മുടിയുടെ ആരോഗ്യമെന്നത് പലരും കാര്യമായി എടുക്കാറില്ല. അതു കൊണ്ട് തന്നെയാണ് പലരുടേയും മുടി പൊട്ടിപ്പോകുന്നതും കൊഴിഞ്ഞു പോകുന്നതും അകാല നര ബാധിയ്ക്കുന്നതുമെല്ലാം തന്നെ. മുടിയുടെ ആരോഗ്യത്തിനും വളര്‍ച്ചയ്ക്കുമായി വീട്ടില്‍ തന്നെ തയ്യാറാക്കാവുന്ന പ്രത്യേക ജെല്‍ ഉണ്ട്. ഇതെക്കുറിച്ചറിയൂ. തികച്ചും പ്രകൃതിദത്ത ചേരുവകള്‍ ചേര്‍ത്ത ഉണ്ടാക്കാന്‍ സാധിയ്ക്കുന്ന ഒന്നാണിത്.

ചെമ്പരത്തി

ഇതിനായി വേണ്ടത് മൂന്ന് ചേരുവകളാണ്.ചെമ്പരത്തി, ഉലുവ, കറ്റാര്‍ വാഴ എന്നിവയാണ് ഇവ. മുടിയുടെ വളർച്ചയെ പ്രോത്സാഹിപ്പിക്കുന്നതിനുള്ള ഒരു മികച്ച ഔഷധമായി ചെമ്പരത്തി അറിയപ്പെടുന്നു. മുടി കൊഴിച്ചിലിനെ ഫലപ്രദമായി നേരിടാനും അകാല നര തടയാനും ഇതിന് കഴിയും. വിറ്റാമിൻ സി, ഫ്ലേവനോയ്ഡുകൾ, അമിനോ ആസിഡുകൾ, മ്യൂസിലേജ് ഫൈബർ, ഈർപ്പം, ആന്റിഓക്‌സിഡന്റുകൾ എന്നിവയാൽ സമ്പുഷ്ടമായ ചെമ്പരത്തി മുടിയുടെ ഘടന മെച്ചപ്പെടുത്തുന്നതിനൊപ്പം മുടിയുടെ വളർച്ചയെ സഹായിക്കുകയും ചെയ്യുന്നു

കറ്റാര്‍ വാഴ

വൈറ്റമിന്‍ ഇ സമ്പുഷ്ടമായ പ്രകൃതിദത്ത ചേരുവകളില്‍ പ്രധാനപ്പെട്ടതാണ് കറ്റാര്‍ വാഴ. മുടിയ്ക്കും സൗന്ദര്യത്തിനുമെല്ലാം ഒരുപോലെ സഹായകമാണ് ഈ പ്രത്യേക ചെടി. വൈറ്റമിനുകളുടെ ഉറവിടമായ ഇത് മുടി വളരാന്‍ മാത്രമല്ല, മുടിയ്ക്കു തിളക്കം നല്‍കാനും മൃദുത്വം നല്‍കാനുമെല്ലാം ഏറെ സഹായിക്കുന്നു. ചില പ്രത്യേക കൂട്ടുകള്‍ പ്രത്യേക രീതിയില്‍ കൂട്ടിച്ചേര്‍ത്താന്‍ കറ്റാര്‍വാഴ മുടി നല്ലതുപോലെ വളരാന്‍ സഹായിക്കുകയും ചെയ്യും. ഇതെക്കുറിച്ചറിയൂ.

​ഉലുവ

ഉലുവ ഉപയോഗിയ്ക്കുന്നത് മുടി കൊഴിയുന്നതു തടയും. മുടി വളര്‍ച്ച ത്വരിതപ്പെടുത്തും. താരന്‍ പോലുള്ള പ്രശ്‌നങ്ങള്‍ക്കു നല്ല പരിഹാരമാണ്. മുടിയ്ക്കു തിളക്കവും മൃദുത്വവുമെല്ലാം നല്‍കും. തികച്ചും സ്വാഭാവിക ചേരുവകള്‍ ആയതിനാല്‍ തന്നെ യാതൊരു ദോഷവും മുടിയ്‌ക്കോ തലയ്‌ക്കോ വരുത്തുന്നുമില്ല. ഇത് ഉപയോഗിയ്ക്കാനും വളരെ എളുപ്പമാണ്.ഇത് ഈസ്ട്രജന്‍ സമ്പുഷ്ടമാണ്. മുടിയുടെ വളര്‍ച്ചയ്ക്കും ആരോഗ്യത്തിനും ആവശ്യമായ ഏറെ പോഷകങ്ങള്‍ അടങ്ങിയ ഇത് മുടിയ്ക്കു തിളക്കം നല്‍കാനും നല്ലൊരു ഷാംപൂവിന്റെയും കണ്ടീഷണറുടേയും ഗുണം നല്‍കാനും നല്ലതാണ്.

​ഇതിനായി

ഇതിനായി കുറേയേറെ ചെമ്പരത്തിപ്പൂക്കള്‍ വേണം. ചുവന്ന നിറത്തിലെ കട്ടച്ചെമ്പരത്തിയാണ് നല്ലത്. ഇതില്‍ ലേശം മാത്രം വെള്ളമൊഴിച്ച് നല്ലതു പോലെ ഇളക്കി കുറുക്കിയെടുക്കുക. ഇത് വാങ്ങി ചൂടാറുമ്പോള്‍ ഊറ്റിയെടുക്കണം. ഇതു പോലെ ഉലുവ കുതിര്‍ത്തത് നല്ലതു പോലെ ചൂടാക്കി കുറുക്കിയെടുക്കുക. ഇതും ഊറ്റിയെടുക്കണം. കറ്റാര്‍ വാഴയുടെ ജെല്ലും വേണം. ഇതെല്ലാം കൂടി ചേര്‍ത്തിളക്കി ഗ്ലാസ് ജാറില്‍ സൂക്ഷിച്ച് വയ്ക്കാം. ഇത് മുടിയില്‍ പുരട്ടാം. പിന്നീട് കഴുകിക്കളയാം. ഇത് മുടിയ്ക്ക് തിളക്കവും കരുത്തും നല്‍കും. മുടി വളരാന്‍ നല്ലതാണ്.