കോഴിക്കോട്ട് വിദ്യാര്‍ഥിനിക്കുനേരെ ലൈംഗികാതിക്രമം; പെൺകുട്ടി തന്നെ യുവാവിനെ പിടികൂടി പോലീസിലേൽപ്പിച്ചു

കോഴിക്കോട്: ട്യൂഷൻ ക്ലാസ് കഴിഞ്ഞ് മടങ്ങുന്നതിനിടെ ലൈംഗികാതിക്രമം നടത്തിയ യുവാവിനെ പെൺകുട്ടി തന്നെ പിടികൂടി പോലീസിലേൽപ്പിച്ചു. കോഴിക്കോട് നഗരത്തിൽ രാവിലെ ഒമ്പത് മണിയോടെയാണ് സംഭവം. കടന്നുപിടിച്ച യുവാവിനെ പ്ലസ് വൺ വിദ്യാർഥിനിയാണ് പിടികൂടിയത്. സംഭവവുമായി ബന്ധപ്പെട്ട് പാളയം സ്വദേശിയായ ബിജു എന്ന 30കാരനെ പോലീസ് കസ്റ്റഡിയിലെടുത്തു.



ട്യൂഷൻ ക്ലാസ് കഴിഞ്ഞ് വിദ്യാർഥിനി സ്കൂളിനടുത്ത് എത്തിയപ്പോഴാണ് സംഭവം. പുറകെ എത്തിയ ബിജു കുട്ടിയെ കടന്ന് പിടിക്കുകയായിരുന്നു. തുടർന്ന് ഓടിരക്ഷപ്പെടാൻ ശ്രമിച്ച ഇയാൾ മറ്റൊരു പെൺകുട്ടിയെയും ശല്യപ്പെടുത്താൻ ശ്രമിച്ചു. തുടർന്ന് ഓടി രക്ഷപ്പെടുന്നതിനിടെയാണ് പെൺകുട്ടി ഇയാളെ പിന്തുടർന്ന് പിടികൂടിയത്.

Also Read : യുവതികളുടെ ശരീരത്തിൽ എംഡിഎംഎ വിതറി, ഫോണിൽ സൈജുവിന്‍റെ പീഡന ദൃശ്യങ്ങളും



അക്രമിയുടെ ഷർട്ടിൽ പിടികൂടിയ കുട്ടി ഇയാളെ പിടിച്ച് വീഴ്ത്തുകയായിരുന്നു. ഇതോടെ നാട്ടുകാരും തടിച്ചുകൂടി, ഇയാളെ പിടിച്ചുവെച്ചു. തുടർന്ന് സ്ഥലത്തെത്തിയ പിങ്ക് പോലീസാണ് ബിജുവിനെ കസ്റ്റഡിയിലെടുക്കുന്നത്.

Also Read : മുൻ മിസ് കേരള വിജയികളുടെ മരണം: അപകട കാരണം ചേസിങ്, സൈജു മൂന്ന് ദിവസം കൂടി പോലീസ് കസ്റ്റഡിയിൽ

പ്രതി മാനസികാസ്വാസ്ഥ്യമുള്ളത് പോലെയാണ് പെരുമാറുന്നതെന്ന് പോലീസിനെ ഉദ്ധരിച്ച് മാതൃഭൂമി ന്യൂസ് റിപ്പോർട്ട് ചെയ്തു. ബിജുവിനെതിരെ പോക്സോ കേസ് ചുമത്തുമെന്നും പോലീസ് വ്യക്തമാക്കി.