മരിച്ചവരുടെ കോടികളുടെ സ്വത്ത് തട്ടിയെടുത്തു; ബിജെപി വനിത നേതാവും മക്കളും അറസ്‌റ്റിൽ

ദെഹ്റാദൂൺ: മരിച്ച ദമ്പതികളുടെ കോടിക്കണക്കിന് രൂപയുടെ സ്വത്തുക്കൾ തട്ടിയെടുത്ത വനിത ബിജെപി നേതാവും മക്കളും അറസ്‌റ്റിൽ. ഉത്തരാഖണ്ഡിലെ ബിജെപി മഹിളാ മോർച്ച സംസ്ഥാന സെക്രട്ടറി റീന ഗോയലും ഇവരുടെ രണ്ട് ആൺമക്കളുമാണ് അറസ്‌റ്റിലായത്.



വാഹനാപകടത്തെ തുടർന്ന് ചികിത്സയിലായിരുന്ന സഞ്ചാരി വിജയ് അന്തരിച്ചു; അവയവങ്ങൾ ദാനം ചെയ്യുമെന്ന് കുടുംബം

മരിച്ച വയോധിക ദമ്പതികളുടെ ബന്ധുവിൻ്റെ പരാതിയിൽ കേസെടുത്ത പോലീസ് നടത്തിയ അന്വേഷണത്തിനൊടുവിലാണ് ബിജെപി നേതാവും മക്കളും പിടിയിലായത്. പ്രതികളുടെ അറസ്‌റ്റ് രേഖപ്പെടുത്തിയതായും ഇവരെ റിമാൻഡ് ചെയ്‌ത് ജയിലേക്ക് മാറ്റിയതായും പോലീസ് പറഞ്ഞു.

മാസങ്ങൾക്ക് മുൻപാണ് വയോധിക ദമ്പതികൾ മരിച്ചത്. ഇതിന് പിന്നാലെ റീന ഗോയലും മക്കളും ദമ്പതികളുടെ വീട് കയ്യേറുകയും ഭൂമിയടക്കമുള്ള വസ്‌തുവകകൾ ബലം പ്രയോഗിച്ച് കയ്യേറുകയും സ്വന്തമാക്കാൻ ശ്രമം നടത്തുകയും ചെയ്‌തു. മരിച്ച ദമ്പതികളുടെ കുടുംബാംഗങ്ങളും ബന്ധുക്കളും അമേരിക്കയിലാണ്. ഈ സാഹചര്യം മുതലലെടുത്താണ് സ്വത്തുവകകൾ സ്വന്തമാക്കാൻ ബിജെപി നേതാവ് ശ്രമിച്ചത്.

നാല് വയസുകാരൻ 150 അടി താഴ്ചയുള്ള കുഴൽക്കിണറിൽ വീണു; രക്ഷാപ്രവർത്തനം പുരോഗമിക്കുന്നു

സ്വത്തുവകകൾ റീന ഗോയലും മക്കളും പിടിച്ചെടുക്കാൻ നീക്കം നടത്തുന്നുവെന്ന വിവരം ലഭ്യമായതോടെ മരിച്ച ദമ്പതികളുടെ അടുത്ത ബന്ധുവായ സുരേഷ് മഹാജൻ എന്നയാൾ ഇ – മെയിൽ മുഖേനെ പോലീസിന് പരാതി കൈമാറുകയായിരുന്നു. അന്വേഷണത്തിൽ പരാതിയിൽ പറയുന്ന കാര്യങ്ങൾ ശരിയാണെന്ന് വ്യക്തമായതോടെ ബിജെപി നേതാവിനെയും മക്കളെയും കസ്‌റ്റഡിയിൽ എടുക്കുകയും അറസ്‌റ്റ് രേഖപ്പെടുത്തുകയുമായിരുന്നു.