ഭരണഘടനാ മൂല്യങ്ങളും ലിംഗാവബോധവും തൊഴിൽ പരിശീലനവും ഉയര്‍ത്തിപ്പിടിക്കുന്ന പാഠ്യപദ്ധതി തയ്യാറാക്കാനാണ് സംസ്ഥാന സര്‍ക്കാര്‍ എസ്‍സിഇആര്‍ടിയോടു നിര്‍ദേശിച്ചിട്ടുള്ളത്.
പ്രതീകാത്മക ചിത്രം Photo: BCCL/File
ഹൈലൈറ്റ്:
- സര്‍ക്കാരിൻ്റെ പ്രഖ്യാപിത ലക്ഷ്യങ്ങള്‍ നടപ്പാക്കും
- നാലു വിഭാഗങ്ങളായി പരിഷ്കാരം
- പുതിയ പാഠപുസ്തകങ്ങളും തയ്യാറാക്കും
സര്‍ക്കാരിൻ്റെ പ്രഖ്യാപിത ലക്ഷ്യങ്ങളായ വിജ്ഞാന സമൂഹം സൃഷ്ടിക്കൽ, പ്രാദേശിക സമ്പദ്ഘടന ശക്തിപ്പെടുത്തൽ, ലിംഗനീതി ഉറപ്പാക്കൽ എന്നിവയുടെ അടിസ്ഥാനത്തിലാണ് പുതിയ പാഠ്യപദ്ധതിയ്ക്ക് രൂപം നല്‍കുക. ഇതിനു പുറമെ തൊഴിൽ പരിചയവും സ്കൂള്‍ വിദ്യാഭ്യാസത്തിൻ്റെ ഭാഗമാകും.
ഭരണഘടനാമൂല്യങ്ങളായ മതനിരപേക്ഷത, ജനാധിപത്യം, സമത്വം തുടങ്ങിയവയും പാഠ്യപദ്ധതിയുടെ ഭാഗമാകണമെന്നും നിര്‍ദേശിച്ചിട്ടുണ്ട്. പ്രീസ്കൂള്‍, സ്കൂള്‍ കുട്ടികള്‍ക്കുള്ള പാഠ്യപദ്ധതിയ്ക്കു പുറമെ അധ്യാപക വിദ്യാഭ്യാസത്തിനും മുതിര്‍ന്ന പൗരന്മാര്‍ക്കുള്ള തുടര്‍വിദ്യാഭ്യാസത്തിനുമുള്ള ചട്ടക്കൂടുകള്‍ തയ്യാറാക്കുമെന്നാണ് ഇതു സംബന്ധിച്ച മനോരമ റിപ്പോര്‍ട്ടിൽ പറയുന്നത്. ഫോക്കസ് ഗ്രൂപ്പുകള്‍ രൂപീകരിച്ച് അന്തിമ രൂപരേഖ തയ്യാറാക്കാനും പാഠപുസ്തകങ്ങളും അധ്യാപകര്‍ക്കുള്ള പഠന സഹായ രേഖകളും തയ്യാറാക്കാനുമാണ് നിര്‍ദേശം.
Also Read: ദക്ഷിണാഫ്രിക്കയിലെ കൊവിഡ് വകഭേദം; യാത്രാ നിരോധനവുമായി യൂറോപ്യന്‍ യൂണിയന്‍
എട്ടു വര്‍ഷത്തെ ഇടവേളയ്ക്ക് ശേഷമാണ് സംസ്ഥാനത്ത് സ്കൂള്‍ പാഠ്യപദ്ധതി പുതുക്കുന്നത്. 2013ലായിരുന്നു അവസാനമായി പാഠ്യപദ്ധതി പുതുക്കിയത്. ഭരണഘടനാമൂല്യങ്ങളും തൊഴിൽ പരിചയവും ഉള്‍പ്പെടുത്തി പാഠ്യപദ്ധതി പുതുക്കുമെന്ന് സംസ്ഥാന സര്‍ക്കാര്‍ മുൻപു തന്നെ പ്രഖ്യാപിച്ചിരുന്നു. കൂടാതെ സ്കൂളുകളിൽ ലൈംഗികവിദ്യാഭ്യാസവും ലിംഗാവബോധവും ഉറപ്പാക്കുമെന്നും ഇതിനായുള്ള പരിശീലനം നല്‍കണമെന്നും വനിതാ കമ്മീഷനും ബാലാവകാശ കമ്മീഷനും അടുത്തിടെ വ്യക്തമാക്കുകയും ചെയ്തിരുന്നു. ഇതിനു പിന്നാലെയാണ് സര്‍ക്കാര്‍ നടപടികളിലേയ്ക്ക് കടക്കുന്നത്. രണ്ട് വർഷത്തിനു ശേഷം പുതിയ പാഠ്യപദ്ധതി നടപ്പാക്കാനാകുമെന്നാണ് സംസ്ഥാന സർക്കാർ പ്രതീക്ഷിക്കുന്നത്.
Also Read: സ്കൂളുകളിൽ ഇനി വൈകുന്നേരം വരെ ക്ലാസ്; ഓൺലൈൻ ക്ലാസുകൾ ഒഴിവാക്കിയേക്കും
ആധുനികലോകത്തിൻ്റെ വെല്ലുവിളികളെ നേരിടാൻ കുട്ടികളെ പ്രാപ്തരാക്കുകയാണ് ലക്ഷ്യമെന്നും തൊഴിലധിഷ്ഠിത വിദ്യാഭ്യാസം നടപ്പാക്കുമെന്നും രണ്ട് മാസം മുൻപ് വിദ്യാഭ്യാസമന്ത്രി വി ശിവൻകുട്ടി പറഞ്ഞിരുന്നു. ജീവിക്കുന്ന സമൂഹത്തിൻ്റെ ചരിത്രവും സാഹചര്യങ്ങളും കുട്ടികൾക്ക് മനസ്സിലാക്കാൻ കഴിയണമെന്നും അദ്ദേഹം വ്യക്തമാക്കി. കൂടാതെ സ്പോർട്സിനും പ്രത്യേക പരിഗണനയുണ്ടാകും.
Also Read: സ്കൂളുകളിൽ ഇനി വൈകുന്നേരം വരെ ക്ലാസ്; ഓൺലൈൻ ക്ലാസുകൾ ഒഴിവാക്കിയേക്കും
കേന്ദ്രസര്‍ക്കാര്‍ കഴിഞ്ഞ വര്‍ഷം പുറത്തിറക്കിയ കേന്ദ്ര വിദ്യാഭ്യാസ നയം സ്കൂള്‍ പാഠ്യപദ്ധതിയിൽ സമൂലപരിഷ്കാരം ശുപാര്‍ശ ചെയ്യുന്നുണ്ടെങ്കിലും സംസ്ഥാന സര്‍ക്കാര്‍ ഇതിനോടു വിയോജിപ്പ് അറിയിച്ചിട്ടുണ്ട്. ഈ സാഹചര്യത്തിലും പാഠ്യപദ്ധതിയുടെ കരട് തയ്യാറാക്കി കേന്ദ്രസര്‍ക്കാരിനു സമര്‍പ്പിക്കാനാണ് കേരളം ആലോചിക്കുന്നത്. നയമപരമായ തീരുമാനമില്ലെങ്കിലും കേന്ദ്രവുമായി കലഹിക്കേണ്ടെന്ന നിലപാടാണ് സംസ്ഥാന സര്‍ക്കാരിനുള്ളത്. സംസ്ഥാന സര്‍ക്കാരിൻ്റെ നയം അനുസരിച്ച് പാഠ്യപദ്ധതി തയ്യാറാക്കാനും കേന്ദ്രം എതിര്‍പ്പ് അറിയിച്ചാൽ ആവശ്യമായ നടപടി സ്വീകരിക്കാനുമാണ് ധാരണയെന്നാണ് ഇതു സംബന്ധിച്ച മാതൃഭൂമി റിപ്പോര്‍ട്ടിൽ പറയുന്നത്.
കണ്ണൂരിൽ തക്കാളിപെട്ടിക്ക് പൂട്ടിട്ടു!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : govt order to reform kerala school curriculum including constitutional values and gender equality
Malayalam News from Samayam Malayalam, TIL Network
