ഹൈലൈറ്റ്:
- കടുതൽ നേതാക്കള്‍ തിരിച്ചെത്തുമെന്ന് തൃണമൂൽ കോൺഗ്രസ്
- കൂറുമാറ്റ നിയമം പ്രയോഗിക്കാൻ ബിജെപി
- പശ്ചിമ ബംഗാള്‍ ബിജെപിയിൽ ഭിന്നതയെന്ന് റിപ്പോര്‍ട്ടുകള്‍
കഴിഞ്ഞ ആഴ്ചയാണ് ബിജെപി ഉപാധ്യക്ഷനായ മുകുള്‍ റോയ് തൃണമൂൽ കോൺഗ്രസിൽ തിരിച്ചെത്തിയത്. ഇതോടെ കൂടുതൽ നേതാക്കള്‍ തൃണമൂലിലെത്തുമെന്ന അഭ്യൂഹങ്ങള്‍ ശക്തമായിരുന്നു. ഇതിനു പിന്നാലെയാണ് ഗവര്‍ണറുടെ മുന്നിലെത്തിയപ്പോള്‍ ചില ബിജെപി എംഎൽഎമാരെ ‘കാണാതായത്.’ ഇക്കാര്യം ചൂണ്ടിക്കാട്ടി തൃണമൂൽ കോൺഗ്രസ് നേതാക്കള്‍ ഉടൻ രംഗത്തെത്തി. 24 ബിജെപി എംഎൽഎമാര്‍ എത്തിയിട്ടില്ലെന്നും ബിജെപി ഇക്കാര്യം അന്വേഷിക്കണമെന്നുമായിരുന്നു തൃണമൂൽ എംപി സുഖേന്തു ശേഖര്‍ റോയിയുടെ പ്രതികരണം.
Also Read: കുഴൽപ്പണക്കേസ്: നോട്ടീസ് അയച്ചാൽ ഇനി ചോദ്യം ചെയ്യലിന് ഹാജരാകില്ല; നിലപാട് കുടുപ്പിച്ച് ബിജെപി
നിയമസഭാ തെരഞ്ഞെടുപ്പിൽ ബിജെപി വിജയിക്കുമെന്ന് പ്രതീക്ഷിച്ച് തൃണമൂൽ വിട്ട എംഎൽഎമാരാണ് കൂട്ടത്തോടെ തിരിച്ചെത്തുന്നത്. എന്നാൽ ഇവര്‍ക്കെതിരെ കൂറുമാറ്റ നിയമം പ്രയോഗിച്ച് അയോഗ്യരാക്കണമെന്നാണ് ബിജെപിയുടെ ആവശ്യം. ആകെ 74 എംഎൽഎമാരുള്ള ബിജെപിയ്ക്ക് 30 എംഎൽഎമാരെ ഇത്തരത്തിൽ നഷ്ടപ്പെടുമെന്നാണ് റിപ്പോര്‍ട്ടുകള്‍.
Also Read: 24 മണിക്കൂറിനിടെ 62,224 കൊവിഡ് കേസുകൾ; രോഗമുക്തി നേടിയത് 1,07,628 പേർ
അതേസമയം പശ്ചിമ ബംഗാള്‍ ബിജെപി ഘടകത്തിൽ ഭിന്നത രൂക്ഷമാണെന്നും റിപ്പോര്‍ട്ടുകളുണ്ട്. ബിജെപി അധ്യക്ഷനായ ദിലീപ് ഘോഷിൻ്റെ അധ്യക്ഷതയിൽ വിളിച്ച യോഗത്തിൽ നിന്ന് നിരവധി നേതാക്കള്‍ വിട്ടു നിന്നതോടെയാണ് ഇതുസംബന്ധിച്ച റിപ്പോര്‍ട്ടുകള്‍ പുറത്തു വന്നത്. സംസ്ഥാനത്ത് വലിയ വിവാദവിഷയമായ പൗരത്വ നിയമഭേദഗതിയിൽ അടക്കം ചില ബിജെപി നേതാക്കള്‍ക്ക് ഭിന്നാഭിപ്രായമുണ്ട്.
നെറ്റ് വര്‍ക്കില്ല; കൊടും കാട്ടില്‍ കുടയും ചൂടി നിരവധി കുട്ടികള്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : tmc claims more mlas from bjp will join the party in west bengal as bjp fails to present whole team before governor
Malayalam News from malayalam.samayam.com, TIL Network
