് ഉപയോഗിക്കാം. കൊളോയ്ഡൽ ഓട്സ് ഒരു പ്രത്യേക തരം മിശ്രിത ഉൽപ്പന്നമാണ്. കുളിക്കാനുള്ള ഉപയോഗത്തിനു വേണ്ടിയാണ് ഇവ രൂപകൽപ്പന ചെയ്തിരിക്കുന്നത്.