മാറാട് കൂട്ടക്കൊല; ഒളിവിൽ പോയ രണ്ട് പ്രതികള്‍ക്ക് ഇരട്ട ജീവപര്യന്തം

പ്രതി കോയമോന് സ്ഫോടക വസ്തു കൈവശം വച്ചതിനും മതസ്പര്‍ധ വളര്‍ത്തിയതിനും അന്യായമായി സംഘം ചേരൽ, സ്ഫോടകവസ്തു നിരോധന നിയമം എന്നീ വകുപ്പുകള്‍ ചുമത്തിയാണ് ശിക്ഷ വിധിച്ചത്.

കൊലപാതകം, അന്യായമായി സംഘം ചേരൽ, മാരകായുധവുമായി കലാപം, ആയുധ നിരോധന നിയമം എന്നിവ പ്രകാരം നിസാമുദ്ദീനും ശിക്ഷ വിധിച്ചത്. കഴിഞ്ഞദിവസം പ്രതികള്‍ കുറ്റം ചെയ്തതായി കോടതി കണ്ടെത്തിയിരുന്നു.

ഇരട്ട ജീവപര്യന്തം തടവിന് പുറമെ 56,000 രൂപ പിഴയും നിസാമുദ്ദീൻ നൽകണം. സര്‍ക്കാരിന് വേണ്ടി സ്പെഷ്യൽ പ്രോസിക്യൂട്ടർ അഡ്വ ആര്‍ ആനന്ദ് ഹാജരായി.

Also Read : തെരഞ്ഞെടുപ്പിന് മുൻപായി ഉത്തര്‍പ്രദേശിൽ പുതിയ അന്താരാഷ്ട്ര വിമാനത്താവളം വരുന്നു

2003 മേയ് രണ്ടിനായയിരുന്നു ഒൻപത് പേര്‍ മരിച്ച രണ്ടാം മാറാട് കലാപം ഉണ്ടായത്. അരയസമാജത്തിലെ എട്ട് പേരും അക്രമി സംഘത്തിലെ ഒരാളുമായിരുന്നു അന്ന് കൊല്ലപ്പെട്ടത്.

വിചാരണ നേരിട്ട 139 പേരിൽ 63 പ്രതികളെയാണ് പ്രത്യേക കോടതി ശിക്ഷിച്ചത്. കോയമോനും നിസാമുദ്ദീനും 2010, 2011 വർഷങ്ങളിലാണ് പിടിയിലായത്. 2011 ജനുവരി 23ന് സൗത്ത് ബീച്ചിൽ ഒളിവിൽ താമസിക്കുന്നതിനിടയിലാണ് കോയമോൻ പിടിയിലാവുന്നത്.

Also Read : സിഡബ്ല്യൂസി തെളിവുനശിപ്പിക്കാന്‍ കൂട്ടുനില്‍ക്കുന്നു, അന്വേഷണത്തിൽ വിശ്വാസമില്ല, സിബിഐ അന്വേഷണം വേണം: അനുപമ

വിചാരണക്കാലത്ത് ഹൈദരാബാദിലേക്ക് കടന്ന ഇയാള്‍ നാട്ടിൽ തിരിച്ചെത്തി ഒളിവിൽ പോവുകയായിരുന്നു. കേസിലെ മറ്റൊരു പ്രതിയായ നിസാമുദ്ദീൻ 2010 ഒക്ടോബര്‍ 15 നാണ് നെടുമ്പാശ്ശേരി വിമാനത്താവളത്തില്‍ പിടിയിലാവുന്നത്.

സ്പെഷൽ അഡീഷനൽ സെഷൻസ് ജഡ്ജി കെ എസ് അംബികയാണ് ശിക്ഷ വിധിച്ചത്.