ചർമ്മം ഡ്രൈ ബ്രഷ് ചെയ്യാറുണ്ടോ? ഇത് എന്ത് സംഭവമെന്നോർത്ത് ആശ്ചര്യപ്പെടേണ്ട. നിർജ്ജീവ ചർമ്മം നീക്കം ചെയ്യാനും ചർമ്മത്തിലെ രക്തയോട്ടം മെച്ചപ്പെടുത്താനും ചർമ്മത്തിന്റെ നിറം എല്ലായിടത്തും ഒരുപോലെയാക്കാനുമെല്ലാം സാഹായിക്കുന്ന ഒരു രീതിയാണ് ഇത്.
ചർമ്മം നന്നാക്കാൻ ഡ്രൈ ബ്രഷിംഗ്
ഹൈലൈറ്റ്:
- ചർമ്മത്തിലെ മൃതകോശങ്ങൾ അകറ്റാൻ ഡ്രൈ ബ്രഷിംഗ് മികച്ച രീതിയാണ്.
- രക്തയോട്ടം മെച്ചപ്പെടുത്തി, ചർമ്മത്തിന് കൂടുതൽ ഭംഗി നൽകാനും ഡ്രൈ ബ്രഷിംഗ് ചെയ്യാം
പരുഷവും ദൃഢമായതുമായ നീണ്ട കുറ്റി ബ്രഷുകളുടെ സഹായത്തോടെ നിങ്ങളുടെ ചർമ്മത്തെ സ്‌ക്രബ് ചെയ്യുന്ന രീതിയാണിത്. കാൽവിരലുകൾ മുതൽ തല വരെ മസാജ് ചെയ്യുന്ന രീതി ഡ്രൈ ബ്രഷിങ്ങ് രീതിയെ പറ്റി കേൾക്കുമ്പോൾ അല്പം വിചിത്രമായി തോന്നാമെങ്കിലും ഇത് ചർമത്തെ മികച്ച രീതിയിൽ എക്‌സ്‌ഫോളിയേറ്റ് ചെയ്യുന്നതിനും വിഷാംശം ഇല്ലാതാക്കുന്നതിനും സെല്ലുലൈറ്റുകളെ തകർക്കുന്നതിനുമെല്ലാം ഒരു പരിധിവരെ സഹായം ചെയ്യും എന്ന് പറയപ്പെടുന്നു. മാത്രമല്ല എല്ലാത്തിലുമുപരി ഇത് ശരീരത്തിൽ നിന്ന് അധിക ഭാരം കുറയ്ക്കുന്നതിന് പോലും ഫലപ്രദമാണെന്ന് വിശ്വസിക്കപ്പെടുന്നു.
എങ്ങനെ ചെയ്യാം?
ഹൃദയഭാഗത്തേയ്ക്ക് വേണം ഡ്രൈ ബ്രഷ് ചെയ്യാൻ. കാലുകളിൽ നിന്ന് മുകൾ ഭാഗത്തേയ്ക്ക് ചെയ്ത് തുടങ്ങണം. കൈകൾ, കഴുത്ത് എന്നിവിടങ്ങളിൽ നിന്ന് നെഞ്ച് ഭാഗത്തേയ്ക്ക് ഡ്രൈ ബ്രഷ് ചെയ്യാം. ഉണങ്ങിയ ബ്രഷ് ഉപയോഗിച്ച് ഉണങ്ങിയ ചർമ്മത്തിലാണ് ഇത് ചെയ്യേണ്ടത്. സ്‌ക്രബ് ചെയ്യുന്ന രീതിയിലല്ല, മറിച്ച് ബ്രഷ് ഉപയോഗിച്ച് നീളത്തിൽ ചർമ്മത്തിൽ സമയമെടുത്ത് ബ്രഷ് ചെയ്യണം.
അതുകൊണ്ടുതന്നെ ഇനിമുതൽ നിങ്ങളുടെ വിശ്രമവേളകളിൽ ആഹ്ലാദം പകരുന്ന സ്പാ ട്രീറ്റ്മെൻ്റുകൾക്കായി പോകുമ്പോൾ ഇക്കൂട്ടത്തിൽ ഡ്രൈ ബ്രഷിംഗ് കൂടെ ഉൾപ്പെടുത്താൻ മറക്കരുത്. ഡ്രൈ ബ്രഷ് ചെയ്യുന്നത് വഴി ശരീരത്തിന് ലഭിക്കുന്ന ചില മികച്ച ഗുണങ്ങളെ കുറിച്ച് അറിയാം.
Dark Lips : ചുണ്ടുകൾക്ക് നല്ല നിറം വേണ്ടേ? ഈ ചെറിയ കാര്യങ്ങൾ ശ്രദ്ധിക്കാം
ചർമ്മത്തിന്റെ നിറം
ചർമ്മത്തിന്റെ നിറം എല്ലായിടത്തും ഒരുപോലെയാക്കാൻ സഹായിക്കുന്ന മികച്ച രീതിയാണ് ഡ്രൈ ബ്രഷിംഗ്.
നിർജ്ജീവ ചർമ്മത്തെ പുറന്തള്ളാൻ
കൃത്യമായ ഇടവേളകളിൽ വൃത്തിയാക്കിയില്ലെങ്കിൽ ചർമ്മത്തിൽ നിർജ്ജീവ കോശങ്ങൾ എളുപ്പത്തിൽ അടിഞ്ഞു കൂടാനുള്ള സാധ്യതയുണ്ട്. ഇത് നീക്കം ചെയ്യാൻ സഹായിക്കുന്ന ലളിതമായ മാർഗങ്ങളിലൊന്നാണ് ഡ്രൈ ബ്രഷിംഗ് രീതി. നിർജീവ ചർമ്മത്തെ നീക്കം ചെയ്യുന്നതിനും ചർമ്മകോശങ്ങളെ പുനരുജ്ജീവിപ്പിക്കുന്നതിനും കൂടുതൽ മിനുസമാർന്ന ചർമ്മം നൽകുന്നതിനും ഇത് സഹായം ചെയ്യും. ചർമ്മത്തെ കൂടുതൽ ശുദ്ധിയുള്ളതും മൃദുലവും മിനുസമാർന്നതുമായി തോന്നിപ്പിക്കാൻ വഴിയൊരുക്കുന്ന ഒരു പ്രകൃതിദത്ത ചികിത്സയായി ഇത് പ്രവർത്തിക്കും.
രക്തയോട്ടം കൂട്ടാം
ചർമ്മം മികച്ച രീതിയിൽ ഡ്രൈ ബ്രഷ് ചെയ്യുന്നതിലൂടെ നിങ്ങളുടെ ചർമ്മകോശങ്ങളിലേക്കുള്ള ഓക്സിജൻ അടങ്ങിയ രക്തത്തിന്റെ ഒഴുക്ക് വർദ്ധിക്കും. ഈ ഒരു പ്രവർത്തി ചെയ്യുന്നത് ശരീരത്തിലുടനീളം രക്തചംക്രമണം മെച്ചപ്പെടുത്തുകയും ശാരീരിക കോശങ്ങളിലേക്ക് ആവശ്യമായ പോഷകങ്ങളെ വാഗ്ദാനം ചെയ്യുകയും ചെയ്യുമെന്ന് ചില വിദഗ്ധർ അഭിപ്രായപ്പെടുന്നുണ്ട്. ഇതുവഴി ചർമ്മത്തിന് കൂടുതൽ ആരോഗ്യവും തിളക്കവും ലഭ്യമാക്കാൻ സാധിക്കും.
ലിംഫാറ്റിക് സിസ്റ്റത്തെ ഉത്തേജിപ്പിക്കുന്നു
നമ്മുടെ ശരീരത്തിലെ ലിംഫറ്റിക് സിസ്റ്റം പ്രതിരോധശേഷി ശക്തിപ്പെടുത്തുന്നതിനായി അണുബാധകളെ അകറ്റി നിർത്താൻ എപ്പോഴും ശ്രമിച്ചുകൊണ്ടിരിക്കുന്നുണ്ട്. നിങ്ങളുടെ ചർമ്മത്തിൽ ഡ്രൈ ബ്രഷ് ചെയ്യുമ്പോൾ ലിംഫറ്റിക് സിസ്റ്റം ഉത്തേജിപ്പിക്കപ്പെടുകയും അതിന്റെ പ്രവർത്തനം മെച്ചപ്പെടുകയും ശരീരത്തിലെ എല്ലാ വിഷാംശവും പുറം തള്ളുന്നതിന് അവയവങ്ങളെ സജീവമായി പ്രവർത്തിക്കാൻ സഹായിക്കുകയും ചെയ്യുന്നു. എന്നിരുന്നാലും ഓർമ്മിക്കേണ്ട ഒരു പ്രധാന വസ്തുത ഈ നടപടിക്രമം ഒരു മാനുവൽ ലിംഫറ്റിക് ഡ്രെയിനേജ് മസാജുകൾ പോലെ അത്ര മികച്ച ഫലങ്ങൾ നൽകുന്നതല്ല.
വിഷാംശം ഇല്ലാതാക്കുന്നു
ഡ്രൈ ബ്രഷിംഗ് രീതി ചർമ്മത്തിലെ സുഷിരങ്ങളെ തുറക്കുകയും ലിംഫറ്റിക് സിസ്റ്റത്തിൻ്റെ പ്രവർത്തനത്തെ സഹായിക്കുകയും ചെയ്യുന്നതിനാൽ, ശരീരത്തിലെ എല്ലാ അവയവങ്ങളിൽ നിന്നും വിഷാംശം പുറന്തള്ളാൻ സഹായം ചെയ്യും. ശരീരത്തിൽ ഒളിഞ്ഞിരിക്കുന്ന വിഷാംശത്തിൻ്റെ പ്രകാശനത്തെ വേരോടെ നീക്കംചെയ്യുകയും ബന്ധിത കോശങ്ങളിൽ ഇതുമൂലമുണ്ടാകുന്ന അകാല അനാരോഗ്യ ലക്ഷണങ്ങളെ ഇത് പ്രതിരോധിക്കുകയും ചെയ്യുന്നു.
ദഹനം മെച്ചപ്പെടുത്തുന്നു
ഡ്രൈ ബ്രഷിംഗ് ചെയ്യുന്നത് ശരീരത്തിന് ലഭിക്കുന്ന മറ്റൊരു ഗുണങ്ങളിൽ ഒന്നാണ് ഇത് നിങ്ങളുടെ ദഹന സ്ഥിതി മെച്ചപ്പെടുത്തുന്നു എന്നത്. ഇത് ദഹനവ്യവസ്ഥയുടെ പ്രവർത്തനത്തെ മികച്ചതാക്കി മാറ്റുകയും മലബന്ധം അടക്കമുള്ള ലക്ഷണങ്ങളെ ലഘൂകരിക്കുകയും ചെയ്യുന്നു.
ശരീരഭാരം കുറയ്ക്കാൻ
ചില പഠനങ്ങൾ പറയുന്നത് ഡ്രൈ ബ്രഷിംഗ് ഇടയ്ക്കിടെ ചെയ്യുന്നത് നിങ്ങളുടെ ശരീരഭാരം കുറയ്ക്കാനുള്ള ശ്രമങ്ങൾക്ക് ഉത്തേജനം നൽകുമെന്നാണ്. വലിയ രീതിയിൽ മാറ്റങ്ങൾ കൊണ്ടുവരില്ലെങ്കിലും എളുപ്പത്തിൽ ചെയ്യാൻ കഴിയുന്ന സുരക്ഷിതമായ മാർഗ്ഗമായി ചില വിദഗ്ധർ ഇതിനെ ചൂണ്ടിക്കാണിക്കുന്നുണ്ട്.
ചര്‍മം തിളങ്ങാന്‍ വെജിറ്റബിള്‍ പീല്‍ പീല്‍ ഓഫ് മാസ്‌ക്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : benefits of dry brushing your skin
Malayalam News from Samayam Malayalam, TIL Network
