തെരഞ്ഞെടുപ്പിന് മുൻപായി ഉത്തര്‍പ്രദേശിൽ പുതിയ അന്താരാഷ്ട്ര വിമാനത്താവളം വരുന്നു

ന്യൂഡൽഹി: തെരഞ്ഞെടുപ്പിന് മുന്നോടിയായി ഉത്തര്‍പ്രദേശിൽ പുതിയ ഒരു അന്താരാഷ്ട്ര വിമാനത്താവളം കൂടി എത്തുന്നു. ഇതോടെ യുപിയിലെ അന്താരാഷ്ട്ര വിമാനത്താവളങ്ങളുടെ എണ്ണം അഞ്ചായി ഉയര്‍ന്നു. തലസ്ഥാനമായ നോയിഡയിലാണ് ഏറ്റവും പുതിയ വിമാനത്താവളം എത്തുന്നത്.



Also Read : 30 വർഷങ്ങൾക്ക് മുൻപുള്ള പീഡനക്കേസിലെ പ്രതിയെ ഡിഎൻഎ ടെസ്റ്റിലൂടെ കണ്ടെത്തി പോലീസ്; പുഞ്ചിരിയോടെ സ്വീകരിച്ച് 66 കാരൻ

വ്യാഴാഴ്ച പ്രധാനമന്ത്രി നരേന്ദ്രമോദി നോയിഡയിലെ അന്താരാഷ്ട്ര വിമാനത്താവളത്തിന്റെ തറക്കല്ലിടും. ഇന്ന് പുലര്‍ച്ചെയാണ് ഇത് സംബന്ധിച്ചുള്ള കാര്യം പ്രധാനമന്ത്രിയുടെ ഓഫീസ് വ്യക്തമാക്കിയത്.

കാര്‍ഷിക നിയമങ്ങള്‍ പിൻവലിച്ചതിന് ശേഷം പ്രധാനമന്ത്രി നരേന്ദ്രമോദി പങ്കെടുക്കുന്ന പൊതു പരിപാടി എന്ന പ്രത്യേകതയും ഇതിനുണ്ട്. ബിജെപി ഭരിക്കുന്ന യുപിയിൽ നിന്നും കാര്‍ഷിക ബില്ലിനെതിരെ ശക്തമായ പ്രതിഷേധമുണ്ടായിരുന്നു.

Also Read : കുഞ്ഞ് അനുപമയുടേത് തന്നെ; ഡിഎൻഎ ഫലം പോസിറ്റീവ്

വ്യാഴാഴ്ച വൈകിട്ട് നടക്കുന്ന പരിപാടിയുടെ കാര്യങ്ങള്‍ വിലയിരുത്താൻ മുഖ്യമന്ത്രി യോഗിയുടെ നേതൃത്വത്തിൽ ഉന്നതാധികാര യോഗം ചേരും. വലിയ പോതുപരിപാടി എന്ന നിലയിലാണ് ബിജെപിയും ഒരുക്കങ്ങള്‍ നടത്തുന്നത് എന്നാണ് എൻഡിടിവി റിപ്പോര്‍ട്ട് ചെയ്യുന്നത്.

നോയിഡ വിമാനത്താവളം യുപിയിലെ അഞ്ചാമത്തെ അന്താരാഷ്ട്ര വിമാനത്താവളമാകും. പുതിയ പദ്ധതിയുടെ ഉദ്ഘാടനമോടെ യുപി തെരഞ്ഞെടുപ്പിൽ മികച്ച മുന്നേറ്റം കാഴ്ച വയ്ക്കാൻ സാധിക്കുമെന്നാണ് ബിജെപി പ്രതീക്ഷിക്കുന്നത്.

Also Read : ബിഹാർ ആവർത്തിക്കുമോ? യുപിയിൽ 100 സീറ്റിൽ മത്സരിക്കുമെന്ന് ഒവൈസി; നേട്ടം ബിജെപിയ്ക്കോ?

നിലവിൽ യുപിയിൽ എട്ട് വിമാനത്താവളങ്ങളാണ് പ്രവര്‍ത്തന സജ്ജമായിരിക്കുന്നത്. 13 വിമാനത്താവളങ്ങളും ഏഴ് എയര്‍സ്ട്രിപ്പുകളുമാണ് പ്രഖ്യാപനത്തിലുള്ളത്.

നിലവിലുള്ള ഐജിഐ വിമാനത്താവളത്തിൽ നിന്നും 72 കിലോമീറ്റര്‍ അകലെ മാറിയാണ് പുതിയ വിമാനത്താവളം നിര്‍മ്മിക്കുക. നോയിഡയിൽ നിന്നും 40 കിലോമീറ്ററകലെയാണിത്. ഇതിന്റെ ആദ്യ ഘട്ടം 2024ൽ പൂര്‍ത്തിയാകുമെന്നാണ് കരുതുന്നത്. അത് 18ാമത് ലോക്സഭാ തെരഞ്ഞെടുപ്പിന് ഗുണം ചെയ്യുമെന്നാണ് ബിജെപി പ്രത്യാശിക്കുന്നത്.

Also Read : സിഡബ്ല്യൂസി തെളിവുനശിപ്പിക്കാന്‍ കൂട്ടുനില്‍ക്കുന്നു, അന്വേഷണത്തിൽ വിശ്വാസമില്ല, സിബിഐ അന്വേഷണം വേണം: അനുപമ

പുതിയ വിമാനത്താവളം യാഥാര്‍ത്ഥ്യമാകുന്നതോടെ ഡൽഹി, നോയിഡ്, ഗാസിയാബാദ്, ആഗ്ര, ഫരീദാബാദ്, തുടങ്ങിയ അടുത്ത പ്രദേശങ്ങളിലുള്ളവര്‍ക്ക് ഇത് ഗുണം ചെയ്യും.