പ്രതിരോധശക്തി കൂട്ടാൻ മഞ്ഞൾ പാൽ സഹായിക്കുമെന്ന് നമുക്കറിയാം. എന്നാൽ അതുമാത്രമല്ല മഞ്ഞൾ പാൽ കുടിച്ചാൽ ലഭിക്കുന്ന ഗുണങ്ങൾ. ആരോഗ്യം മെച്ചപ്പെടുത്തുന്നതൊപ്പം ചർമ്മത്തിനും മഞ്ഞൾ പാൽ ഗുണകരമാണ്.
പ്രതിരോധശക്തിക്ക് മഞ്ഞൾ പാൽ ഇങ്ങനെ കുടിക്കണം
ഹൈലൈറ്റ്:
- മഞ്ഞൾ പാൽ ദിവസവും കുടിച്ചാൽ ചെറുതല്ലാത്ത ആരോഗ്യ ഗുണങ്ങളുണ്ട്.
- ചർമ്മത്തിന് മഞ്ഞൾ പാൽ ഗുണകരമാകുന്നത് എങ്ങനെ?
- കൂടുതൽ ഗുണങ്ങളോടെ മഞ്ഞൾ പാൽ എങ്ങനെ തയ്യാറാക്കാം?
മഞ്ഞൾ പാലിന്റെ ഗുണങ്ങൾ (Health Benefits Of Turmeric Milk): പാലിന്റെ ആരോഗ്യ ഗുണങ്ങളെ കുറിച്ച് പ്രത്യേകം എടുത്ത് പറയേണ്ടതില്ല. അതുപോലെ തന്നെ മഞ്ഞളിന്റെ കാര്യവും. ഇവ രണ്ടും ആരോഗ്യത്തിന് ഉത്തമമാണ്. ആന്റിബയോട്ടിക്ക്, ആന്റി ഇൻഫ്ളമേറ്ററി ഗുണങ്ങളാൽ സമ്പന്നമായ ഇവ പല രോഗങ്ങളിൽ നിന്നും ശരീരത്തെ സംരക്ഷിക്കുന്നു. മഞ്ഞൾ ചേർത്ത പാൽ കുടിക്കുന്നതും മികച്ച ആരോഗ്യം ഉറപ്പാക്കാൻ സഹായിക്കുന്നുണ്ട്. രാത്രി ഉറങ്ങുന്നതിന് മുമ്പ് മഞ്ഞൾ പാൽ കുടിക്കണം എന്നാണ് പറയുന്നത്. നല്ല ഉറക്കം സമ്മാനിക്കാൻ സഹായിക്കുന്നതിന് പുറമെ ദഹന പ്രശ്നങ്ങൾ അകറ്റാനും ശ്വാസകോശ സംബന്ധമായ പ്രശ്നങ്ങൾ കുറയ്ക്കാനുമെല്ലാം മഞ്ഞൾ പാൽ സഹായിക്കും.
1. രക്തം ശുദ്ധീകരിക്കാൻ
നിങ്ങളുടെ രക്തത്തെ ശുദ്ധീകരിക്കുന്നതിനും അതിലെ എല്ലാ വിഷവസ്തുക്കളെയും നീക്കം ചെയ്യുന്നതിനും ചൂടുള്ള മഞ്ഞൾ പാൽ വളരെ നല്ലതാണ്. മഞ്ഞൾ നിങ്ങളുടെ രക്തക്കുഴലുകളെ നന്നായി ശുദ്ധീകരിക്കുകയും ശരീരത്തിലുടനീളം മെച്ചപ്പെട്ട രക്തചംക്രമണം ഉറപ്പാക്കുകയും ചെയ്യുന്നതിനാൽ ചർമ്മത്തെ ശുദ്ധീകരിക്കുന്നതിന്റെ ദീർഘകാല ഗുണം ഇതിന് ഉണ്ട്.
2. ഹൃദയാരോഗ്യത്തിന്
രക്തക്കുഴലുകളെ ശുദ്ധീകരിക്കാനും നാം ദിവസേന ഉള്ളിലേക്ക് വലിച്ചെടുക്കുകയും ശ്വസിക്കുകയും ചെയ്യുന്ന വിഷവസ്തുക്കളെ പുറന്തള്ളാനും മഞ്ഞൾ പാൽ നല്ലതാണ്. ഇതേ വിഷവസ്തുക്കൾ നിങ്ങളുടെ ഹൃദയത്തിൽ എത്തുന്നില്ലെന്നും ഇത് ഉറപ്പാക്കുന്നു. ഇത് നിങ്ങളുടെ ധമനികളുടെ പ്രവർത്തനത്തെ കൂടുതൽ മെച്ചപ്പെടുത്തുകയും നിങ്ങളുടെ രക്തത്തിലെ പഞ്ചസാരയുടെ അളവ് നിയന്ത്രിക്കുകയും ചെയ്യുന്നു.
3. തലവേദന തടയാൻ
മലിനീകരണവും ചുറ്റുമുള്ള മറ്റ് മാലിന്യങ്ങളും മൂലമുണ്ടാകുന്ന മൂക്കിലെ അണുബാധയും അലർജിയും കാരണം നിങ്ങൾ പതിവായി തലവേദന അനുഭവിക്കുന്ന ഒരാളാണെങ്കിൽ, മഞ്ഞൾ പാൽ നിങ്ങളെ അതിൽ നിന്ന് രക്ഷ നേടുവാൻ സഹായിക്കും. കഫം പുറന്തള്ളാനും മഞ്ഞൾ പാൽ മികച്ചതാണ്. കൂടാതെ സമ്മർദ്ദം കുറയ്ക്കുന്നത് വഴി തലവേദന ഇല്ലാതാക്കാനും ഇത് സഹായിക്കുന്നു. 
Cholesterol-Lowering Foods | കൊളസ്ട്രോള്‍ കുറയ്ക്കാന്‍ കഴിക്കേണ്ടതും ഒഴിവാക്കേണ്ടതും
4. ചർമ്മത്തിന്
മഞ്ഞൾ പ്രകൃതിദത്തമായ ഒരു ആന്റിസെപ്റ്റിക് ആണ്, അതുകൊണ്ടാണ് പല ഫെയ്‌സ് പാർക്കുകളിലും ഇത് ചേർക്കുന്നത്. മഞ്ഞൾ പാൽ പതിവായി കുടിക്കുന്നത് ചർമ്മത്തിലെ കറുത്ത പാടുകൾ കുറയ്ക്കാനും ബ്ലാക്ക്ഹെഡ്സ് അകറ്റാനും സഹായിക്കുന്നു.
5. മുഖക്കുരുവിന് പരിഹാരം
മഞ്ഞൾ അറിയപ്പെടുന്ന ഒരു ആന്റിഫംഗൽ, ആൻറി ബാക്ടീരിയൽ ഘടകമാണ്, അതിനാൽ ഇത് മുഖക്കുരു വിരുദ്ധ ഫേസ് പാക്കുകളിൽ ഉപയോഗിക്കുന്നു. ഇതിലെ ആന്റിഓക്‌സിഡന്റുകളുടെ സമ്പന്നമായ ഉള്ളടക്കം മുഖക്കുരു അകറ്റുന്നതിനും കൂടുതൽ ഉണ്ടാവുന്നത് തടയുന്നതിനും നന്നായി പ്രവർത്തിക്കുന്നു. മഞ്ഞൾ പാലിൽ പഞ്ഞി മുക്കി പ്രശ്ന ബാധിത പ്രദേശങ്ങളിൽ പുരട്ടുക എന്നതാണ് ഇതിനുള്ള ഏറ്റവും നല്ല മാർഗം. തീർച്ചയായും, മഞ്ഞൾ പാൽ കുടിക്കുന്നതും വളരെ നല്ലതാണ്.
6. ശരീരഭാരം കുറയ്ക്കാൻ
അമിതവണ്ണം ഇല്ലാതെ, നമ്മുടെ ശരീരം ആരോഗ്യത്തോടെ ഇരിക്കാൻ നമ്മൾ എല്ലാവരും ആഗ്രഹിക്കുന്നു. എന്നാൽ, ആരോഗ്യകരമായ രീതിയിൽ ഇത് എങ്ങനെ ചെയ്യാം? മഞ്ഞൾ പാൽ ഇതിനും നമ്മെ സഹായിക്കും. ഇത് ഉപാപചയ പ്രവർത്തനങ്ങളെ ത്വരിതപ്പെടുത്തുമെന്ന് അറിയപ്പെടുന്നു, ഇത് ശരീരത്തിന്റെ കൊഴുപ്പ് കത്തുന്ന ശേഷി വർദ്ധിപ്പിക്കുകയും വേഗത്തിലാക്കുകയും ചെയ്യുന്നു. അങ്ങിനെ ശരീരഭാരം കുറയ്ക്കുവാനും സാധിക്കും.
7. രക്തചംക്രമണം മെച്ചപ്പെടുത്താൻ
ശരീരത്തിലെ രക്തയോട്ടം മെച്ചപ്പെടുത്താൻ മഞ്ഞൾ പാൽ ഗുണകരമാണ്.
8. സന്ധിവേദനയ്ക്ക് ആശ്വാസം
മഞ്ഞളിൽ ക്യാപ്‌സൈസിൻ എന്നറിയപ്പെടുന്ന പ്രകൃതിദത്ത വേദനസംഹാരികൾ അടങ്ങിയിട്ടുണ്ടെന്ന് നിങ്ങൾക്കറിയാമോ? അതുകൊണ്ടാണ് മഞ്ഞൾ വേദനയുള്ള സ്ഥലത്ത് പ്രയോഗിക്കുന്നത് വളരെ ഫലപ്രദമാണ് എന്ന് പറയുന്നത്. മഞ്ഞൾ പാൽ പതിവായി കഴിക്കുന്നത് സന്ധി വേദനയിൽ നിന്ന് മുക്തി നേടുന്നതിനും സന്ധിവാതത്തെ തടയുവാനും ഗുണം ചെയ്യും, കാരണം ഇത് രക്തയോട്ടം വർദ്ധിപ്പിക്കുകയും സന്ധികളിലെ കാഠിന്യം നിയന്ത്രിക്കുകയും ചെയ്യുന്നു.
9. ജലദോഷം അകറ്റാൻ
ഇൻഫ്ലുവൻസ, ജലദോഷം, മറ്റ് വൈറസുകൾ എന്നിവയെ അകറ്റി നിർത്താനുള്ള നല്ലൊരു പ്രതിവിധിയാണ് മഞ്ഞൾ. കൂടാതെ, തൊണ്ടയിലെ അണുബാധകളെ ചികിത്സിക്കുന്നതിൽ മഞ്ഞൾ പാൽ കുടിക്കുന്നത് വളരെ ഫലപ്രദമാണെന്ന് അറിയപ്പെടുന്നു. ഇവ രണ്ടും ചേർന്ന് ആന്റിഓക്‌സിഡന്റുകളാൽ സമ്പുഷ്ടമാണ് എന്നതിനാൽ ജലദോഷം തടയാൻ അതിശയകരമായി പ്രവർത്തിക്കും.
10. കരളിന്റെ ആരോഗ്യത്തിന്
മഞ്ഞളിന് വിഷാംശം ഇല്ലാതാക്കുന്ന, ഹെപ്പറ്റോപ്രൊട്ടക്റ്റീവ് ഗുണങ്ങളുണ്ട്. നിങ്ങളുടെ കരളിന്റെ ആരോഗ്യം മെച്ചപ്പെടുത്തുന്നതിൽ ഇത് ഫലപ്രദമാണ് എന്നാണ് ഇതിനർത്ഥം. ശരീരത്തിന്റെ വിവിധ പ്രവർത്തനങ്ങൾ പരിപാലിക്കുന്നതിനും നിയന്ത്രിക്കുന്നതിനും കരളിന് ഉത്തരവാദിത്തമുണ്ട് എന്നതിനാൽ, ഇത് മൊത്തത്തിലുള്ള ആരോഗ്യത്തിന് വലിയ നേട്ടമാണ്.
മഞ്ഞൾ പാൽ നൽകും ആരോഗ്യ ഗുണങ്ങൾ
11. നല്ല ദഹനത്തിന്
മഞ്ഞൾ പാൽ പ്രകൃതിദത്തമായി വീക്കം തടയുന്ന മരുന്നാണ്, അതിനാൽ നെഞ്ചെരിച്ചിൽ, വായുകോപം എന്നിവ ചികിത്സിക്കാൻ ഇത് സഹായിക്കുന്നു. കൂടാതെ, വയറുവേദനയെ പ്രതിരോധിക്കാനും സഹായിക്കുന്നു.
12. രോഗപ്രതിരോധശേഷി മെച്ചപ്പെടുത്താൻ
മഞ്ഞൾ പാൽ ആന്റിഓക്‌സിഡന്റുകളാൽ നിറഞ്ഞതും ആന്റിഫംഗൽ, ആൻറി ഇൻഫ്ലമേറ്ററി സ്വഭാവമുള്ളതുമാണ്. വിറ്റാമിനുകളുടെയും ധാതുക്കളുടെയും സമ്പന്നമായ ഉറവിടം കൂടിയാണിത്. ഇത് രോഗപ്രതിരോധ ശേഷി വർദ്ധിപ്പിക്കാനും അണുബാധകൾക്കെതിരെ പോരാടാനും സഹായിക്കുന്നു, അങ്ങനെ ശരീരത്തെ രോഗങ്ങളിൽ നിന്ന് സംരക്ഷിക്കുന്നു.
13. വേദനകളിൽ നിന്ന് ആശ്വാസം
മഞ്ഞൾ പാൽ ദിവസവും കഴിക്കുന്നത് വേദന നിയന്ത്രിക്കാൻ നല്ലതാണ്, പ്രധാനമായും അതിന്റെ ആന്റി ഇൻഫ്ലമേറ്ററി ഗുണങ്ങൾ കാരണം. എല്ലുകളെ ബലപ്പെടുത്താനും ഇത് സഹായിക്കുന്നു, ഇത് സന്ധി വേദന ഉണ്ടാകാനുള്ള സാധ്യത കുറയ്ക്കുകയും ചെയ്യുന്നു.
Foot Massage | പാദങ്ങൾ മസ്സാജ് ചെയ്യുന്നത് വഴി കിട്ടുന്നത് ഈ 10 ഗുണങ്ങൾ
മഞ്ഞൾ പാൽ തയ്യാറാക്കുന്ന വിധം
> ഏകദേശം 100 മില്ലി പശുവിൻ പാൽ എടുക്കുക
> ഏകദേശം 3 ടേബിൾ സ്പൂൺ മഞ്ഞൾപ്പൊടി എടുക്കുക
> കുരുമുളക് 2 ടേബിൾ സ്പൂൺ എടുക്കുക
> ഒരു ടേബിൾ സ്പൂൺ തേൻ എടുക്കുക
> ആദ്യം പാൽ ചൂടാക്കി തിളച്ചു തുടങ്ങിയാൽ കുരുമുളക് ചേർക്കുക
> ഇനി മഞ്ഞൾപ്പൊടി ചേർത്ത് യോജിപ്പിച്ച ശേഷം, പാൽ തിളയ്ക്കാൻ കാത്തിരിക്കുക
> ഇനി പാലിന്റെ ചൂട് കുടിക്കാൻ പാകമാകുമ്പോൾ തേൻ ചേർക്കാം, ആവശ്യമെങ്കിൽ ഒരു നുള്ള് കറുവപ്പട്ട കൂടി ചേർത്ത് കുടിക്കാം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : 13 health benefits of drinking turmeric milk everyday
Malayalam News from Samayam Malayalam, TIL Network
