ഹാർഡ് സിസ്ക് ഒളിപ്പിച്ചതിൽ ദുരൂഹത, സത്യാവസ്ഥ പുറത്തുവരണം; മുഖ്യമന്ത്രിയെ കണ്ട് പരാതി നൽകി അൻസിയുടെ പിതാവ്

തിരുവനന്തപുരം: കൊച്ചിയിൽ വാഹന അപകടത്തിൽ മരിച്ച മുൻ മിസ് കേരള അൻസി കബീറിന്‍റെ പിതാവ് മുഖ്യന്ത്രി പിണറായി വിജയനെ കണ്ട് പരാതി നൽകി. കേസിൽ നിർണായകമെന്ന് കരുതുന്ന ഹാർഡ് ഡിസ്ക് ഒളിപ്പച്ചതിൽ ദുരൂഹതയുണ്ടെന്നും ഹോട്ടലുമായി ബന്ധപ്പെട്ട ദുരൂഹതകൾ മാറ്റണമെന്നും ആവശ്യപ്പെട്ടാണ് മുഖ്യമന്ത്രിക്ക് പരാതി നൽകിയതെന്ന് മലയാള മനോരമ റിപ്പോർട്ട് ചെയ്തു.



ഹാർഡ് ഡിസ്ക് ഒളിപ്പിച്ചത് ഹോട്ടലിൽ നടന്നത് ഒളിച്ചുവയ്ക്കാനുള്ള ശ്രമത്തിന്‍റെ ഭാഗമാണെന്നും ഹോട്ടലിൽ നിന്ന് സന്തോഷത്തോടെ യാത്ര പറഞ്ഞിറങ്ങിയ അൻസിയെയും കൂട്ടുകാരെയും കാർ പിന്തുടർന്നത് എന്തിനാണെന്ന് അന്വേഷിക്കണമെന്നും മുഖ്യമന്ത്രിക്ക് നൽകിയ പരാതിയിലുണ്ട്.

Also Read : രാഹുൽ ഗാന്ധിയുടെ വിശ്വസ്തനും തൃണമൂലിലേക്ക്; അശോക് തൻവാറും കീർത്തി ആസാദും കോൺഗ്രസ് വിടുന്നു



പ്രത്യേക കേസായി പരിഗണിച്ച് അന്വേഷിക്കുമെന്നു മുഖ്യമന്ത്രി ഉറപ്പു നൽകിയതായി കൂടിക്കാഴ്ചയ്ക്ക് ശേഷം കുടുംബം പറഞ്ഞു. അതേസമയം കൊച്ചിയിൽ വാഹനാപകടത്തിൽ മരിച്ച അഞ്ജന ഷാജൻ സംഭവദിവസം രാത്രി അമ്മയ്ക്ക് ശബ്ദസന്ദേശം അയച്ചിരുന്നതായി സഹോദരൻ അർജുൻ നേരത്തെ പറഞ്ഞിരുന്നു. അൻസി കബീർ ഒപ്പമുണ്ടെന്നും ഹോട്ടലിന് പുറത്താണുള്ളതെന്നുമായിരുന്നു പറഞ്ഞിരുന്നത്. പിറ്റേന്ന് വരാമെന്നാണ് സന്ദേശത്തിൽ ഉണ്ടായിരുന്നതെന്നും അർജുൻ പറഞ്ഞതായാണ് റിപ്പോർട്ട്.

Also Read : ബിഹാർ ആവർത്തിക്കുമോ? യുപിയിൽ 100 സീറ്റിൽ മത്സരിക്കുമെന്ന് ഒവൈസി; നേട്ടം ബിജെപിയ്ക്കോ?



പിറ്റേന്ന് വരാമെന്നാണ് പറഞ്ഞതെങ്കിലും രാത്രിയിൽ തന്നെ വീട്ടിലേക്ക് വരാൻ ഉദ്ദേശിച്ചിരിക്കണമെന്നും ഒളിപ്പിച്ചിട്ടുള്ള ഡിവിആർ കണ്ടെത്തിയാൽ മാത്രമേ അപകടവുമായി ബന്ധപ്പെട്ട യഥാർഥ വസ്തുതകൾ ലഭിക്കൂവെന്നും കൂടുംബം പറയുന്നു. സംഭവവുമായി ബന്ധപ്പെട്ട് തങ്ങൾക്ക് ലഭിച്ച നിരീക്ഷണ ക്യാമറദൃശ്യങ്ങൾ അന്വേഷണ സംഘം കാണിച്ചു തന്നിരുന്നു. ഒപ്പമുണ്ടായിരുന്നവർ രണ്ട് പ്രാവശ്യം മദ്യം നൽകാൻ ഒരുങ്ങിയിട്ടും അഞ്ജന അത് നിരസിക്കുന്നത് ലഭ്യമായ വീഡിയോ ദൃശ്യങ്ങളിൽ വ്യക്തമാണെന്ന് അർജുൻ പറഞ്ഞു.