വലിപ്പത്തില്‍ കുഞ്ഞനാണെങ്കിലും ചെറുനാരങ്ങ ആരോഗ്യ ഗുണങ്ങളാല്‍ സമ്പുഷ്ടമാണ്. ആരോഗ്യത്തിനും സൗന്ദര്യ മുടി സംരക്ഷണത്തിനുമെല്ലാം തന്നെ ഒരുപോലെ ഉപയോഗപ്രദമാണ് ഈ ചെറിയ ഫലം. സിട്രസ് വിഭാഗത്തില്‍ പെട്ട ഇത് ധാരാളം പോഷകങ്ങളുടെ ഉറവിടം കൂടിയാണ്. ക്ഷീണം മാറാനും തടി കുറയ്ക്കാനുമെല്ലാം ഏറെ നല്ലതാണ് ഇത്. നാരങ്ങാവെള്ളം ദിവസവും കുടിയ്ക്കുന്നത് നല്‍കുന്ന ആരോഗ്യപരമായ ഗുണങ്ങള്‍ പലതാണ്. ഇത് പ്രത്യേക രീതിയില്‍ തയ്യാറാക്കി കുടിയ്ക്കുന്നത് ഏറെ ഗുണം നല്‍കും. ഇതെങ്ങനെ എന്നറിയൂ.

ചെറുനാരങ്ങ

ഇതു തയ്യാറാക്കാന്‍ മൂന്നു ചേരുവ വേണം, ചെറുനാരങ്ങ, ഇഞ്ചി, കുരുമുളക് എന്നിവയാണിവ.വിറ്റാമിൻ സി, ഫോളേറ്റ്, കാൽസ്യം, ഇരുമ്പ്, പൊട്ടാസ്യം, സിങ്ക്, മാംഗനീസ്, പ്രോട്ടീൻ, ചെമ്പ് എന്നിവയാണ് നാരങ്ങയില്‍ അടങ്ങിയിരിക്കുന്നത്.അത്തരം സവിശേഷ ഗുണങ്ങൾ ഉള്ളതിനാൽ, ആസിഡ് റിഫ്ലക്സ്, ദഹനക്കേട്, മുഖക്കുരു, വൃക്കയിലെ കല്ലുകൾ, അമിതവണ്ണം, മറ്റ് പല ആരോഗ്യ പ്രശ്നങ്ങൾ എന്നിവയ്ക്കും ചികിത്സിക്കാൻ നാരങ്ങയ്ക്ക് കഴിവുണ്ട്. മാത്രമല്ല; നാരങ്ങയ്ക്ക് താരൻ, മുഖക്കുരു എന്നിവയ്ക്ക് പരിഹാരം നൽകാനും ചർമ്മത്തിന്റെ നിറം മെച്ചപ്പെടുത്താനും കഴിയും.

കുരുമുളക്

ശരീരത്തില്‍ കൂടുതല്‍ ചൂടുല്‍പാദിപ്പിയ്ക്കുന്ന ഒന്നാണ് കുരുമുളക്. ഇത് ശരീരത്തിന്റെ അപചയപ്രക്രിയ ചൂടുല്‍പാദിപ്പിച്ചു വര്‍ദ്ധിപ്പിയ്ക്കുകയും ചെയ്യും. ഇത് കൊഴുപ്പു കത്തിച്ചു കളയും. ദഹനപ്രക്രിയ ശക്തിപ്പെടുത്തിയും തടി കുറയ്ക്കാന്‍ കുരുമുളകിന് കഴിയും. ഇതുവഴി തടിയും വയറുമെല്ലാം കുറയും. കുരുമുളകിലെ കാര്‍മിനേറ്റീവ് ഘടകങ്ങള്‍ വായുക്ഷോഭത്തെ ഇല്ലാതാക്കാന്‍ സഹായിക്കുന്നതാണ്. ഇതോടൊപ്പം വയറ് വേദന ശമിപ്പിക്കാനും ഇതിനാവും. ശരീരത്തിന് പ്രതിരോധ ശേഷി നല്‍കുന്ന ഒന്നു കൂടിയാണിത്.

ഇഞ്ചി

ഇതില്‍ ചേര്‍ക്കുന്ന ഇഞ്ചിയും ആരോഗ്യപരമായ ഗുണങ്ങളാല്‍ മികച്ചതാണ് . ദഹനത്തിനും തടി കുറയ്ക്കാനും ഗ്യാസ്, അസിഡിറ്റി പ്രശ്‌നങ്ങള്‍ക്കുമെല്ലാം സഹായിക്കുന്ന ഒന്നു തന്നെയാണ് ഇത് വയറിന്റെയും കുടലിന്റേയും ആരോഗ്യത്തിന് മികച്ചതാണ്. ഇഞ്ചിയിലെ നാരുകളാണ് ഇതിനു സഹായിക്കുന്നത്. വയറിന്റെ ആരോഗ്യത്തിനും ഏറെ നല്ലതാണ്. ഇഞ്ചി ശരീരത്തിന്റെ അപചയ പ്രക്രിയ ശക്തിപ്പെടുത്തുന്നതാണ് ഒരു ഗുണം. ശരീരത്തിന്റെ ചൂടു വര്‍ദ്ധിപ്പിച്ച് കൊഴുപ്പു കത്തിച്ചു കളയുന്ന ഒന്നാണിത്. ദഹന പ്രക്രിയ ശക്തിപ്പെടുത്തുന്നതിലൂടെയും ഇതു തടി കുറയ്ക്കാന്‍ സഹായിക്കുന്ന ഒന്നാണ്. പ്രത്യേക രീതിയില്‍ ഇഞ്ചി ഉപയോഗിയ്ക്കുന്നത് തടിയും വയറും കുറയ്ക്കാന്‍ ഏറെ നല്ലതുമാണ്. മഗ്നീഷ്യം, പൊട്ടാസ്യം, സിങ്ക് എന്നിവ ഇഞ്ചിയില്‍ ധാരാളമടങ്ങിയിട്ടുണ്ട്. ഇതും തേനിലെ ആന്റിഓക്‌സിഡന്റുകളും ചേര്‍ന്ന് നല്ല ബ്ലഡ് സര്‍കുലേഷന് സഹായിക്കും. ഇത് തലച്ചോര്‍, ഹൃദയം എന്നിവയുടെ ആരോഗ്യത്തിന് ഏറെ ഗുണകരവുമാണ്.

​ഈ പ്രത്യേക നാരങ്ങാവെള്ളം

ഈ പ്രത്യേക നാരങ്ങാവെള്ളം തിളപ്പിയ്ക്കുന്നതിനായി ഒരാള്‍ക്ക് ഒരു ഗ്ലാസെങ്കില്‍ രണ്ടു ഗ്ലാസ് വെള്ളമെടുക്കുക. ഇതിലേയ്ക്ക് അര മുറി നാരങ്ങി ചെറിയ കഷ്ണങ്ങളാക്കി മുറിച്ചിടുക. ഒരു കഷ്ണം ഇഞ്ചിയും ഇതിലേയ്ക്ക് ചതച്ചിടണം. ഇത് ചെറുതീയില്‍ പകുതി വെള്ളമായി മാറും വരെ വറ്റിക്കണം. ഈ വെള്ളം വാങ്ങി വയ്ക്കുക. ഇതില്‍ അല്‍പം കുരുമുളക് പൊടി ചേര്‍ത്തിളക്കി ഇളം ചൂടില്‍ കുടിയ്ക്കാം. ഇത് രാവിലെ വെറും വയറ്റില്‍ കുടിയ്ക്കുന്നത് നല്ലതാണ്. എന്നാല്‍ അസിഡിറ്റി പോലുള്ള പ്രശ്‌നങ്ങളെങ്കില്‍ വെറും വയറ്റില്‍ കുടിയ്‌ക്കേണ്ട. തടി കുറയ്ക്കാനും ദഹനത്തിനും നല്ല ശോധനയ്ക്കും കിഡ്‌നി, വൃക്ക ആരോഗ്യത്തിനുമെല്ലാം തന്നെ ഇതേറെ നല്ലതാണ്.