ഞെട്ടിച്ച് ലോക്ക് ഡൗൺ കാലം: കൊവിഡ് മരണ നിരക്ക് 149 ശതമാനം, കണക്കുകൾ ഇങ്ങനെ

തിരുവനന്തപുരം: കൊവിഡ്-19 വ്യാപനം പിടിച്ചു നിർത്തുകയെന്ന നടപ്പാക്കിയ ലോക്ക് ഡൗൺ ദിവസങ്ങൾ കേരളത്തിൽ കൊവിഡ് മരണനിരക്ക് ഉയർന്ന തോതിൽ റിപ്പോർട്ട് ചെയ്‌തതായി കണക്കുകൾ. സംസ്ഥാനം പൂർണമായി അടച്ചിട്ട ജൂൺ രണ്ട് മുതൽ 9വരെയുള്ള ദിവസങ്ങളിൽ 1,214 കൊവിഡ് മരണങ്ങളും 1,08,165 കൊവിഡ് കേസുകളുമാണ് സംസ്ഥാനത്ത് റിപ്പോർട്ട് ചെയ്‌തതെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്‌തു.



പാലത്തായി പീഡനം; സിബിഐ അന്വേഷണം ആവശ്യപ്പെട്ട് പത്മരാജന്റെ ഹർജി

മെയ് അഞ്ച് മുതൽ 12വരെയുള്ള ദിവസങ്ങളിൽ സംസ്ഥാനത്ത് 488 കൊവിഡ് മരണങ്ങൾ സംഭവിച്ചപ്പോൾ 2,67,002 കൊവിഡ് കേസുകൾ റിപ്പോർട്ട് ചെയ്‌തു. ഈ ആഴ്‌ചകളുമായി താരതമ്യം ചെയ്യുമ്പോൾ കൊവിഡ് കണക്കിൽ 59 ശതമാനം കുറവ് രേഖപ്പെടുത്തിയപ്പോൾ മരണനിരക്ക് 149 ശതമാനമായി വർധിച്ചു. മുൻ ആഴ്‌ചകളുമായി താരതമ്യം ചെയ്യുമ്പോൾ കഴിഞ്ഞയാഴ്‌ച പരിശോധനാ നിരക്ക് 22 ശതമാനമായി കുറഞ്ഞു.

പ്രതിദിന കൊവിഡ് കണക്കുകളിലും മരണനിരക്കിലും ദേശീയ തലത്തിൽ കുറവ് സംഭവിച്ചപ്പോൾ കേരളത്തിലെ കണക്കുകൾ ആശങ്കപ്പെടുത്തുന്നതാണ്. മെയ് 12 മുതൽ ജൂൺ 9 വരെ കേരളത്തിലെ മരണനിരക്ക് 72 ശതമാനമാണ്. 28 ദിവസത്തെ കാലയളവിൽ 4,384 കൊവിഡ് മരണങ്ങളാണ് സംഭവിച്ചത്. സംസ്ഥാനത്തെ ആകെ കൊവിഡ് മരണങ്ങളിൽ മൂന്നിൽ നാല് ശതമാനവും ലോക്ക് ഡൗൺ പ്രഖ്യാപിച്ച ദിവസങ്ങളിലായിരുന്നു.

‘പിണറായി വിജയൻ വീട്ടിൽ കിടന്നുറങ്ങില്ല’: ഭീഷണിയുമായി എഎൻ രാധാകൃഷ്ണൻ; സുരേന്ദ്രന് പിന്തുണ

പലവിധ രോഗബാധിതരായ ആളുകളിലാണ് കൊവിഡ് മരണനിരക്ക് കൂടുതലായി സംഭവിച്ചത്. സംസ്ഥാനത്തെ ജനസംഖ്യയുടെ 50 ശതമാനത്തിലധികം പേരിലും കൊവിഡ് വന്നുപോയി. മെയ് അഞ്ച് മുതൽ 12വരെയുള്ള ദിവസങ്ങളിൽ കേരളത്തിൽ 9.5 ലക്ഷം കൊവിഡ് ടെസ്റ്റുകൾ നടത്തിയപ്പോൾ ജൂൺ 2 മുതൽ 9വരെ 7.5 ലക്ഷം ടെസ്‌റ്റുകൾ മാത്രമാണ് നടത്തിയത്. കൊവിഡ് മരണനിരക്ക് നിശ്ചിയിക്കുന്നതിൽ പുതിയ മാർഗനിർദേശം നിലവിൽ വന്നതോടെ പഴയ കൊവിഡ് മരണങ്ങൾ ഇപ്പോൾ പുറത്തുവിടുന്നത് മരണസംഖ്യ ഉയരാൻ കാരണമാകുന്നുണ്ടെന്നും റിപ്പോർട്ടിൽ വ്യക്തമാക്കുന്നുണ്ട്.