കാർഷിക നിയമങ്ങൾ പിൻവലിച്ചത് കർഷകരുടെ വിജയം; കേന്ദ്രം ചർച്ചകളെ ഭയക്കുകയാണെന്ന് രാഹുൽ ഗാന്ധിവിവാദ കാർഷിക നയം പിൻവലിച്ചത് കർഷകരുടെ വിജയമാണെന്ന് കോൺഗ്രസ് നേതാവ് രാഹുൽ ഗാന്ധി പറഞ്ഞു. ലഖിംപൂർ ഖേരി, മിനിമം താങ്ങുവില വിഷയങ്ങളിൽ ചർച്ചകൾ വേണമായിരുന്നുവെന്നും രാഹുൽ പറഞ്ഞു. ചർച്ചകൾ ഇല്ലെങ്കിൽ പാർലമെന്റ് എന്തിനാണെന്ന് രാഹുൽ ഗാന്ധി ചോദിച്ചു.
തെറ്റ് സംഭവിച്ചത് തിരിച്ചറിഞ്ഞെങ്കിൽ കേന്ദ്രം നഷ്ടപരിഹാരം നൽകണം. നിയമങ്ങൾ തെറ്റാണെന്ന് കേന്ദ്രസർക്കാരിന് അറിയാമായിരുന്നു. താങ്ങുവില അടക്കമുള്ള കാര്യങ്ങൾ ചർച്ച ചെയ്യാതെയാണ് നിയമങ്ങൾ പിൻവലിച്ചത്. ചർച്ചകളെ കേന്ദ്രം ഭയക്കുകയാണെന്ന് രാഹുൽ പറഞ്ഞു.
കേന്ദ്രം കാർഷിക നിയമം പിൻവലിച്ചു; കർഷകർ പക്ഷേ സമരം നി‍ർത്തില്ല
കഴിഞ്ഞ ഗുരുനാനാക്ക് ജയന്തി ദിനത്തിലാണ് വിവാദ കാർഷിക നിയമങ്ങൾ പിൻവലിക്കുകയാണെന്ന് പ്രധാനമന്ത്രി നരേന്ദ്ര മോദി രാജ്യത്തെ അറിയിച്ചത്. നിയമങ്ങളുടെ ഗുണവശങ്ങള്‍ കര്‍ഷകരെ മനസ്സിലാക്കാൻ സാധിച്ചില്ലെന്നും കര്‍ഷകരോടു ക്ഷമ ചോദിക്കുന്നുവെന്നും പ്രധാനമന്ത്രി പറഞ്ഞു.
കാർഷിക നിയമങ്ങൾ പിൻവലിച്ചെങ്കിലും സമരം അവസാനിപ്പിക്കില്ലെന്നാണ് സംയുക്ത കിസാൻ മോർച്ച വ്യക്തമാക്കിയിരിക്കുന്നത്. തങ്ങൾ ആറ് ആവശ്യങ്ങൾ മുന്നോട്ടുവെച്ചിട്ടുണ്ടെന്നും അതിൽ ഒരു ആവശ്യം മാത്രമാണ് കേന്ദ്രം അംഗീകരിച്ചതെന്നും കർഷകർ പറയുന്നു. താങ്ങുവില അടക്കമുള്ള കാര്യങ്ങളിൽ സർക്കാർ നിയമപരമായ ഉറപ്പ് നൽകണമെന്നാണ് കർഷകർ ആവശ്യപ്പെടുന്നത്.
സെക്രട്ടറി ഗോഷ്ടി കാണിച്ചു? കട്ടപ്പന നഗരസഭയില്‍ വാക്കേറ്റം പരിഹാസം
Web Title : bill scrapping three farm laws gets president kovind s assent
Malayalam News from Samayam Malayalam, TIL Network
