നാല് വയസുകാരൻ 150 അടി താഴ്ചയുള്ള കുഴൽക്കിണറിൽ വീണു; രക്ഷാപ്രവർത്തനം പുരോഗമിക്കുന്നു

ആഗ്ര: ഉത്തർപ്രദേശിൽ നാല് വയസുകാരൻ 150 അടി താഴ്ചയുള്ള കുഴൽക്കിണറിൽ വീണു. ഫത്തേബാദ് ജില്ലയിലെ ദരിയായ് ഗ്രാമത്തിൽ ഇന്ന് രാവിലെയാണ് സംഭവം. രാവിലെ 8.30 ഓടെയാണ് കുട്ടി കുഴൽക്കിണറിലേക്ക് വീണതെന്നും രക്ഷാപ്രവർത്തനങ്ങൾ പുരോഗമിക്കുകയാണെന്നും പോലീസ് പറഞ്ഞതായി ന്യൂ ഇന്ത്യൻ എക്സ്പ്രസ് റിപ്പോർട്ട് ചെയ്തു.



കളിക്കുന്നതിനിടയിൽ മൂടാതിരുന്ന കിണറിലേക്ക് കുട്ടി വീഴുകയായിരുന്നെന്നാണ് റിപ്പോർട്ട്. സ്ഥലത്ത് പോലീസും അഗ്നിശമനാ സേനയും ചേർന്നാണ് രക്ഷാപ്രവർത്തനം നടത്തുന്നത്. കുട്ടിയുടെ ചലനങ്ങൾ കാണാൻ സാധിക്കുന്നുണ്ടെന്നും തങ്ങളുടെ ചോദ്യങ്ങൾക്ക് പ്രതികരിക്കുന്നുണ്ടെന്നും പോലീസ് സ്റ്റേഷൻ ഓഫീസർ പറഞ്ഞു.

Also Read : പ്രണയ ബന്ധം അവസാനിപ്പിച്ചില്ല; 15കാരിയെ സഹോദരന്‍ കഴുത്തുഞെരിച്ച് കൊന്നു; പിതാവിന്‍റെ പരാതിയിൽ, അറസ്റ്റ്



പിതാവ് കുഴിച്ച കുഴൽ കിണറിലാണ് കുട്ടി വീണതെന്നാണ് സംഭവത്തിന് ദൃക്സാക്ഷിയായ നാട്ടുകാർ പറയുന്നത്. ‘കുട്ടി വീണ കിണറിലേക്ക് ഞങ്ങൾ ഒരു കയർ ഇട്ടിരുന്നു. തങ്ങളുടെ ചോദ്യങ്ങളോട് കുട്ടി പ്രതികരിക്കുന്നുമുണ്ട്’ ഗ്രാമീണർ പറഞ്ഞു.

Also Read : കൂട്ട മരണങ്ങൾക്ക് കാരണം ഡെൽറ്റ വകഭേദമോ? കേരളം ഭയക്കണോ, മരണനിരക്ക് ഇരട്ടിയായി



രക്ഷാ പ്രവർത്തനം പുരോഗമിക്കുകയാണെന്നാണ് റിപ്പോർട്ടുകൾ. കൂടുതൽ വിവരങ്ങൾ പുറത്തുവന്നിട്ടില്ല.