Mary T | Samayam Malayalam | Updated: Dec 2, 2021, 8:05 AM
രോഗബാധിതയായ സ്ത്രീ എന്തെങ്കിലും രോഗ ലക്ഷണങ്ങള്‍ പ്രകടിപ്പിച്ചിട്ടില്ലെങ്കിലും അവരെ സസൂക്ഷ്മം നിരീക്ഷിച്ചുവരികയാണ്.
രോഗബാധ ആഫ്രിക്കയില്‍ നിന്നെത്തിയ സ്ത്രീക്ക്
ആഫ്രിക്കന്‍ സ്ത്രീയെ ഐസൊലേറ്റ് ചെയ്തതായും അവരുമായി സമ്പര്‍ക്കത്തില്‍ ഏര്‍പ്പെട്ട ആളുകളെ കണ്ടെത്തി ക്വാറന്റൈന്‍ ചെയ്തതായും അധികൃതര്‍ വ്യക്തമാക്കി. രോഗബാധിതയായ സ്ത്രീ എന്തെങ്കിലും രോഗ ലക്ഷണങ്ങള്‍ പ്രകടിപ്പിച്ചിട്ടില്ലെങ്കിലും അവരെ സസൂക്ഷ്മം നിരീക്ഷിച്ചുവരികയാണ്. യുഎഇയുടെ ആരോഗ്യ പ്രോട്ടോക്കോള്‍ അനുസരിച്ച് പൂര്‍ണമായും വാക്സിന്‍ എടുത്ത ശേഷമാണ് അവര്‍ രാജ്യത്തെത്തിയത്. അവരുടെ ആരോഗ്യം സംരക്ഷിക്കുന്നതിനുള്ള എല്ലാ നടപടികളും മന്ത്രാലയം സ്വീകരിച്ചിട്ടുണ്ടെന്നും അധികൃതര്‍ അറിയിച്ചു.
പ്രതിരോധം ശക്തമാക്കാന്‍ ആഹ്വാനം
രാജ്യത്ത് ഒമിക്രോണ്‍ വകഭേദം ഉള്‍പ്പെടെയുള്ള കൊവിഡ് വൈറസിനെ പ്രതിരോധിക്കാന്‍ എല്ലാവരും ബൂസ്റ്റര്‍ ഡോസ് വാക്സിന്‍ ഉള്‍പ്പെടെ എടുക്കുന്നതില്‍ മുന്നോട്ടുവരണമെന്നും ആരോഗ്യമന്ത്രാലയം ആഹ്വാനം ചെയ്തു. ഒമിക്രോണ്‍ വ്യാപനത്തെ പ്രതിരോധിക്കുന്നതിന്റെ ഭാഗമായി വിവിധ ആഫ്രിക്കന്‍ രാജ്യങ്ങളില്‍ നിന്നുള്ള വിമാന സര്‍വീസുകള്‍ക്ക് നേരത്തേ വിലക്കേര്‍പ്പെടുത്തിയിരുന്നു. എന്നാല്‍, ഇപ്പോള്‍ യുഎഇയില്‍ റിപ്പോര്‍ട്ട് ചെയ്യപ്പെട്ടിരിക്കുന്ന ആദ്യ കേസ് മറ്റൊരു അറബ് രാജ്യം വഴിയാണ് രാജ്യത്തെത്തിയിരിക്കുന്നത്.
സൗദിയിലും ഒമിക്രോണ്‍ കണ്ടെത്തി
മിഡിലീസ്റ്റ് രാജ്യങ്ങളില്‍ സൗദി അറേബ്യയില്‍ ഒമിക്രോണ്‍ വൈറസ് കഴിഞ്ഞ ദിവസം റിപ്പോര്‍ട്ട് ചെയ്യപ്പെട്ടിരുന്നു. ആഫ്രിക്കയില്‍ നിന്നെത്തിയ യാത്രക്കാരനാണ് സൗദിയിലും ആദ്യമായി പുതിയ വകഭേദം സ്ഥിരീകരിച്ചത്. ഇയാളെ ഐസൊലേഷനിലേക്ക് മാറ്റിയതായി സൗദി ആരോഗ്യ മന്ത്രാലയം അറിയിച്ചു. ഗള്‍ഫില്‍ ആദ്യമായി ഒമിക്രോണ്‍ സ്ഥിരീകരിച്ചത് സൗദിയിലായിരുന്നു. ഏത് ആഫ്രിക്കന്‍ രാജ്യത്തില്‍ നിന്നുള്ളയാള്‍ക്കാണ് കോവിഡ് വകഭേദം സ്ഥിരീകരിച്ചതെന്ന് വ്യക്തമല്ല. ഇദ്ദേഹവുമായി സമ്പര്‍ക്കമുണ്ടായിരുന്നവരെ ക്വാറന്റൈനിലേക്ക് മാറ്റിയിട്ടുണ്ട്. സൗദി 14 രാജ്യങ്ങളില്‍ നിന്നുള്ളവര്‍ക്ക് പ്രവേശന വിലക്ക് ഏര്‍പ്പെടുത്തിയിരുന്നു. ഈ വിലക്ക് ഏര്‍പ്പെടുത്തും മുന്‍പ് സൗദിയിലെത്തിയതാവാം ഇദ്ദേഹം എന്നാണ് നിഗമനം. കുവൈറ്റ്, ഒമാന്‍, ഖത്തര്‍ ഉള്‍പ്പെടെയുള്ള മറ്റ് ഗള്‍ഫ് നാടുകളില്‍ ഇതുവരെ കോവിഡിന്റെ പുതിയ വകഭേദം കണ്ടെത്തിയിട്ടില്ലെന്നാണ് അധികൃതര്‍ നല്‍കുന്ന വിവരം.
Video-സെക്രട്ടറി ഗോഷ്ടി കാണിച്ചു? കട്ടപ്പന നഗരസഭയില്‍ വാക്കേറ്റം പരിഹാസം
സെക്രട്ടറി ഗോഷ്ടി കാണിച്ചു? കട്ടപ്പന നഗരസഭയില്‍ വാക്കേറ്റം പരിഹാസം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : uae report first omicron covid variant cases in gulf
Malayalam News from Samayam Malayalam, TIL Network
