സൗന്ദര്യത്തിന് പല വഴികളും പരീക്ഷിയ്ക്കുന്നവരുണ്ട്. ഇതില്‍ ചില വൈററമിനുകളുടെ പ്രയോഗം പ്രധാനമാണ്. ഇതില്‍ ഒന്നാണ് വൈറ്റമിന്‍ സി. ചര്‍മ സൗന്ദര്യത്തിന് വൈറ്റമിന്‍ സി ഏറെ പ്രധാനമാണ്. മുഖത്തെ കരുവാളിപ്പ് അകറ്റാനും മുഖം തിളങ്ങാനും പാടുകള്‍ അകറ്റാനുമെല്ലാം ഇതേറെ നല്ലതാണ്. വൈറ്റമിന്‍ സി ഭക്ഷണ രൂപത്തില്‍ കഴിയ്ക്കുന്നത് ഏറെ നല്ലതാണ്. സിട്രസ് ഫലങ്ങളില്‍ ഇവയുണ്ട്. ഇതല്ലാതെ ഇതിന്റെ സപ്ലിമെന്റുകള്‍ ലഭ്യമാണ്. ഇത് ഗുളിക രൂപത്തില്‍ വാങ്ങി മുഖത്ത് പുരട്ടുന്നവരുണ്ട്. എന്നാല്‍ ഇത് ഇട്ടാല്‍, ഇടുമ്പോള്‍ ചെയ്യണ്ട ചിലതുമുണ്ട്.

​ഇത് ഉപയോഗിയ്ക്കാന്‍

ഇത് ഉപയോഗിയ്ക്കാന്‍ രണ്ടു വൈറ്റമിന്‍ സി ക്യാപ്‌സൂള്‍ വാങ്ങുക. 500 എംജി വാങ്ങാം. രണ്ട് ടേബിള്‍ സ്പൂണ്‍ റോസ് വാട്ടര്‍, ഒരു ടേബിള്‍ സ്പൂണ്‍ ഗ്ലിസറിന്‍ എന്നിവ വേണം. ഒപ്പം വൈറ്റമിന്‍ E ക്യാപ്‌സൂള്‍ ഒന്നും വേണം. ഇതിട്ടാല്‍ ഉടന്‍ റിസല്‍ട്ട് കിട്ടില്ല. പതുക്കെയെ ഫലം തരൂ. കാരണം കുറച്ചു മാത്രമേ ചര്‍മം വലിച്ചെടുക്കൂ. ബാക്കി ഓക്‌സിഡേഷന്‍ സംഭവിച്ച് നഷ്ടപ്പെടും. ഇതിട്ടാല്‍ നല്ലതു പോലെ മോയിസ്ചറൈസര്‍ പുരട്ടണം. പുരട്ടും മുന്‍പ് ക്ലീന്‍ ചെയ്യണം. ഇട്ട ശേഷം പുറത്തിറങ്ങുമ്പോള്‍ സണ്‍സ്‌ക്രീന്‍ പുരട്ടണം.ഓക്‌സിഡേഷന്‍ സംഭവിച്ചു പോകാതിരിയ്ക്കാന്‍ വേണ്ടിയാണ് വൈറ്റമിന്‍ ഇ പുരട്ടുന്നത്.

​ഇതെല്ലാം കൂടി കലര്‍ത്തി

ഇതെല്ലാം കൂടി കലര്‍ത്തി ബ്രൗണ്‍ നിറത്തിലെ കുപ്പിയില്‍ ഇട്ടു വയ്ക്കാം. പില്‍സ് കുപ്പിയില്‍ ഇട്ട് പിന്നീട് റോസ് വാട്ടര്‍ ഒഴിച്ച് പിന്നീട് ഗ്ലിസറിന്‍ ചേര്‍ത്ത് നല്ലതു പോലെ കുലുക്കുക. ഇതിലേയ്ക്ക് വൈറ്റമിന്‍ ഇ കൂടി ചേര്‍ത്ത് ഇളക്കി വയ്ക്കാം. ഇത് തണുത്ത സൂര്യപ്രകാശമില്ലാത്ത ഇടത്തു സൂക്ഷിയ്ക്കണം. ഇതിനാലാണ് ബ്രൗണ്‍ കുപ്പിയില്‍ സൂക്ഷിയ്ക്കാന്‍ പറയുന്നത്. ഇത് മുഖത്തു ചെറുതായി പുരട്ടി മസാജ് ചെയ്ത ശേഷം രണ്ടു മൂന്നു മണിക്കൂര്‍ ശേഷം വേണമെങ്കില്‍ നീക്കാം. അല്ലെങ്കില്‍ രാത്രി മുഖത്തു വച്ചു കിടക്കാം. മുഖത്തു നിന്നു നീക്കിയ ശേഷം മോയിസ്ചറൈസര്‍ പുരട്ടണം. രാവിലെ സണ്‍സ്‌ക്രീന്‍ പുരട്ടുകയും വേണം.

​വൈറ്റമിന്‍ സി

വൈറ്റമിന്‍ സി ഗുളിക രൂപത്തില്‍ അല്ലാതെ വീട്ടില്‍ തന്നെ സ്വാഭാവികമായി ഉണ്ടാക്കാന്‍ സാധിയ്ക്കും. ഇതിനായി വേണ്ടത് ഓറഞ്ച് തൊലി പൊടിച്ചതാണ്. ഇതില്‍ ധാരാളം വൈറ്റമിന്‍ സി ഉണ്ട്. ഇത് ഉണക്കിപ്പൊടിച്ച് അരിച്ചെടുക്കുക. ഇത് ഒരു ടേബിള്‍ സ്പൂണ്‍, ഇത്ര തന്നെ കറ്റാര്‍ വാഴ ജെല്‍, റോസ് വാട്ടര്‍ നാല് ടേബിള്‍ സ്പൂണ്‍, വൈറ്റമിന്‍ ഇ ക്യാപ്‌സൂള്‍ 4 എന്നിവ ചേര്‍ത്തിളക്കി മിക്‌സ് ചെയ്ത് ഫ്രിഡ്ജില്‍ വയ്ക്കാം. ഇതും ഉപയോഗിയ്ക്കാം.

​വൈറ്റമിന്‍ സി സെറം

വൈറ്റമിന്‍ സി സെറം ഇതു പോലെ ഉപയോഗിയ്ക്കുമ്പോള്‍ രാത്രി പുരട്ടുന്നതാണ് നല്ലത്. ഇതു പോലെ ചര്‍മം വരളാന്‍ സാധ്യതയുള്ളതിനാല്‍ തന്നെ ഉപയോഗ ശേഷം മോയിസ്ചറൈസര്‍ പുരട്ടണം. ഇതിനു ശേഷം കഴിവതും വെയില്‍ കൊള്ളാതെ സൂക്ഷിയ്ക്കുക. സണ്‍സ്‌ക്രീന്‍ നിര്‍ബന്ധമായും പുരട്ടുകയും വേണം. ഇത് രണ്ടാഴ്ച അടുപ്പിച്ച് ഉപയോഗിച്ചാല്‍ ഒരാഴ്ച നിര്‍ത്തി വയ്ക്കുക. വീണ്ടും ഉപയോഗിയ്ക്കാം. മുഖത്തെ വിവിധ പ്രശ്‌നങ്ങള്‍ക്ക് ഇതേറെ ഗുണകരമാണ്. Also read: പതിവായി മുഖം ബ്ലീച്ച് ചെയ്യേണ്ട; പണി കിട്ടും