മൈദ, പാൽ, നെയ്യ് എന്നിവയൊക്കെ ചേർത്ത് ഗംഭീര സ്വാദിൽ ഒരു മധുരം

How to make: മൈദ, പാൽ, നെയ്യ് എന്നിവയൊക്കെ ചേർത്ത് ഗംഭീര സ്വാദിൽ ഒരു മധുരം

Step 1:

ഒരു പാത്രത്തിൽ മൈദ, റവ, എന്നിവയെടുത്ത് അതിലേയ്ക്ക് കുറച്ച് നെയ്യ് കൂടെ ചേർത്ത് നന്നായി ഇളക്കണം. ഇനി ആവശ്യത്തിന് വെള്ളം കൂടെ ചേർത്ത് ചപ്പാത്തിയൊക്കെ കുഴയ്ക്കുന്നത് പോലെ കുഴച്ചെടുക്കണം. അങ്ങനെ മാവ് തയ്യാറാക്കുക.

Step 2:

മാവിലേയ്ക്ക് കുറച്ച് കൂടെ നെയ്യ് ചേർത്ത് 2-3 മിനിറ്റ് കൂടെ കുഴച്ച ശേഷം ഏകദേശം 10 മിനിറ്റ് അടച്ച് മാറ്റി വെക്കുക.

Step 3:

ഇനി ഒരു പാൻ ചൂടാക്കി പാൽ ചേർത്ത് തിളപ്പിക്കണം. തിളച്ച് വന്നാൽ തീ കുറച്ച് വെച്ച് നാലഞ്ച് മിനിറ്റ് വീണ്ടും ചൂടാക്കണം, പാൽ ചെറുതായൊന്ന് കുറുകി വരണം. ഇതിലേയ്ക്ക് പഞ്ചസാര, കണ്ടെൻസ്ഡ് മിൽക്ക് എന്നിവ കൂടെ ചേർത്ത് നന്നായി ഇളക്കിക്കൊണ്ടേയിരിക്കുക.

Step 4:

ഇത് നന്നായി കുറുകി തുടങ്ങിയാൽ കുങ്കുമ നാരുകൾ, ഏലയ്ക്കാപ്പൊടി, ഡ്രൈ ഫ്രൂട്സ് എന്നിവ കൂടെ ചേർത്ത് 2 – 3 മിനിറ്റ് വീണ്ടും തിളയ്ക്കാൻ അനുവദിക്കുക.

Step 5:

ഇനി നേരത്തെ തയ്യാറാക്കി വെച്ചിരിക്കുന്ന മാവിൽ നിന്ന് ചെറിയ വലുപ്പത്തിലുള്ള ഉരുളകൾ തയ്യാറാക്കി പരത്തിയെടുക്കാം. പരത്തിയ ശേഷം ഇതിൽ അല്പം നെയ്യ് പുരട്ടി കൊടുക്കാം. ഇനി ഇത് ത്രികോണാകൃതിയിൽ മടക്കിയെടുക്കണം (വീഡിയോ നോക്കുക). മടക്കിയെടുത്ത ശേഷം അതിൽ ഒരു ഗ്രാമ്പു കുത്തിക്കൊടുക്കാം, ഇങ്ങനെ ചെയ്‌താൽ ഈ മധുരം ഫ്രൈ ചെയ്തെടുക്കുമ്പോൾ മടക്ക് തുറന്ന് പോരില്ല.

Step 6:

ഇനി ഒരു പാത്രത്തിൽ ആവശ്യത്തിന് എണ്ണ എടുത്ത് ചൂടാക്കുക. എണ്ണ നന്നായി ചൂടായാൽ തയ്യാറാക്കി വെച്ചിരിക്കുന്ന മടക്കിയെടുത്തത് അതിലിട്ട് ഗോൾഡൻ ബ്രൗൺ ആകുന്നത് വരെ ഫ്രൈ ചെയ്തെടുക്കണം. ഇതിനെ ചന്ദ്രഹാര എന്നാണ് വിളിക്കുന്നത്.

Step 7:

ഫ്രൈ ചെയ്തെടുത്ത ചന്ദ്രഹാര നേരത്തെ തയ്യാറാക്കി വെച്ചിരിക്കുന്ന പാൽ മിശ്രിതത്തിൽ ഇട്ട് കൊടുക്കുക. ഇത് തണുപ്പിച്ചോ ചൂടോടെയോ കഴിക്കാം.