ബ്രെസ്റ്റ് ക്യാന്‍സര്‍ പരിശോധന സ്വയം എങ്ങനെ നടത്താം എന്നറിയൂ.
സ്തനാര്‍ബുദ സൂചനകള്‍
ഒരു പരിധി വരെ സ്തനാര്‍ബുദ സൂചനകള്‍ നിങ്ങള്‍ക്ക് തന്നെ കണ്ടെത്താവുന്നതേയുള്ളൂ. എന്നാല്‍ മിക്ക സ്ത്രീകള്‍ക്കും ഇപ്പോഴും സ്തനങ്ങള്‍ എങ്ങനെയാണ് പരിശോധിക്കേണ്ടതെന്ന് അറിയില്ലെന്നതാണ് വാസ്തവം. എല്ലാ ആര്‍ത്തവത്തിനും ശേഷം സ്തനങ്ങള്‍ സൂക്ഷ്മമായി സ്വയം പരിശോധിക്കുക.ആര്‍ത്തവശേഷം പത്തു ദിവസങ്ങള്‍ക്കുള്ളില്‍ ഇത്തരം സ്വയം പരിശോധന നടത്തുന്നതാണ് നല്ലത്. 20 വയസിനു മുകളിലുള്ള സ്ത്രീകള്‍ക്കിത് ചെയ്യാം. കുളിയ്ക്കുന്ന സമയത്ത് മാറിടത്തിലൂടെ വിരലുകള്‍ അമര്‍ത്തി പരിശോധിയ്ക്കുക. നനഞ്ഞ ചര്‍മത്തില്‍ മുഴകളും തടിപ്പുകളും പെട്ടെന്ന് തിരിച്ചറിയാന്‍ സാധിയ്ക്കും.
കണ്ണാടിയുടെ മുന്നില്‍ നിന്നും
കണ്ണാടിയുടെ മുന്നില്‍ നിന്നും സ്തനങ്ങളില്‍ എന്തെങ്കിലും മാറ്റമുണ്ടോയെന്നു കണ്ടെത്താം. നിവര്‍ന്ന് നിന്ന്, തോള്‍ ഭാഗം നിവര്‍ത്തി വച്ച് സ്വയമേ സ്തനപരിശോധനകള്‍ നടത്താം. ഇനി സ്തനങ്ങളില്‍ ഇനി ഒരു കണ്ണാടിയുടെ സഹായത്തോടെ സ്തനങ്ങളെ നോട്ടത്തിലൂടെ പരിശോധിക്കാം. ആകൃതി, വലിപ്പം എന്നിവയില്‍ എന്തെങ്കിലും വ്യത്യാസമോ, അസാധാരണത്വമോ ഉണ്ടോയെന്നാണ് നോട്ടത്തില്‍ പരിശോധിക്കേണ്ടത്. ഒപ്പം തന്നെ സ്തനങ്ങളില്‍ നിറവ്യത്യാസം, പാടുകള്‍ എന്തെങ്കിലുമുണ്ടോയെന്നും പരിശോധിക്കുക. കാണാനുന്ന രീതിയില്‍ സ്തനങ്ങളുടെ ഏതെങ്കിലും ഭാഗത്ത് മുഴച്ചിരിക്കുന്നുണ്ടോയെന്നും പരിശോധിക്കുക. നിപ്പിള്‍ പരിശോധനയും പ്രധാനമാണ്. നിപ്പിള്‍ ഉള്ളിലേയ്ക്കു വലിഞ്ഞിട്ടുണ്ടോയെന്നും നിപ്പിളില്‍ അമര്‍ത്തി ഇതിനു പുറകിലായി എന്തെങ്കിലും തടിപ്പോ മുഴകളോ ഉണ്ടോയെന്നും നോക്കുക.
രണ്ട് കൈകളും പൊക്കിപ്പിടിച്ച ശേഷം
രണ്ട് കൈകളും പൊക്കിപ്പിടിച്ച ശേഷം ആദ്യഘട്ടത്തില്‍ ചെയ്ത അതേ കാര്യങ്ങള്‍ തന്നെ ചെയ്തുനോക്കുക. നിറവ്യത്യാസം, പാടുകള്‍ എന്തെങ്കിലുമുണ്ടോയെന്നും പരിശോധിക്കുക. കാണാനുന്ന രീതിയില്‍ സ്തനങ്ങളുടെ ഏതെങ്കിലും ഭാഗത്ത് മുഴച്ചിരിക്കുന്നുണ്ടോയെന്നും പരിശോധിക്കുക. മൂന്നാം ഘട്ടത്തില്‍ ശ്രദ്ധിക്കേണ്ടത്, മുലക്കണ്ണുകളില്‍ നിന്ന് എന്തെങ്കിലും ദ്രാവകമോ നീരോ പുറത്തുവരുന്നുണ്ടോ എന്നതാണ്. മുലയൂട്ടുന്ന സ്ത്രീകളല്ലെങ്കില്‍ ഇക്കാര്യം ഗൗരവമായി എടുക്കണം. അത്തരത്തില്‍ മുലക്കണ്ണില്‍ നിന്ന് ദ്രാവകം പുറത്തുവരുന്നത് സ്തനാര്‍ബുദ ലക്ഷണമാകാം.
അടുത്ത ഘട്ട പരിശോധന
അടുത്ത ഘട്ട പരിശോധന സ്പര്‍ശിച്ചാകാം. വലതു കൈ കൊണ്ട് ഇടത് സ്തനവും, ഇടതുകൈ കൊണ്ട് വലത് സ്തനവും നല്ലതു പോലെ സ്പര്‍ശിച്ച്പരിശോധിക്കുക. സ്തനം മുഴുവനായി പിടിച്ച് വൃത്താകൃതിയില്‍ ചലിപ്പിച്ച് നോക്കാം, അതുപോലെ തടവി നോക്കാം. അസാധാരണമായ മുഴയോ മറ്റോ അനുഭവപ്പെടുന്ന പക്ഷം പരിശോധിക്കുക. ഓര്‍ക്കുക, എപ്പോള്‍ സ്തനങ്ങള്‍ പരിശോധിക്കുമ്പോഴും ഒരേ രീതിയില്‍ മാത്രം ചെയ്യുക. എങ്കിലേ മാറ്റങ്ങള്‍ മനസിലാക്കാന്‍ സാധിക്കുകയുള്ളൂ.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : how to do self examination for breast cancer
Malayalam News from Samayam Malayalam, TIL Network
