രഹസ്യഭാഗങ്ങളില്‍ സ്പര്‍ശിച്ചതായി പരാതി
ചര്‍മരോഗത്തിന് പരിഹാരം തേടി സമീപിച്ച തന്റെ സ്വകാര്യ ഭാഗങ്ങളില്‍ ചികില്‍സയുടെ ഭാഗമായല്ലാതെ ഡോക്ടര്‍ സ്പര്‍ശിച്ചു എന്ന ആരോപണവുമായി ഒരു സ്ത്രീ സോഷ്യല്‍ മീഡിയയില്‍ പോസ്റ്റിട്ടതോടെയാണ് ഇതുമായി ബന്ധപ്പെട്ട ചര്‍ച്ചകള്‍ സജീവമായത്. ഇതേ തുടര്‍ന്ന് മറ്റ് സ്ത്രീകളും ഇതേ ഡോക്ടറില്‍ നിന്ന് തങ്ങള്‍ക്കും ഇത്തരം ദുരനുഭവങ്ങള്‍ ഉണ്ടായതായി കാണിച്ച് പരാതികളുമായി രംഗത്തെത്തുകയായിരുന്നു. നേരത്തേ ഡോക്ടര്‍ക്കെതിരേ ക്ലിനിക്ക് അധികൃതര്‍ക്ക് പരാതി നല്‍കിയിരുന്നുവെങ്കിലും ഇയാള്‍ക്കെതിരേ നടപടിയെടുത്തില്ലെന്നും ആളുകള്‍ കുറ്റപ്പടുത്തി.
മുഖത്തെ പാടിന് മാറിടം കാണിക്കാന്‍ പറഞ്ഞു
മുഖത്തെ പാടിന് ചികില്‍സിക്കാന്‍ പോയ തന്നോട് മാറിടവും ശരീരത്തിന്റെ മറ്റ് സ്വകാര്യ ഭാഗങ്ങളും കാണിക്കാന്‍ ഡോക്ടര്‍ ആവശ്യപ്പെട്ടതായി മറ്റൊരു സ്ത്രീ ആരോപിച്ചു. മുഖത്ത് മാത്രമേ ഇത്തരം പാടുകളുള്ളൂ എന്ന് പറഞ്ഞെങ്കിലും സൂക്ഷ്മമായ ഇത്തരം പാടുകള്‍ ശരീരത്തിന്റെ മറ്റ് ഭാഗങ്ങളിലും ഉണ്ടാവുമെന്ന് ഡോക്ടര്‍ പറയുകയായിരുന്നു. നിര്‍ബന്ധത്തിന് വഴങ്ങി ചികില്‍സയുടെ ഭാഗമെന്ന് കരുതി രഹസ്യഭാഗങ്ങളില്‍ പരിശോധന അനുവദിക്കുകയും ചെയ്തു. ഇയാള്‍ ഇയാളുടെ സ്ഥിരം പരിപാടിയാണ് ഇത് എന്നറിഞ്ഞതോടെയാണ് യുവതി ഇക്കാര്യം പരസ്യമാക്കാന്‍ തയ്യാറായത്. തന്റെ സുഹൃത്തിനോട് ഒരിക്കല്‍ കൂടി ഡോക്ടറെ കാണാന്‍ ചെല്ലണമെന്നും സൗജന്യ പരിശോധന നല്‍കാമെന്നും ഡോക്ടര്‍ പറഞ്ഞതായും ഒരു യുവതി പറഞ്ഞു.
അന്വേഷണത്തിന് ഉത്തരവിട്ട് ആഭ്യന്തരമന്ത്രാലയവും
ഡോക്ടര്‍ക്കെതിരേ ആരോപണങ്ങള്‍ ഉയര്‍ന്ന പശ്ചാത്തലത്തില്‍ അന്വേഷണ വിധേയമായി ഡോക്ടറെ പിരിച്ചുവിട്ടതായി ആശുപത്രി അധികൃതര്‍ അറിയിക്കുകയായിരുന്നു. ഇയാള്‍ക്കെതിരേ അന്വേഷണത്തിന് ഉത്തരവിട്ടതായും അഡ്വാന്‍സ് മെഡിക്കല്‍ ക്ലിനിക്ക് പ്രസ്താവനയില്‍ അറിയിച്ചു. അന്വേഷണ ഫലം പൊതുജനങ്ങളെ അറിയിക്കുമെന്നും ക്ലിനിക്ക് വ്യക്തമാക്കി. സ്വകാര്യ ക്ലിനിക്കിലെ ഡോക്ടര്‍ക്കെതിരേ സോഷ്യല്‍ മീഡിയയില്‍ പ്രചരിക്കുന്ന ആരോപണങ്ങള്‍ ശ്രദ്ധയില്‍പ്പെട്ടിട്ടുണ്ടെന്നും ആവശ്യമായ നടപടികള്‍ സ്വീകരിക്കുമെന്നും ഖത്തര്‍ ആഭ്യന്തര മന്ത്രാലയവും ട്വീറ്റ് ചെയ്തു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : private clinic in qatar has announced the dismissal of a doctor who mistreated patients
Malayalam News from malayalam.samayam.com, TIL Network
