‘പടച്ചോൻ പോലും നിന്നോട് പൊറുക്കൂല്ല, അവന്‍ ശരിയല്ല’; മോഫിയയുടെ ആത്മഹത്യാക്കുറിപ്പിൽ ഗുരുതര ആരോപണങ്ങൾ

കൊച്ചി: ഭർതൃപീഢനം മൂലം ആലുവയിൽ ജീവനൊടുക്കിയ അഭിഭാഷക വിദ്യാർഥിനിയുടെ ആത്മഹത്യാക്കുറിപ്പിലുള്ളത് ഭർതൃകുടുംബത്തിനും ഭർത്താവിനുമെതിരായ ഗുരുതര ആരോപണങ്ങൾ. സ്ഥലം സിഐക്കെതിരെയും ആത്മഹത്യ ചെയ്ത എടയപ്പുറം സ്വദേശിനി മോഫിയ പർവിൻ (21) ആരോപണം ഉന്നയിക്കുന്നുണ്ട്.



‘സംഭവദിവസം രാത്രി അഞ്ജന അമ്മയ്ക്ക് ശബ്ദസന്ദേശം അയച്ചു’; ഭയമുണ്ടെന്ന് സഹോദരൻ അർജുൻ

ഞാൻ മരിച്ചാൽ പോലും അവൻ എന്തൊക്കെ പറഞ്ഞുണ്ടാക്കുമെന്ന് അറിയില്ലെന്ന് ആത്മഹത്യാക്കുറിപ്പിൽ മോഫിയ വ്യക്തമാക്കുന്നുണ്ട്. ” ഞാൻ മരിച്ചാൽ പോലും അവൻ എന്തൊക്കെ പറഞ്ഞുണ്ടാക്കുമെന്ന് അറിയില്ല. ഞാൻ എന്ത് ചെയ്താലും മാനസികപ്രശ്നമെന്നേ പറയൂ. എനിക്ക് ഇനി ഇത് കേട്ടുനിൽക്കാൻ വയ്യ. ഞാൻ ഒരുപാടായി സഹിക്കുന്നു. പടച്ചോൻ പോലും നിന്നോട് പൊറുക്കൂല്ല. സി.ഐക്കെതിരെ നടപടിയെടുക്കണം. സുഹൈൽ, ഫാദർ, മദർ ക്രിമിനലുകളാണ്. അവർക്ക് മാക്സിമം ശിക്ഷ കൊടുക്കണം. എൻ്റെ അവസാനത്തെ ആഗ്രഹം..

എന്നോട് ക്ഷമിക്കണം. നിങ്ങൾ പറഞ്ഞതായിരുന്നു ശരി. അവൻ ശരിയല്ല. പറ്റുന്നില്ല ഇവിടെ ജീവിക്കാൻ. എന്നാൽ ഈ ലോകത്ത് ആരേക്കാളും സ്നേഹിച്ചയാൾ എന്നെപ്പറ്റി ഇങ്ങനെ പറയുന്നത് കേൾക്കുന്നത് ശക്തിയല്ല. അവൻ അനുഭവിക്കും എന്തായാലും. പപ്പ സന്തോഷത്തോടെ ജീവിക്ക്. എൻ്റെ റൂഹ് ഇവിടെത്തന്നെ ഉണ്ടാകും.

അവനെ അത്രമേൽ സ്നേഹിച്ചതാണ് ഞാൻ ചെയ്ത തെറ്റ്. പടച്ചോനും അവനും എനിക്കും അറിയുന്ന കാര്യമാണ്. നീ എന്താണ് എന്നോട് ഇങ്ങനെ ചെയ്യുന്നതെന്ന് മാത്രം എനിക്ക് മനസിലാകുന്നില്ല. എന്ത് തെറ്റാണ് ഞാൻ നിങ്ങളോട് ചെയ്തത്? നിങ്ങളെ ഞാൻ സ്നേഹിക്കാൻ പാടില്ലായിരുന്നു..” – എന്നും ആത്മഹത്യാക്കുറിപ്പിൽ മോഫിയ പർവിൻ വ്യക്തമാക്കുന്നുണ്ട്.

‘ഈ രണ്ട് വിഷ ജന്തുക്കളെ ജയിലിൽ അടച്ചാൽ കേരളം രക്ഷപ്പെടും; തന്‍റേടമുണ്ടോ ഇരട്ട ചങ്കന്?’ റിജിൽ മാക്കുറ്റി

ഇന്നലെ സ്റ്റേഷനിലെത്തിയപ്പോൾ സിഐ മകളെ ചീത്ത വിളിച്ചുവെന്ന് മോഫിയയുടെ പിതാവ് വ്യക്തമാക്കിയതായി ഏഷ്യാനെറ്റ് ന്യൂസ് റിപ്പോർട്ട് ചെയ്തു. രണ്ട് മാസം മുൻപ് സുഹൈൽ മോഫിയയ്ക്ക് തലാഖ് ചൊല്ലി നോട്ടീസും 2500 രൂപയും അയച്ചിരുന്നു. വിവാഹമോചന ശേഷം മതാചാര പ്രകാരമുള്ള ഇദ്ദ ഇരിക്കാനാണ് പണം അയച്ചത്. ഇക്കാര്യത്തിൽ പരാതി നൽകാനാണ് പോലീസിനെ സമീപിച്ചത്. എന്നാൽ ഗാർഹിക പീഡനമടക്കമുള്ള ഒരു പരാതിയും സ്വീകരിക്കാൻ പോലീസ് തയ്യാറായില്ല. തിങ്കളാഴ്ച സ്റ്റേഷനിൽ എത്തിയപ്പോൾ സിഐ മകളെ ചീത്ത വിളിച്ചു. ഇക്കാര്യം മോഫിയ ആത്മഹത്യാക്കുറിപ്പിലും എഴുതിയിട്ടുണ്ടെന്നും അദ്ദേഹം പറഞ്ഞു.

കഴിഞ്ഞ ദിവസം ആലുവ സിഐയുടെ സാന്നിധ്യത്തിൽ വീട്ടുകാരുമായി നടത്തിയ മധ്യസ്ഥ ചർച്ചയിൽ ആലുവ സിഐ ഭർതൃവീട്ടുകാരെ ന്യായീകരിക്കുകയും പെൺകുട്ടിയോട് ഭീഷണിയുടെ സ്വരത്തിൽ സംസാരിക്കുകയും ചെയ്തിരുന്നതായി പരാതിയുണ്ട്. എന്നാൽ തൻ്റെ മുന്നിൽ വച്ച് പെൺകുട്ടി ഭർത്താവിനെ തല്ലിയെന്നും അത് ചോദിക്കുക മാത്രമാണ് ചെയ്തതെന്നും സിഐ പറഞ്ഞു.

സഞ്ജിത്ത് വധം: പോപ്പുലര്‍ ഫ്രണ്ട് പ്രവര്‍ത്തകന്‍ അറസ്റ്റില്‍

സ്റ്റേഷനിൽ നിന്ന് മടങ്ങി വീട്ടിലെത്തി മുറി അടച്ചിട്ട ശേഷമാണ് മോഫിയ ജീവനൊടുക്കിയത്. ഭർതൃവീട്ടിൽ മാനസികവും ശാരീരികവുമായ പീഢനം ഏൽക്കേണ്ടി വന്നിരുന്നുവെന്ന് മോഫിയ വീട്ടുകാരോട് പറഞ്ഞിരുന്നു. മൃതദേഹം കളമശേരി മെഡിക്കൽ കോളേജിലേക്ക് മാറ്റി. തൊടുപുഴ അൽ അസർ കോളേജിലെ അവസാന വർഷ വിദ്യാർഥിനിയാണ്. സംഭവം ആലുവ ഡിവൈഎസ്പി അന്വേഷിക്കും. പോലീസിന് വീഴ്ച പറ്റിയോ എന്ന് പരിശോധിക്കും. വീഴ്ച ബോധ്യപ്പെട്ടാൽ സിഐ ക്കെതിരെ നടപടി എടുക്കുമെന്ന് റൂറൽ എസ് പി കെ കാർത്തിക് പറ‍ഞ്ഞു.